元朗隱世粉麵廠$1條腸粉 街坊力推陳皮魚蛋$54兩斤 內文有地址

有元朗街坊發現一間隱世粉麵廠，腸粉竟然賣$1一條，街坊力推的陳皮魚蛋，$54更有兩斤！網民紛紛求地址。

(FB圖片）

元朗隱世「珠記粉廠」

該街坊於Facebook群組「食在元朗」發文，表示日前約6時下班後到訪元朗工業大廈內的「珠記粉廠」，發現粉廠仍然營業中，於是「膽粗粗行入去，問下仲有冇腸粉同魚蛋賣，估唔到呢個時間都仲買得到」。原來珠記是區內的隱世粉麵批發店，街坊及散客亦歡迎購買。

(FB圖片）

$1一條腸粉

從樓主上載的照片可見，「珠記粉廠」的招牌雖然經過時間的洗禮，但仍然清晰可見。店內貼有一張手寫的價目表，顯示「腸粉1元條」，非常抵食！此外珠記更有售賣蝦腸、河粉、魚蛋等，價錢平絕全港。

(FB圖片）

網民：老字號嚟架！

帖文曝光後，不少網民都大讚「元朗老字號珠記 我以前賣腸粉都係幫襯佢」、「我見過阿姐即場捲，自家香港製造，$1真係超抵食」、「河粉咁平，我剛剛係街市買好似10蚊斤」、「我記得珠記腸粉在80年代都是很出名的名字」、「嘩！正呀！搵日去買先，多謝介紹！」。

(FB圖片）

陳皮魚蛋同樣抵食

有網民表示除了腸粉抵食，懷舊陳皮魚蛋也值得推薦：「成日去買，陳皮魚蛋$54一包有兩斤」、「呢間陳皮魚蛋好好食又抵」、「抵喎，陳皮魚蛋我係大橋街市買開$40斤，$54兩斤超抵買呀」、「我今日喺街市買四十文一斤哦。下次我都要去買下先，唔該曬」

(FB圖片）

「珠記粉廠」地址

地址：元朗宏業東街18號宏業工貿中心2樓B室

電話：2476 0920

(FB圖片）

帖文來源：Facebook群組「食在元朗」

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」