吳千語情史精彩被封「拜金女」 林峯「七愛宣言」最矚目

吳千語緋聞對象全部都是有身分有地位名人。

現年30歲的吳千語與「百億富三代」施伯雄（Brian）在2018年被踢爆拍拖，二人一起4年多，兩人早前更在內地戀愛真人騷《愛情修學旅行》直認已交結婚申請書，稱聲於明年舉行婚禮。今日（12月17日）網上流出多張吳千語與施伯雄的結婚照片，有指兩人的婚禮是昨日（12月16日）中午時分在中環舉行。

內地社交平台流傳吳千語與施伯雄的結婚照片。

有指兩人的婚禮是昨日（12月16日）中午時分在中環舉行。

兩人在婚宴上切結婚蛋糕。

吳千語嫁入百億豪門。

成功嫁入百億豪門的吳千語，從出道開始就被外界套上「拜金」、「虛榮」及「公主病」等標籤，一直以來情史也十分精彩。吳千語被指對於富豪特別有興趣，不少和她傳出緋聞的對象都是富二代或者背景顯赫的上流人士，網上也有她求學時期的同學爆料，指她從小的願望就是嫁個有錢人，「拜金女」的名號也是由此而來。

吳千語很早期已有「拜金」形象，指屋邨出身的她極力躋身上流，以「嫁個有錢人」為目標。

2011年，吳千語被拍得與港姐冠軍王愛倫的細仔Derek Lim撻着，不過兩人拍拖時間不長，而男方3年前已迎娶拍拖多年的烏克蘭名模女友。

有指吳千語尚未正式與林峯確立關係時，曾與已故富商林建名細仔林孝信（右一）關係密切。

吳千語在2010年因為拍攝Tempo廣告，被黃百鳴相中而簽約入行，一出道已經擔任電影女主角。出道不久已經有傳媒拍到吳千語經常出入中環富二代夜場，又傳出不少緋聞，包括與前港姐王愛倫幼子Derek Lim（林建龍）孖住夜蒲又攬又咀，及被拍到私會富商林建名細仔林孝信。

吳千語和林峯曾經有過一段高調的戀情，林峯更是把吳千語當作公主一樣寵愛。

而吳千語最為人所知就是和林峯的一段戀情，兩人在2013年高調認愛，更時常情侶檔出席活動，最令大家深刻的就是林峯對吳千語作出「七愛宣言」，公開表示「我好愛、好愛、好愛、好愛、好愛、好愛、好愛BB！」成為一時佳話，而「千語BB」也是因此而來。吳千語和林峯拍拖時可謂備受寵愛，有指家底雄厚的林峯更讓她信用卡任碌，更贈送千萬豪宅予千語BB。

林峯對吳千語的寵溺程度一度被指是中了「BB降」。

林峯與吳千語分手一年左右，就與張馨月結婚，並誕下一女。

娛樂訪談節目《星展豐盛理財保險策劃呈獻：一周星星》，逢周日晚10點翡翠台播映。節目每集將瞄準影視圈及歌壇等焦點人物進行訪談，並由區永權、許文軒、王鎮泉、潘盈慧輪流主持，本周日晚（28日）播出的第四集，嘉賓是還未正式上映已熱爆全港的電影《尋秦記》四位主演古天樂、宣萱、林峯及朱鑑然，主持則是區永權。

呢個白眼，係咪正先？

你哋唔好以為係扮打，宣萱真係「啪」一聲打落去古仔度。

今集《一周星星》絕對可以「笑聲笑聲滿載溫馨」形容，單是古仔與宣萱的爆笑互動，已值回票價！先說「本尊Fact Check」環節，區永權求證古仔是否如傳聞所指「唔畀人趷得」，現場即時變得儼如聯歡會般熱鬧。古仔先是很大反應：「你講咩呀？（馬上指著宣萱）佢嗰日唔趷過我唔開心。」區永權聞言接招追問宣萱：「傳聞呢個世上，得你一個可以對住鏡頭趷佢（古仔）。」古仔聞言又「搶答」：「我澄清番先，佢唔對住鏡頭都係趷架喇。」不過宣萱對二人一唱一和卻大力抗議，並指區永權都會寸古仔，古仔聞言再搞笑謂：「我好記仇嘅，你死緊喇今次！」

當年呢條NG片熱爆網。

古仔想再篤宣萱，但宣萱好精靈咁避開咗。

古仔暗示畀宣萱趷到冇晒感覺
此時林峯加入戰團，不過卻並非為宣萱護航：「我喺度諗緊邊一日你係冇趷佢嘅，又好似冇…」、「我未見過有其他人趷佢」。被圍攻的宣萱，即強調「開工我冇趷佢嘅」，豈料古仔依然反對：「你咁都夠膽講嘅？！」由於戰況太過混亂，區永權嘗試作出精闢分析打圓場：「你（指宣萱）會唔會趷佢（指古仔）趷到趷咗都唔覺得趷緊佢呢？」宣萱聞言竟哈哈大笑：「咁我真係唔知。」眼見「沉冤得雪」，古仔加多兩錢肉緊謂：「咪係咯！（點解你畀佢趷？）咁我都唔知吖嘛，我都慣咗喇嘛，你估我想架？！」宣萱在節目中，還會大方分享成功「趷古仔」秘訣，萬勿錯過。

宣萱同古仔嘅互動真係好甜蜜。

古仔成日叫宣萱「等等先」。

古仔笑宣萱「成日郁手郁腳」
其實宣萱除了把口唔放過古仔，連「雙眼」及「雙手」亦對古仔「零客氣」。事緣其中一Part，宣萱詳談拍攝電影版《尋秦記》時，與當年的當家花旦郭羨妮再𢇽聚首「仲啱傾過以前」時，古仔因一句「即係以前唔啱傾」口多多搭嗲，被宣萱「反白眼」攻擊兼被負評「搞屎棍」；之後宣萱提到重遇歐瑞偉（角色陶總管）時感覺很強烈，並指很快便能投入與對方的感情戲時，古仔又再口多多：「即係你同陶總管有感情線，你意思係。」宣萱聞言嬲到狂打古仔，古仔只能無奈回應：「成日郁手郁腳。」之後宣萱應區永權要求向古仔表達謝意，熱情的她即作勢送上「熊抱」，古仔見狀即閘住：「唔好郁手郁腳呀喂」、「唔好摸呀！」最後連環慘食檸檬的宣萱竟出拳狂打古仔，十分搞笑。

至於宣萱，梗係成日忍唔住爆笑啦。

宣萱模仿古仔喺片場嘅眼神。

呢吓小學雞鬥扁嘴大賽真係笑死。

妙談當年「篤到狂笑」NG網紅片
古仔和宣萱還大方談及了劇集《尋秦記》廣傳至今的網紅NG片，談到其中一條古仔因大力篤宣萱心口、篤到宣萱忍不住爆笑的NG片時，宣萱時隔多年依然覺得搞笑又委屈：「我睇親都笑，我估我睇三十、甚至一百次都會笑」、「佢冇當我女人咯，總之係…可能對佢嚟講（力度）四架啫，但對我嚟講已經係七、八架喇。」古仔聞言只能回應：「篤本身唔大力唔係叫做篤嘅，叫做撩！」隨即應區永權要求即場示範向宣萱「撩穴」，宣萱見狀即靈活閃避：「唔好撩我！」

宣萱想攬古仔表達謝意，但古仔似乎想謝絕好意。

宣萱呢吓又係打得好激動。

淨係睇宣萱表情包，都值回票價啦。

古仔爆宣萱愛說話：佢平時一定會同我講嘢，我病嗰日我先唔應佢架咋
玩了一大輪，古仔才正式為當年力度過猛解畫，期間他除會大爆宣萱「唔記得對白瘀事」，還笑言宣萱一分鐘都不能停下嘴巴，古仔：「你叫佢現場唔講嘢一分鐘係冇可能嘅事嚟，呢個係真事。」、「佢平時一定會同我講嘢架，除咗我病嗰日我先唔應佢架咋。」面對古仔連環強攻，宣萱一度使出「搞笑扁嘴樣」無聲抗議，豈料古仔照辦煮碗扁嘴「反擊」，想親眼直擊兩位大細路更多爆笑互動，密切留意今晚播出的一集《一周星星》。