馮寶寶現身放映活動 兩兒子罕露面支持

馮寶寶兩個囝囝都好有型！

現年70歲的馮寶寶近年在馬來西亞深居簡出，日前特意現身出席香港電影資料館映後坐談會，馮寶寶兩個囝囝43歲招啟宗、41歲招啟正罕有露面支持，細仔更為馮寶寶設計海報。

馮寶寶小時候非常可愛

大會當日放映了經典電影《夜光杯》及《雨夜驚魂》等，資深傳媒人汪曼玲昨日 （1日）上載當日活動片段，見馮寶寶一身白色套裝現身，精神奕奕，全程笑容燦爛，馮寶寶仲即場介紹兩位囝囝給傳媒認識，更興奮說﹕「呢張相值千金啊！專登喺中國內地飛落嚟支持我。」之後就介紹細仔所設計的海報，高興指﹕「呢個係我個仔整，雪條啊，呢個就係Designer（指細仔招啟正）。」

《夜光杯》有馮寶寶經典演出

兩個囝囝，43歲招啟宗（右）、41歲招啟正（左）亦有到場支持

難得母子公開合照

海報由細仔設計

招啟正接受汪姐訪問時表示：「我不嬲都玩開藝術，我睇過媽咪以前舊相，覺得幾得意就可以創作一下。咁啱今次有個『影後談』，就可以拎出嚟畀觀眾影吓相留念。(睇完《夜光杯》覺得點？）我第一次睇晒成套，好特別，好似我睇到我個女，我變咗老竇去睇我個女表演咁，個感覺好特別。」

細仔指好似睇自己個女做戲咁

由葉童和黃德斌領銜主演，改編自上海話劇藝術中心原創舞台劇《不可說》的廣東話版黑色喜劇 ：《唔講得》亞洲巡演第一站日前於馬來西亞吉隆坡表演藝術中心圓滿完成，首站巡演得到香港駐雅加達經濟貿易辦事處支持。

《唔講得》吉隆坡首場公演全場爆滿。

黃德斌

《唔講得》三場吉隆坡演出門票早在數周前已售罄，足見當地觀眾對這部舞台劇的期待與劇作本身的吸引力，當地媒體亦對劇內演員表現讃不絕口。現居馬來西亞，久未在香港露面的殿堂級藝人馮寶寶也特意花了五個小時車程到吉隆坡，和她多年好友即本劇監製陳善之，以及導演胡恩威和一眾演員茶聚，暢談當年合作的舊事，她更留下來觀看《唔講得》尾場演出。Bobo 姐在看過尾場演出後和劇中演員合照留念，她表示：「唔講得，唔講得，因為太多嘢要講啦，好好睇，演員一流啦，我覺得選角葉童係好適合，呢方面陳善之（監製）應記一功，我諗唔到我曾經合作過嘅黃德斌，嗰陣我唔係咁留意到佢，佢今次喺台上面著嗰件西裝，一定係美指將佢打扮到有型有款。一路睇我好enjoy個故事，寫得複雜、迷離，高潮起伏一路想追看落去，當然導演應記一功，總言之整體嚟講太好睇啦，唔講得啦！」

葉童

翁煒桐、葉童

黃德斌、楊永德

在完成馬來西亞演出後，《唔講得》舞台劇將於5月15至17日，一連三天在廣州大劇院歌劇廳公演，因觀眾反應熱烈，兩場夜場和一場日場門票也已全部售罄。

70歲馮寶寶罕有現身。

馮寶寶特地花五小時車程到吉隆坡，和她多年好友即本劇監製陳善之，以及導演胡恩威和一眾演員茶聚。