港男大呻尖沙咀茶檔「菜遠牛肉飯」賣相差 網民同情：好似廚餘

茶餐廳的碟頭飯是不少港人的至愛，快靚正之餘，又價錢相宜。不過日前就有港男在網上批評尖沙咀一間茶檔的菜遠牛肉飯，賣相及味道都極差，大嘆「香港北上食飯係有原因。」

杯凍檸茶好似飲水咁

有港男日前光顧一間位於尖沙咀的茶檔，叫了一碟的菜遠牛肉飯及一杯涷檸茶，盛惠港幣61元，由他PO出的相片可見，碟飯的賣相認真「麻麻」，而且所提供的菜是生菜而不是一般餐廳採用的菜心。他寫到「從來冇食過咁嘅菜遠牛肉飯，杯凍檸茶先堅，好似飲水咁，睇見咁多遊客喺度食嘢，我都覺得羞恥」更大嘆「香港人北上食飯係有原因」。

示意圖。《愛回家》劇照

網民：好似廚餘

網民見到樓主PO出的相片，都紛紛表示認同「菜心都唔畀，畀生菜，汁成灘水咁，自己整好過佢」、「好似廚餘」、「可以差成咁，都畀得客食」、「第一次見生菜遠牛肉飯」、「湯飯」，「菜遠牛肉飯?同潲水差唔多!」、「希望佢睇到，改善吓，做生意，好食你可以賣貴啲都冇所謂，真係影衰香港人」等。

有網民更搜查到間茶檔原來早已劣評如潮。(網上圖片)

樓主稱受感化要懂得珍惜

不過有網民就覺得同港人北上消費無咩關係，「又扯到北上？」「 咩都扯到北上，九唔搭八」。亦有網民提醒樓主「有得食好食，係香港重有野食要感恩」，所以樓主睇完網民留言後補充到「受到感化，大家都要一樣，珍惜每一餐，珍惜每一件事，大家加油」。

近年很多港人北上消費，到各內地商場食肆都要等位用膳。資料圖片