NWB新歌MV真實音樂傳承故事 吳浩康為林子祥留鬚銘記唱歌初心 麗英為粉絲寫歌

寰亞樂隊Nowhere Boys出道10周年音樂企劃，以信件為主題系列第三首作品《給夢想家的一封信》MV昨晚（10月13日）上架，邀請吳浩康（Deep）和麗英@小薯茄拍攝MV，一個有關音樂傳承的勵志故事。事實上，他們的確受到自己的偶像啟發和影響，而開展音樂路。

Nowhere Boys新歌《給夢想家的一封信》邀請到吳浩康和麗英拍攝MV。

《給夢想家的一封信》由Nowhere Boys作曲、編曲和監製，Oscar填詞和擔任MV導演。故事中麗英孭住結他、自製名牌和拖住沉重的擴音器，走到觀塘「志明橋」busking，雖然途人冷眼，但她沒有放棄。因為她的偶像Deep亦是從busking開始，麗英被他的表演和熱誠感染，而Deep亦得到麗英的支持，堅持表演。Nowhere Boys主音Van客串飾演途人，鏡頭外三人講到音樂就停不了，還拿起結他Jam歌，Deep更即興為這首新歌結他伴奏，工作人員表示大飽耳福。

觀看相關影片按連結：https://youtu.be/MDsoqfZkQi8

今次邀請Deep演出MV，是因為Nowhere Boys的結他手Ken與他私交甚篤，雖然拍攝當日Ken身在外地，但越洋視像打氣，並多謝Deep和麗英拔刀相助。他笑說：「多謝麗英令我哋個MV無晒啲佬味！」Deep揚言要Ken將其結他升級作為報酬，麗英得知Ken是神級結他維修師和收藏家之後，亦笑言要以Ken的珍藏作為酬勞。

Nowhere Boys與Deep、麗英

結他手Ken雖然在拍攝當日身在外地，但都越洋視像打氣。

Van表示想透過新歌和MV，帶出生命影響生命、音樂傳承的訊息，因為他們都深受偶像影響音樂路。Van透露Nowhere Boys樂隊名字來自The Beatles成員John Lennon的電影《Nowhere Boy》。而Deep表示深受Beyond結他手黃貫中（Paul）和林子祥影響，他說：「有一日我喺街撞見偶像林子祥，我同佢講我留鬚係因為佢係令我再上台唱歌嘅原因。雖然我依家轉咗去做其他嘢，但係我想用留鬚去提醒自己，我始終都要返去唱歌。」Van說：「其實Deep有一張專輯分『No Where』同埋『Now Here』兩部份，呢個概念影響咗我哋，例如歌曲《我在》同埋『Now Here』演唱會。」

Deep

Deep

Deep

日系音樂fans的麗英說：「最啟發我嘅係日本歌手YUI，佢都係拎住結他周圍走嘅singer song-writer（唱作人），我都係因為佢令我想有自己嘅歌同埋學結他，依家我嘅曲風都受到佢影響，寫嘅歌或者聽嘅歌都偏向J-Pop。」同場Nowhere Boys低音結他手Hansun也是日系音樂fans，他說：「我最鍾意椎名林檎，我儲齊晒佢所有唱片，因為我好鍾意佢嘅監製龜田誠治，佢本身係低音結他手，佢做嘅編曲好有氣勢，好好聽。」而Nowhere Boys鍵琴兼小提琴手「漁佬」，自小受古典樂熏陶，笑說：「啟發我音樂嘅人比較遠古，因為細個學貝多芬嘅音樂，而近代就係劉以達。我初夾Band好多嘢係達哥教我，我今日會以電子琴寫program、玩音樂，都係由達哥帶我開始。」

麗英

麗英

麗英

他們被前輩偶像啟發的同時，也在影響下一代，Van透露經常收到Fans留言選唱他們的作品，最近有fans選了難度極高的 《光の序曲》和《小丑》表演，更請教他們寫樂譜。Deep說：「有位歌手同我講，佢喺我身上學唱廣東歌。佢入行前，會因為知道某啲歌會賣俾我而去唱Demo，我記得其中一首係《階磚三》。原來喺自己唔知嘅情況之下影響到其他人。」麗英甚至為fans創作寫歌，她說：「我嘅fans比較多係學生，有時佢哋話讀書辛苦，或者有去咗外國重新適應生活時，我嘅歌鼓勵到佢哋，我會好開心，覺得自己做咗好有意義嘅事。所以我寫咗首《貓之報恩》畀fans，多謝佢哋俾我可以任性，我會繼續勇敢做自己。」

拍攝花絮

拍攝花絮

拍攝花絮

拍攝花絮

麗英2026年第二首全新廣東歌《陪多我半日好嗎》感動登場！隨著年紀漸長，面對越來越多的關係與離別，麗英深刻體會到無論多麼捨不得，生離死別都是人生的必經之路。眼見親人驟然老去、寵物離世、朋友散落各地追尋理想，抑或是伴侶因步調不同而漸行漸遠，這些真實的感觸都成了《陪多我半日好嗎》的靈感來源。

麗英推出2026年第二首廣東歌《陪多我半日好嗎》，以生離死別為主題，靈感源自親人老去、寵物離世及朋友散落各地等真實感觸。拍攝

在拍攝MV時，麗英更一度情緒大爆發，淚灑現場。她透露入戲時想起同齡好友的真實經歷——好友的父親曾身患重病，當時好友哭著對她說：「爸爸真的不能就這樣離開我，家裏嘅水電煤我全部都唔識，冇咗佢我真係唔得㗎！」這說話深深觸動了麗英。面對無法逆轉的離別，就算有再多的不捨，有時我們都只能帶著遺憾默然接受。

新人蘇振維（Ray So）擔任男友一角。

這次 MV 特別邀請到重量級嘉賓張國強（KK）與蘇振維（Ray So）擔任雙男主角。從影近50年的KK，這次更是獻出了職業生涯的「MV 初體驗」！KK謙虛地表現：「今次拍攝非常難忘，麗英很精靈，很有才華，又很會逗老人家開心。從此我人生嘅成績表，又多咗一項MV演出！」麗英則笑說：「細細個就喜歡睇KK演戲，今次非常榮幸邀請到佢飾演父親。初初見到前輩係有啲緊張，但KK真人非常funny，成日同我哋講笑，而且我哋仲有個共通——我哋都係人馬座，都好熱衷演戲，我哋傾到冇停過！」兩人在現場默契十足，細膩演繹出動人的父女深情。

拍攝MV時她因想起好友喪父經歷而淚灑現場。

除了感人的親情，麗英也不忘在 MV 中「自肥」！這次特別找來靚仔的新人演員 Ray So 擔任男友一角。麗英表示：「《陪多我半日好嗎》要講離別與不捨，需要相當嘅演技。早前睇過Ray出演嘅劇集《哪一天我們會紅》，覺得佢又靚仔又會演戲，有佢係現場會好放心！」兩人雖是首度合作，Ray 表示為了加快入戲，拍攝時特別請劇組播放這首歌曲。Ray感性地說，仔細聆聽歌詞後深受觸動，情緒也很自然地被帶入歌曲的世界中。

MV邀得從影近50年的張國強（KK）獻出職業生涯首次MV演出，飾演父親。

新歌〈陪多我半日好嗎〉由謝芊彤作曲、Oscar 填詞、Dick Wong 編曲、周錫漢監製，溫柔紀錄離別前夕最真實的不捨情緒。成長的代價，似乎就是學會不斷目送。世界太大、未來太遠，在你離開之前，可以「陪多我半日好嗎」？時間不斷前行，我們終將在快樂與遺憾之中，學會如何體面地告別。

兩人同為人馬座，默契十足。