周殷廷演唱會門票公開發售2小時內售罄 《遲了悔改》MV破1千萬點擊雙喜臨門

周殷廷將於5月14及15日在九展Star Hall舉行一連兩場《WHO IS YAN TING LIVE 2024》演唱會。

Yan Ting周殷廷首個個人演唱會《WHO IS YAN TING LIVE 2024》門票日前（3月26日）公開發售，樂迷反應熱烈搶飛，搶到當日早上10時一開賣即刻死sever，兩場演唱會門票，於開賣兩小時內火速售罄，為首次舉行個人演唱的Yan Ting注入強心針。

Yan Ting將於5月14及15日在九展Star Hall舉行一連兩場《WHO IS YAN TING LIVE 2024》演唱會。

作為Yan Ting出道9年的首個個人演唱會，他除了舞台上的主角外，還擔任創意總監，為觀眾呈現一個不同層次的視聽體驗，全方位多角度認識他的音樂，他的作品，全面解構「WHO IS YAN TING」。

Yan Ting為演唱會擔任創意總監。

另外，3年前推出的《遲了悔改》令Yan Ting再次回到樂迷視線，《遲了悔改》於YouTube點擊率突破1千萬，成績驕人，加上演唱會門票極速售罄的消息，實在雙喜臨門！Yan Ting對此表示：「多謝大家支持！得知消息後其實我內心是非常平靜，因為我沒有視之為終點，我會繼續努力進步，突破自己。」

Yan Ting3年前推出的《遲了悔改》YouTube點擊率突破1千萬！

觀看相關影片按連結：https://youtu.be/TnC9SodBq-8?si=711H8s4JkJ5_c_l1

現時Yan Ting積極籌備演唱會，他向來飲食規律，表示不會為了迎戰演唱會而刻意增肌減磅，因為要確保有足夠力氣演出。Yan Ting堅持每日一餐的低碳飲食模式，平均一星期做3至4日健身，這習慣已維持超過10年。他表示自己小時候曾經是肥仔一名，自入行開始低碳飲食，始終做幕前工作都需要維持身形，對自己要求極高。難怪網民和粉絲都問及Yan Ting 開騷會否騷肌，他則表示會好好考慮，各位樂迷敬請拭目以待！

為確保有足夠力氣演出，Yan Ting表示不會為了迎戰演唱會而刻意增肌減磅。

不囡，Yan Ting已堅持每日一餐的低碳飲食及平均一星期做3至4日健身的習慣超過10年，所以身形一直Fit爆！

藝人周殷廷（YT）呢日為 中銀香港理財TrendyToo 拍攝廣告，化身「理財師兄」現身 。一向深受年青人歡迎的 YT 呢日穿上簡約型格西裝，拍攝廣告時擺出多個型格甫士，完美展現其成熟穩重的魅力。

周殷廷（YT）近日為中銀香港理財TrendyToo拍攝廣告，化身「理財師兄」分享致富關鍵。

他認為理財不一定要賺大錢，最重要是安穩無憂度過一生，直言「平安已經好好」。

對於今次擔任代言人，YT 表示自己私下一直有了解理財資訊，更直言要「親力親為」管理資產 ：「因為我覺得理財呢樣嘢要自己去學習，無論係點都冇得賴，呢啲應該要有嘅知識嚟嘅，唔係畀咗人（管理）咁就算啦，即係我覺得唔應該咁 。」

講到理財心得，YT 認為目標唔一定係要賺大錢，最重要係安穩無憂 ：「對我嚟講理財就係可以好安定安穩咁樣過完呢一生，然後唔會冇錢 。咁我覺得呢個就係一個好基本嘅 概念 囉 。即係唔好講話賺大錢呀或者點樣點樣，但如果你正常打份工嘅話，你想去到你年紀大啲嘅時候都安穩無憂，我覺得呢個係非常之緊要嘅一個步驟 。咁我覺得唔諗太多，但平平安安已經係好好㗎喇 。」YT笑言除理財外，管理時間亦非常重要 ：「依家最寶貴嘅財產係時間，透過時間亦都可以轉化為金錢 。越早開始學識理財投資，呢一樣嘢係好緊要嘅 。你簡直係無敵㗎，只要你有時間你就已經贏咗㗎喇 ！」

YT更指時間是最寶貴財產。

愈早學識理財投資就「無敵」。

雖然平時拍 MV 經驗豐富，但 YT 呢日竟然自爆拍廣告時會「緊張」 ：「我自問係完美主義者，加上自己有幕後經驗，知道導演、客戶有期望、有要求，即使導演話『Good Take!』，心入面都會好緊張，由上場嗰刻一直喺度諗，我頭先係咪已經做到最完美，會唔會有嘢甩漏呢？」不過YT都以專業態度完成，加上片場氣氛輕鬆，所以完全冇壓力 。

日前周殷廷（YT）亦為樂迷報喜，宣佈將在8月紅館舉行個唱，Poster中YT展示一身肌肉上陣，大騷「男人味」：「其實我唔係話今次演唱會特別操fit啲，平時一日都係食一餐飯，所以都習慣咗保持身形！今次紅館演唱會好多諗法，盡量唔講太多想比驚喜樂迷。（會唔會跳舞？）呢個我會努力嘅，至於嘉賓真係未諗，要同production Team開晒會先至拍板。」

雖然幕後經驗豐富，但YT自爆拍攝時緊張，因自己是完美主義者，擔心表現未達標。