AK指美國排舞師Lando Wilkins是他兒時的偶像為，有幸10年前上過他的堂，今次公司俾資源去找一個外國老師排舞，他就膽粗粗聯絡對方。
去年AK特地走到美國拍了《Blue Monkey》的MV，但其實那次他還拍了新歌《Guilt Machine》的MV。《Guilt Machine》由Gareth. T作曲，旋律己甚具挑戰性，而在美國拍攝MV的過程中，AK也有另一樣的挑戰，就是要在接近50度高溫下於沙漠跳舞，如此酷熱天氣下，AK也不禁大喊受不了。
點擊看圖輯
AK推出新歌《Guilt Machine》。
《Guilt Machine》由Gareth. T作曲，而AK一直都有留意Gareth. T的作品，也十分喜歡對方的作品。
AK坦言小時候是受軟唔受硬的人，但長大後會對事唔對人。
MV在美國拍攝，還有獅子入鏡。
在沙漠拍攝令AK熱到想死。
AK指今次美國行過程辛苦但好難忘。
最難忘是與一班兄弟一手一腳完成《Blue Monkey》同《Guilt Machine》兩個MV。
Lando Wilkins（中間）為今次AK美國排舞老師。
Lando老師是AK兒時跳舞偶像。
AK推出新歌《Guilt Machine》。
觀看相關影片按連結：https://youtu.be/rdWpoQlCnf8?si=ZobwybjcqtxFPK5p
AK一直都有留意Gareth. T的作品，也十分喜歡對方的作品，AK道：「Gareth做嘅快歌或者有Beat嘅歌都好正，今次想做一首跳舞歌，就搵佢合作。」結果Gareth. T交出了一首十分具挑戰性的旋律，AK都要改變自己的唱法去融入歌曲之中，「今次《Guilt Machine》唱法同以往好唔同，因為當中有好多細微嘅位，例如好多半音上落，係有少少挑戰，另外中間有段類似Rap嘅東西，旋律有少少快，咬字要咬得好實，我同徐浩用咗多少少時間去錄呢部份。」
《Guilt Machine》由Gareth. T作曲，而AK一直都有留意Gareth. T的作品，也十分喜歡對方的作品。
《Guilt Machine》歌詞裡面提到，當知道對方情緒勒索，就會穿起盔甲反抗，AK向來是性情中人，但他可算是一個受軟唔受硬的人呢？AK剖白道：「細個係嘅，好多嘢係你點對我我點對你；大個睇嘅嘢唔同咗、宏觀咗，會對事唔對人，會睇返嗰件事嘅最終目的地係邊一度。」
AK坦言小時候是受軟唔受硬的人，但長大後會對事唔對人。
到美國拍攝，一直是AK夢寐以求的事情，他道：「自己好想喺美國拍MV，所以上年實行咗一個計劃，喺當地拍攝了《Blue Monkey》同《Guilt Machine》。喺美國試到好多喺香港試唔到嘅嘢，例如今次《Guilt Machine》MV裡面有隻獅子入鏡，喺香港好難實行到，喺美國就試咗呢個咁瘋癲嘅Idea。」另外還有在沙漠拍攝，也令AK畢生難忘，因為熱到想死！極易出汗的AK回想起也不禁道：「現場差不多50度，體感係好誇張，我未試過咁熱，喺咁熱地方下跳舞，係有種想死嘅感覺。」
MV在美國拍攝，還有獅子入鏡。
在沙漠拍攝令AK熱到想死。
不過，這次美國之行，讓AK可以跟一班兄弟完成兩個MV，更邊拍邊學習，是開心好玩多於一切。他續道：「喺美國拍攝MV，真係學咗好多嘢，包括同當地工作人員溝通、搵景等等。嗰邊啲景好靚，睇咗好多都好靚，但未用到，一來價錢問題，二來路程問題，太遠，但每一個景都好靚，希望日後有機會可以再去美國拍過。另外最難忘同成班兄弟一手一腳搞咗呢兩個MV，過程辛苦但好難忘。」
AK指今次美國行過程辛苦但好難忘。
最難忘是與一班兄弟一手一腳完成《Blue Monkey》同《Guilt Machine》兩個MV。
另一難忘的事情，就是找來兒時偶像美國排舞師Lando Wilkins為《Guilt Machine》排舞，AK自爆：「 Lando老師係我細細個嘅跳舞偶像，有幸10年前上過佢嘅堂，出道後有機會由公司俾資源去搵一個外國老師排舞就諗起佢，就膽粗粗聯絡佢，慶幸老師願意接受我嘅邀請一齊完成《Guilt Machine》。美國喺跳舞上有好多嘢好有系統，而且好多新諗法，喺香港未見過，感覺好似又上咗一堂好寶貴嘅跳舞堂，獲益良多。」
Lando Wilkins（中間）為今次AK美國排舞老師。
Lando老師是AK兒時跳舞偶像。
