港女坐85折的加多一要求遭收正價 網上公審司機卻反被鬧西客

女網友極之不滿，認為落車時先講，「即係要硬食正價」，於是在網上公開司機的資料進行大公審！

設計圖片

到底這位乘客算不算「西客」? 近日有港女Facebook群組「的士乘客及司機行為分享區」貼文，指自己日前call 85折的士，上車後向司機表明會在中途停多個地方，沒想到結賬時，司機突然表示停多了一個中途站，要收回正價，令女網友極之不滿，認為落車時先講，「即係要硬食正價」，於是在網上公開司機的資料進行大公審！

FB截圖

女網民表示在凌晨5時召了一部85折的士，由旺角朗豪坊前粉嶺，她表示「上車同佢講加多個站，佢答好，落車先同我講因為我加多1個站無折」。結果司機按錶收了她正價283元。女網友事後嬲爆，她表示自己作為消費者，已盡了責任在開車前同司機講清楚加一個站，但作為司機，亦應在開車前「講明加多個站係無折扣，而家落車先嚟講，即係要硬食正價？」她更勞氣地表示「如果無折我使鬼用你個app call車，仲要等你十幾分鐘，另外你講無折可以call 過另一架，而家啲的士真係愈嚟愈恐怖」。

示意圖。《愛回家》劇照

樓主以文字控訴之餘，更上載了涉事的士的車牌、的士司機證等資料，希望網民為她討回公道！但帖文一出，樓主非但沒有取得網民的同情，反被不少人鬧正「西客」，「咁點解你叫車嘅時候唔講有中途站？」、「司機都係學妳啫」、「畀正價坐的士都話恐怖，咁！到底係西客恐怖啲，定係司機恐怖啲呢？」

示意圖

帖文亦引來的士司機留言，表示經常遇到好像樓主的西客，「打畀佢嗰時，佢有講加站我都會諗下，去到嗰時先講，我一定唔制，最憎就係嗰啲博你硬食嗰啲」。不過亦有網民撐樓主，還醒她一招「扮無錢，等佢報警，玩返幾個鐘拖佢車租，攬炒，隨時交更都交唔到車」。

一名網民在社交平台發文，感謝消防員在暴雨中主動冒雨協助，將突然死火的車輛推離水氹，並協助召喚拖車，事件引發網上熱議。

消防員推車。Cake28 Threads圖片

該名網民在Threads上傳段影片，指和親友晚膳後駕車回家，車上有4名成年人，當時落住大雨怎料車子死火。「架車停咗係水氹等緊拖車嚟嘅時候，車牌F2336嘅消防車經過，消防員落車問我哋有咩可以幫手」，3名消防員落手推車﹐將車子推離水氹。

司機在水氹中無法啟動引擎。Cake28 Threads圖片

該名網民說，因為車子紿終無法重啟引擎，故其中3個人下車先回家，消防員們還幫忙他們「截埋的士」及召援拖車到場，該名網民對消防員‍幫忙表示感謝。

事發水氹。Cake28 Threads圖片

消防員通知市民已幫忙叫拖車。Cake28 Threads圖片

帖文引起網民熱烈討論，許多網民紛紛留言大讚消防員，有網民則留言，教人汽車涉水死火的處理知識，稱汽車濕水死火千萬不要啟動引擎，又說過水氹要低波「一鼓作氣」向前開，過完都不能「縮油」要踩油30秒等等。