$39牛腩河埋單變$62 荔枝角粉麵店「隱藏式收費」遭轟：黑店

食客於荔枝角粉麵店點了一碗$39的牛腩河，加了$10的飲品，埋單竟變$62，店家的「隱藏式收費」被網民鬧爆。

有食客於荔枝角粉麵店點了一碗$39的牛腩河，加了$10的飲品，埋單竟變$62。（FB圖片）

該食客於Facebook群組「飲食黑店大全 」發文分享其中伏經歷，他表示日前第一次到荔枝角青山道某粉麵店用膳，坐低後點了一碗牛腩河及一杯凍咖啡，當時餐牌顯示牛腩河$39，凍飲加$10，即合共$49。樓主時指明要「半肥瘦牛腩」，但侍應落單時「淨係喺張紙上寫咗牛腩河啡少甜」並沒有在紙單上寫上價錢。

餐牌顯示牛腩河$39。（FB圖片）

但埋單時，收銀阿姐卻竟要收$62，樓主𢱑爆頭立即問道「點解$62嘅？」阿姐則回應「半肥要加$12 。」樓主不滿表示「餐牌冇寫，同埋我叫嗰時你哋同事都冇同我講過！」但阿姐仍然堅稱「我哋牛腩半肥係要加$12。」最後樓主堅持不付「隱藏式收費」，阿姐才肯讓步「嗰$12當我請你⋯」

不過$49加上$12，總數是$61而不是阿姐所稱的$62。樓主認為店方無論如何都有濫收款之嫌「個一蚊都唔知點解會多出黎」，更怒斥「呢間嘢真係冇可能有下次 ！！！」

店家表示「半肥要加$12 」，但餐牌沒有列明，侍應亦沒有交代。（FB圖片）

帖文引熱議，網民鬧爆店家「黑店」、「打劫」、「做左30年香港人，半肥要加錢，真係聽都未聽過」、「崩沙腩就話加錢嗻！半肥都加錢搶呀！」、「雖然生意唔好，分分鐘蝕緊錢，但咁做法死路一條」、「真係好唔合理喎」、「果12蚊唔係你請我，係你冇資格去收！我冇責任畀你！我駛你請呀？我有錢呀但唔會被人搶錢囉！」、「雖然十二蚊比得起，但感覺比人屈」

樓主不滿店家「隱藏式收費」，堅拒多付$12，最後店家表示「嗰$12當我請你⋯」（FB圖片）

有人則叫樓主投訴舉報「搵東張啦」、「玩大啲，報警呀嘛，你唔收我十幾蚊都係咁話，你口講冇白紙黑字寫明就係你哋唔啱」、「任何沒有寫明的收費=行騙，可以報警」、「應該報海關，違反商品說明條例」、「如果餐牌冇寫要收，佢夾硬要收其實可以報海關」、「去消委會投訴啦」。

不少網民表示對「半肥要加$12 」聞所未聞。聞（示意圖，網上圖片）

帖文來源：Facebook群組「飲食黑店大全 」

一名移民英國4年的港女近日大吐苦水，她指近大半年求職處處碰壁，令她悲嘆「普通女仔喺London真係生存唔到」。影片引發共鳴，亦有網民質疑其經歷是為「博流量」而渲染悲情。

移英四年求職無果

該港女在影片中表示，自己在倫敦居住四年，但近半年來不斷求職卻毫無進展。她最初只應徵本行工作，後來擴大到零售、餐飲等職位，卻始終得不到回音，或是在面試後被告知「不適合」。

該港女近半年來不斷求職卻毫無進展。IG截圖

該港女近半年來不斷求職卻毫無進展。IG截圖

她坦言感到非常焦慮，「究竟係咪真係我有問題？」但現實是「我就要交租喇」。她感慨，以往相信努力就會成功，但來到倫敦後發現，「普通嘅努力，喺呢度真係可以收X，因為喺倫敦最棹忌嘅就係普通」。

網民反應兩極

影片引來不少網民留言鼓勵，有人建議她嘗試其他生活成本較低的城市，「試下其他城市，生活費又平啲」；也有人鼓勵她進修提升競爭力，「加油啊！我嚟到英國讀完專科……搵咗大半年先搵返本行」。不過，亦有網民質疑影片內容的真實性，懷疑她只是誇大負面經歷以吸引流量。

有人鼓勵樓主進修提升競爭力。資料圖片

英國失業率升至5.2%

該港女的焦慮或許並非毫無根據。根據英國國家統計局最新數據，當地失業率已升至5.2%，是2021年初以來最高水平。其中16至24歲族群的失業率更高達16.1%，創十多年來新高；25至34歲族群的失業率亦達4.7%，是2017年以來最高。數據反映英國就業市場疲軟，外來移民求職難度或許進一步增加。

根據英國國家統計局最新數據，當地失業率已升至5.2%，是2021年初以來最高水平。AP資料圖片

堅持與調整成關鍵

事件反映移民生活並非一帆風順，尤其在經濟環境不明朗的情況下，求職與生活壓力可能遠超預期。不少網民鼓勵事主不要放棄，認為「無論條路幾難行都要堅持先會有希望」。如何在新環境中調整心態、提升技能，或考慮轉換城市以降低生活成本，成為許多海外移民需要面對的現實課題。