洪助昇Aiden送蛋撻氹大馬女神被派好人卡

Aiden失敗咗啦。

近日洪助昇（Aiden）為其新歌《你不是我的岸》密密宣傳，早前，他便找來社交平台接近百萬followers兼是流量密碼的大馬女神黃潔琪（Miko Wong）齊齊拍片，更乘機試探Miko「是不是他的岸」。

請來大馬女神黃潔琪（Miko Wong）齊齊拍片

由於首次見面，Aiden既緊張又興奮，事前做足準備，狂刨女神IG了解喜好，見面時，Aiden送上一束藍色花兼一打蛋撻作見面禮，並解說送藍色花的原因，「因為我睇你instagram，我覺得你應該係好鍾意藍色、好鍾意海洋。」Miko大讚Aiden sweet，問道：「咁貼心嘅男仔做乜會拍唔到拖嘅？」原來只是派「好人卡」，「但係我鍾意粉紅色呀！」Aiden唯有尷尬微笑，最後硬着頭皮送花。

送上見面禮

係一紮藍色玫瑰

仲送埋蛋撻，不過被人派了好人卡

Aiden新歌講述自己在愛情中「沉船」經歷，問到Miko有否試過「沉船」，她說：「仲未試過單戀。」直線抽擊「憑實力單身」的Aiden。這時Aiden嘗試「出擊」，問Miko對水瓶座男生的看法，Miko表示可以做朋友；Aiden繼續進攻，「你喺感情上主動啲定被動啲？」Miko直言遇上喜歡的對象，會主動出擊。隨後Miko反客為主，問Aiden有甚麼才華想展示，Aiden便以他苦練了十多年的牧童笛演奏電影《鐵達尼號》主題曲，可能緊張關係，Aiden吹到走音兼喪笑，最後唯有禮貌地送走女神。

仲用牧童笛演奏電影《鐵達尼號》主題曲，可惜走晒音

除了Miko，Aiden又找來相識八年的麗英齊齊拍攝《鐵達尼號》主角Jack及Rose站在船頭的經典一幕，場面爆笑。

唯有同好友麗英玩啦

扮《鐵達尼號》主角Jack及Rose

二人爆出笑料

同麗英識了8年

麗英成功追星！

麗英2024年首支派台歌《美男子圖鑑》日前於各大音樂平台上架—新歌由梁嘉茵（Serrini）填詞、Matt Chow 作曲、編曲及 T-Ma 監製。新歌邀請到麗英偶像MIRROR成員陳卓賢（Ian）聲演，除了讓麗英非常興奮，相信不少粉絲亦驚喜萬分！麗英希望歌曲以追星比喻追尋愛情，期盼大家坦率地勇於追尋！

麗英推出2024年首支派台歌《美男子圖鑑》

以追星喻追尋愛情

創作靈感源於麗英過往追星的個人經歷

麗英她笑言私人美男子圖鑑的「內容太多」

《美男子圖鑑》創作靈感源於麗英過往追星的個人經歷：「喺追星嘅過程挑選自己喜歡嘅偶像，同唔同的人約會都有相似嘅地方。就好似打開美男子圖鑑，喺愛情森林裏面挑選適合自己喺大樹，花多眼亂、三心兩意。擇偶條件有好多，但符合所謂條件後，就係自己想要嘅愛情嗎？其實我們嘅選擇可以有好多，唔需要太擔心或被條件限制著自己嘅選擇，建立關係應該要開放自己嘅心去跟別人相處！」麗英認為在探索的過程當中，最重要是用心去感應：「當你鍾意咗個人，即使佢唔靚仔，佢亦都會係你心目中嘅美男子！希望大家都可以搵到自己嘅美男子！」

麗英邀得偶像陳卓賢（Ian）聲演

歌曲其中一個驚喜是找來麗英的偶像Ian聲演，她難掩興奮之情表示自己終於願望成真：「首歌入面好Sweet嗰把男聲就係我偶像Ian啦！佢一直都係我非常欣賞的男藝人，以往所有訪問我都表示最想合作嘅男藝人就係Ian。佢絕對係一個非常有才華嘅美男子，所以佢絕對好適合呢首歌，呢個角色係非佢莫屬！我真係好開心同Surprise 可以搵到佢參與，因為當時佢都忙緊演唱會，所以我真係好感謝佢百忙之中抽空幫忙！」

麗英希望大家可以找到自己的美男子

談到麗英的私人美男子圖鑑，她笑言「內容太多」，未能盡說：「如果單憑外表判斷，真係好難講一個候選人，因為有太多！但除咗外在條件，如果嗰位美男子都有一顆溫柔嘅心、同時亦都係一個善良嘅人，咁就絕對係非常加分！如果係美男子，再加上呢兩個特質，其實已經係最 top！希望大家都可以發掘適合自己嘅美男子，期待大家再同我分享！」