陶大宇興奮穿醫生袍 Sell腸道健康戒煙生活變規律

2023年12月20日 23:00 最後更新：23:28

陶大宇話戒煙係畀自己一份好好嘅禮物。

憑翻唱一曲《倒轉地球》而備受網民熱捧的「師奶殺手」陶大宇，日前為益生菌品牌「簡和堂」拍攝廣告，先後換上多個造型上陣，當中更收起搞笑作風，以嚴肅和專業的醫生造型示人，藉此傳遞健康訊息。大宇直言被醫學專業名詞考起：「有一兩句卡得好犀利，NG咗好多次。專業名詞唔可以錯，要跟得好足，唔可以口語化。」可見大宇非常嚴謹。

點擊看圖輯

陶大宇為益生菌品牌「簡和堂」拍攝廣告。

以醫生造型亮相！

陶大宇自言生活規律，腸道健康，完全符合代言人的要求。

他受訪時透露已戒煙超過十年。

現在注重飲食，又會做運動，唔同後生嗰時亂咁嚟！

陶大宇直言被醫學專業名詞考起。

感受著醫生袍嘅滋味！

戒煙生活變規律
益生菌主理腸道健康，作為藝人工作壓力大兼食無定時，大宇卻自言生活規律，腸道健康，完全符合代言人的要求：「我戒煙超過十年，戒煙係畀自己一份好好嘅禮物。我現在生活規律，唔同後生嗰時亂咁嚟，會暴飲暴食，而家好注重飲食，唔會大魚大肉、太肥膩，不過只係靠食係唔得，要加埋運動。」談到可以藉着今次廣告傳遞健康訊息，大宇表示非常開心：「唔一定有病先可以接呢類型嘅廣告，產品無論係男女、小朋友定長者都啱。」

廣告中，大宇穿起醫生袍，以專業形象示人，對此他大表興奮：「從影咁多年來，多數都係飾演警察同律師，比較少做醫生，只飾演過三次，但都係客串形式，今次終於感受到著醫生袍嘅滋味，拍劇做唔到嘅嘢，今次拍廣告就做到，好開心。」對於自己的醫生造型評價，他笑言：「好少見到真正嘅醫生着醫生袍好睇，多數嘅醫生袍都係比較寬闊，自己想盡量着得好睇啲，所以最重要係稱身同埋乾淨。」

愛把歡樂送觀眾
提到今次的廣告需以認真、專業形象示人，有別於唱《倒轉地球》時的開心歡樂，大宇坦言做藝人經常會有不同需要的演繹，而他非常樂意為大眾帶來歡樂：「疫情啱啱過，呢三年大家都捱得好辛苦。如果仲要好緊張嘅氣氛，會令人有壓力，所以想畀快樂人。」

此外，提到回港拍劇，大宇坦言很久沒有在港拍劇，他透露現階段一直有接洽不同劇集，只是緣份未到：「我對角色好奄尖，揀嚟揀去，所以好似好耐冇拍劇咁。」至於問到他對角色有何要求？他直言追求輕鬆的角色：「有機會會返香港拍，唔會唔拍，只不過係時間性問題。」

往下看更多文章

重案解密｜「兩大師奶殺手」神級對決陶大宇「丁益蟹」上身囂張霸道

犯罪懸疑劇《I LOAN U 網上貸款平台呈獻：重案解密》，今晚（5月15日）8點30分翡翠台連播兩小時結局篇，壓軸奇案是「富豪綁架撕票案」。劇情講述殺死警長杜凱斌（苗僑偉飾）妹妹杜凱琳（糖妹飾）與男友馬小東（麥子樂飾）的疑兇周永權（陶大宇飾），原來一早認識杜凱斌患失智症的父親杜震華（姜大衛飾），更多次到老人院帶杜震華外出，意圖不軌。之後周永權綁架富豪賀仲昆（史洪波飾），但周永權收到贖金後仍將肉參撕票，原來另有內情……

今晚一集焦點當然是兩大「師奶殺手」苗僑偉（三哥）與陶大宇的「宿命對決」！其中兩人在老人院擎槍對峙一幕緊張刺激，三哥槍指大宇，大宇則持槍對着全神貫注睇波、懵然不知身陷險境的姜大衛……至於壓軸一幕更是全集的高潮位，大宇持槍挾持飾演三哥老婆李思怡的周家怡，期間大宇承認當年禁錮糖妹，但因女方想逃走，被他手下發現才施毒手。之後岑麗香趕至，竟用手指扮槍指着大宇，並作出警告：「你再唔放低槍，我就開槍！」到底是什麼一回事？三哥與香香能否將大宇繩之於法？

高大威猛的三哥飾演警察固然入型入格，舉手投足都散發「型佬」味道。至於大宇演黑幫大佬霸氣外露，更滿口歪理，十足當年他演出《大時代》的經典角色丁益蟹！大宇虐殺富豪一幕非常殘忍，他先用棍毆打富豪，再用膠袋笠頭，盡顯兇殘個性。當他被三哥指害死糖妹時，大宇理直氣壯反駁：「我從來冇諗過害死華叔個女」、「佢嘅死係意外」、「佢嘅死完全同我冇關係」、「係我嗰兩條𡃁做多咗嘢咋」、「你個妹出咗事，我都好唔安樂！」當三哥指大宇找刀手殺死麥子樂，大宇竟說：「我有畀安家費㗎」、「你唔好講到咩都因為我而起！」可見其角色從不覺得自己做錯，行為兇殘霸道與丁益蟹無異，扭曲性格甚至直逼「父親」丁蟹！

另外，78歲姜大衞飾演67歲三哥父親成為網民熱話！雖然兩人年紀相差11年，但演父子零違和感，不少網民讚有新鮮感。除了因為三哥保養得宜外，亦有賴金像獎「最佳男配角」姜大衞的神級演技。姜大衛演失智症老人非常「生活化」，雖然經常忘記人名或往事，語速及行動亦有點緩慢，但當他突然記起重要事情會滔滔不絕，還帶有幾分精靈，演繹失智症老人的日常恰到好處，不負「最佳男配角」之名。

你或有興趣的文章

陶大宇興奮穿醫生袍 Sell腸道健康戒煙生活變規律