蔡潔入行十週年與Fans舉辦慶祝會 靠義工朋友陪伴走出低谷

蔡潔以《就算世界無童話》鼓勵自己擁抱未來。

今年2月剛好是蔡潔（Jacky）入行十年，日前舉辦Fans聚會慶祝兼補辦生日，有來自廣州、沈陽、上海及新加坡的fans出席。席間Jacky唱了三首歌外，亦慈善義賣了她自己寫的兩本書《夢的轉場機器》及《有隻貓在芒果星》，以為大樹下善待動物庇護站籌款，但估唔到平日文靜的Jacky，竟在分享時一口氣說了四十五分鐘，即場聲沙！

蔡潔（Jacky）日前舉辦Fans聚會，慶祝入行十年。

兼補辦生日！

Jacky大展歌喉。

聚會上，Jacky揀選了自己第一次登台演唱的戴佩妮《你要的愛》及薛凱琪的《所有下雨天》，以代表她喜歡的天氣及寫書創作的心情，但當中以衛蘭《就算世界無童話》最有意義，Jacky說：「不經不覺自己原來已經參與過超過30 部電影拍攝，中間有好多等待和未知，到近年開始有機會拍劇，好開心好多角色獲得大家認同，更開心係知道有你哋（Fans）支持，亦想多謝2017年認識嘅一班生死之交，佢哋帶我做義工，鼓勵我面對演藝路上的困難，幫我解開咗我一啲心結，佢哋更送咗《就算世界無童話》呢首歌俾我，以陪住我走未來的路。」

Jacky表示十分感謝一班一直緊隨自己的Fans！

黃劍文現身支持。

轉眼入行十年，面對一班一直緊隨自己的Fans，Jacky愈說愈多，道：「無諗過可以講到四十五分鐘，宜家把聲有啲沙，好多謝佢哋，就算我揀嘅係慢歌都一樣好好反應，應承大家未來我出歌或有活動會多啲安排大家出席。」Jacky2012年《墨爾本華裔小姐競選》獲得冠軍及「最上鏡小姐」等七個獎項，於2013年《國際中華小姐競選》獲得「最受傳媒歡迎佳麗」獎，2014年大學畢業後正式加入娛樂圈參與第一部電影《香港仔》，近年更憑電視劇集《法證先鋒V》、《一舞傾城》、《非凡三俠》和《拳王》等角色入屋。

Jacky以歌曲《就算世界無童話》鼓勵自己擁抱未來 。

Jackyy說：「近年開始有機會拍劇，好開心好多角色獲得大家認同。」

蔡潔借住醉意向展鵬表白，好彩陳展鵬把持得住！

由鍾澍佳總監製、黃國輝監製、陳翹英編審的台慶劇《馬百良安宮牛黃丸呈獻：香港人在北京》，逢周一至五晚9點半翡翠台播映。昨晚（24日）播出的一集，劇情講到蘇菲（蔡潔飾）陪同港仁（陳展鵬飾）去珠海傾生意，後來蘇菲飲醉酒獲港仁送回酒店，對港仁餘情未了的蘇菲借着酒意告白：「點解你當年要失約，如果你有嚟到嘅話，我哋世界就唔同晒…」蘇菲說罷情不自禁吻向港仁，而身為愛妻號的港仁最終把持得住，用手指放在嘴前拒絕蘇菲獻吻！

蔡潔陪咗展鵬去珠海傾生意。

蔡潔借住醉意向展鵬表白，仲想咀佢添。

講到該場床上獻吻戲，蔡潔受訪時坦言沒有尷尬：「大家都係專業演員，嗰場主要係講個氣氛，大家都係盡力去演出嗰場戲嘅氛圍，展鵬厲害之處係唔會令你緊張，我哋喺輕鬆嘅氛圍下完成拍攝。」蔡潔坦言獲悉與展鵬合作時，曾經擔心招架不住：「因為我嘅角色要Lead住佢嚟行，我喺度諗佢氣場咁勁，我得唔得㗎？而展鵬喺劇中對住我同吳若希都係處於下風，但佢Carry得好好，演到港仁嘅可愛同天真面，一出場就會Catch到大家嘅眼球，但又唔會太鋒芒畢露，我終於領教到視帝嘅功力。」提到大露背晚裝大晒白滑玉背非常搶Fo，蔡潔笑言：「我都覺得個造型好靚，其實嗰件晚裝上半身只係得一塊布，但出嚟效果好靚！」談到美白和健美心得，蔡潔大方分享：「我以前好鍾意飲牛奶，可能同飲得多牛奶有關係！同埋我幾喜歡練背肌，但唔係練大隻嗰種，練背肌除咗可以保護脊椎令到女士線條更凸出，仲可以令到塊面更Firm。」

好彩展鵬把持得住，用手指隔住。

蔡潔嘅白滑玉背勁吸睛。

蔡潔幻想同展鵬一齊嘅畫面，好Sweet呢。

另邊廂Helen（吳若希Jinny飾）誤打誤撞下，為姑仔寶怡（戴祖儀Joey飾）擔任了幕後和音，從而被張帥（梁漢文Edmond飾）發掘歌唱天賦，邀請她參加踢館賽，造就兩姑嫂同台！今晚（25日）播出一集，Jinny和Joey將會合體獻聲，以型格「黑雙煞」造型獻唱《Crying》，兩人一唱一和非常合拍，張帥最終選了Helen做學員，惹來寶怡醋意爆發！今晚Jinny和Edmond將有一場拍攝宣傳照場口，惟要近距離接觸的兩人全程怕怕醜醜，最終更仆倒收場。

姑嫂好聲音！吳若希同戴祖儀合體獻聲。

拍劇有助增加自信開個唱？
講到劇中有不少唱歌場口，Jinny受訪時透露：「喺未拍呢套劇之前，我係未試過企喺一個咁大嘅舞台演出，所以有好多唱歌場口真係有一種開騷嘅感覺。而開完呢套劇之後，我先夠膽開屬於自己嘅個人演唱會，呢套劇喺唱歌事業方面真係幫咗我。」提到與前輩Edmond合作，Jinny大讚說：「佢親和力好強，同佢做對手戲唔會好驚，同埋佢會令到我好想同佢傾偈，合作得好開心，好似多咗個哥哥咁！」

梁漢文同吳若希超近距離接觸。

仲搞到仆倒！