港台元宵特別節目「錦繡灣區一家親」 共創明teen計劃學員參演

元宵佳節將至，香港電台同廣州廣播電視台以及大灣區多個城市電視台再次聯合，主辦精彩節目。

粵港澳大灣區「9+2」城市主流媒體連袂舉辦的《錦繡灣區一家親——元宵特別節目》已連續兩年在海內外掀起收視熱潮，創下海外多項傳播新紀錄。

廣州廣播電視台今年再次牽頭，聯合多個城市電視台，共同主辦以「團圓的日子，家鄉的味道！」為題的節目，於元宵節以傳統民俗和美食為媒介，傳達團圓氛圍，牽動海內外華人華僑的思鄉之情、家國之情。

香港會場將分成三部份：
1/ 錦繡灣區共創明Teen ：張家誠作曲、年青歌手炎明熹主唱、姚珏老師小提琴伴奏的MV《翅膀》，共創明Teen學員樂隊演釋的 《美好青春/元宵喜慶夜》及鄭世豪主唱《只准你話我是傻》。
2/ 灣區粵韻賀元宵：特別邀請來自廣州的盧海鵬（鵬哥）為大會獻唱，亦有粵劇名伶謝雪心（心姐）與李沛妍 唱曲選段《唐伯父點秋香》。
3/ 中華藝萃賀元宵
包括東華三院張明添中學 中國舞《山靈》及東華三院馮黃鳳亭中學 中樂團 《金蛇狂舞》+《鳳陽花鼓》

參加節目演出的香港嘉賓還包括區瑞強、黎瑞恩、李龍基、糖妹、音樂人趙文海，泳兒、沈震軒等。

2月24日星期六晚上七時半，一齊睇港台電視31《錦繡灣區一家親-2024元宵特別節目》！

Sebastian

** 博客文章文責自負,不代表本公司立場 **

旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。

Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。

「旅遊義工」Agnes退休前任職跨國公司管理層。

退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。

收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。

因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。

Agnes話，每當想起這段回憶，自己能夠幫老人家完成心願，好有滿足感。

退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。

由新加坡回流香港發展的Marco，透過參與「旅遊義工」計劃重新認識香港。

Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。

由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。

做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。

最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。

各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。