車cam曝光一輛「瘋狂泥頭車」於隧道內，強行攝入2輛貨櫃車之間，再插入左線超前，畫面驚險！
泥頭車司機本來已經踩著右線，令右線私家車減速。(FB影片截圖）
有網民於Facebook群組「馬路的事討論區」上載車cam片段，事發地點為屯門至赤鱲角隧道內，片段顯示一輛泥頭車尾隨着一輛綠色貨櫃車於中間線道行駛，而左線則有另一輛藍色貨櫃車在行駛。
泥頭車攝入兩貨櫃車中間。（FB影片截圖）
泥頭車司機本來已經踩著右線，令右線私家車減速。突然，泥頭車加速，並於前方綠色貨櫃車的車尾，與左方藍色貨櫃車車頭之間強行攝入左線，然後加速扒頭超前，「傳說中直角假身」過程非驚險。幸而，兩貨櫃車見狀均立刻收油讓路，才避免了意外發生。
「傳說中直角假身」過程非驚險。(FB影片截圖）
影片曝光後，網民紛紛怒斥泥頭車司機離譜「泥鬼已經取代紅van成為新一代公路殺手」、「而家啲泥鬼揸得真係好危險」、「冇事就高手，出咗事就好老公好老豆」、「隧道內幾部泥鬼炒埋一碟可以係大災難，真係要1823佢」、「害人兼嚇到人就係哩D恐佈泥頭鬼」、「哩D恐怖車神真係要教訓，要送張告票給他」。
帖文來源：Facebook群組「馬路的事討論區」
