過往麗英出MV永遠都好「貼心」，一定會有靚仔男主角，令畫面非常養眼！今次新歌《安靜的水晶球》卻大反轉，零靚仔、零曖昧！原來麗英今次真「I人」上身，話要「專心做自己」，加上小薯茄高Ling親自執導，坐鎮盯場，不讓麗英公器私用！結果麗英乖乖同水晶球談戀愛，認真揭露內心世界。
麗英推出新歌《安靜的水晶球》。
來到2025年第三首廣東歌，麗英罕有地揭開鮮為人知的「I人」一面，用新歌《安靜的水晶球》帶聽眾走進她內心最沉靜的內心世界。這次麗英找來她非常欣賞的音樂人Gordon Flanders（王駿楊）譜曲。麗英表示：「我一直都好鍾意Gordon嘅作品，總有一種平靜優美的感覺，所以好大膽咁直接搵佢邀歌。」Gordon為她度身訂造了一首聽完能讓人心安放下的療癒之作。向來較少詮釋R&B風格的麗英，更特別向Gordon請教唱法，務求將內斂的寧靜唱得入心入肺。
MV圖片
MV圖片
MV圖片
MV圖片
集歌手、演員、YouTuber多重身份於一身的麗英，有時會感受到內耗與疲憊，發現需要留白給自己。麗英坦言：「世界轉變得太快，加上我又經常要面對網絡，好容易被不同聲音影響，同埋腦袋從來無真正休息過。近年我由一個超外向、超愛社交的人，慢慢變成享受獨處。自己一個織冷衫、畫畫、發呆，靜靜地面對自己的心靈和聲音，幫自己充電。呢種狀態好似躲進一個屬於自己的水晶球——外面好多煩擾，但入到球入面，就只有安靜同自己。今次想寫呢首歌，就是想講呢種轉變，同埋同大家講：其實靜下來係OK的。」
MV圖片
MV圖片
《安靜的水晶球》MV由小薯茄團隊導演高ling執導，以Lo-Fi氛圍開場，並邀請「流動藝術表演者」Chris演出水晶球表演。水晶球在Chirs指尖流轉翻飛，仿佛有生命力，隨音樂在起伏，營造出疑幻疑真的夢幻意境——一個與世隔絕的烏托邦，讓人隨心自在。
MV圖片
MV圖片
歌曲由Gordon Flanders作曲、Oscar作詞、賴映彤編曲及監製。編曲融入Lo-Fi與R&B元素，節奏輕柔舒適，配上麗英清澈空靈的嗓音，像帶着聽眾漫步於無人之境，寂靜而安穩，一聽就放下。
觀看相關影片按連結：https://youtu.be/ztvd14QHgDY
寰亞樂隊Nowhere Boys出道10周年音樂企劃，以信件為主題系列第三首作品《給夢想家的一封信》MV昨晚（10月13日）上架，邀請吳浩康（Deep）和麗英@小薯茄拍攝MV，一個有關音樂傳承的勵志故事。事實上，他們的確受到自己的偶像啟發和影響，而開展音樂路。
Nowhere Boys新歌《給夢想家的一封信》邀請到吳浩康和麗英拍攝MV。
《給夢想家的一封信》由Nowhere Boys作曲、編曲和監製，Oscar填詞和擔任MV導演。故事中麗英孭住結他、自製名牌和拖住沉重的擴音器，走到觀塘「志明橋」busking，雖然途人冷眼，但她沒有放棄。因為她的偶像Deep亦是從busking開始，麗英被他的表演和熱誠感染，而Deep亦得到麗英的支持，堅持表演。Nowhere Boys主音Van客串飾演途人，鏡頭外三人講到音樂就停不了，還拿起結他Jam歌，Deep更即興為這首新歌結他伴奏，工作人員表示大飽耳福。
觀看相關影片按連結：https://youtu.be/MDsoqfZkQi8
今次邀請Deep演出MV，是因為Nowhere Boys的結他手Ken與他私交甚篤，雖然拍攝當日Ken身在外地，但越洋視像打氣，並多謝Deep和麗英拔刀相助。他笑說：「多謝麗英令我哋個MV無晒啲佬味！」Deep揚言要Ken將其結他升級作為報酬，麗英得知Ken是神級結他維修師和收藏家之後，亦笑言要以Ken的珍藏作為酬勞。
Nowhere Boys與Deep、麗英
結他手Ken雖然在拍攝當日身在外地，但都越洋視像打氣。
Van表示想透過新歌和MV，帶出生命影響生命、音樂傳承的訊息，因為他們都深受偶像影響音樂路。Van透露Nowhere Boys樂隊名字來自The Beatles成員John Lennon的電影《Nowhere Boy》。而Deep表示深受Beyond結他手黃貫中（Paul）和林子祥影響，他說：「有一日我喺街撞見偶像林子祥，我同佢講我留鬚係因為佢係令我再上台唱歌嘅原因。雖然我依家轉咗去做其他嘢，但係我想用留鬚去提醒自己，我始終都要返去唱歌。」Van說：「其實Deep有一張專輯分『No Where』同埋『Now Here』兩部份，呢個概念影響咗我哋，例如歌曲《我在》同埋『Now Here』演唱會。」
Deep
Deep
Deep
日系音樂fans的麗英說：「最啟發我嘅係日本歌手YUI，佢都係拎住結他周圍走嘅singer song-writer（唱作人），我都係因為佢令我想有自己嘅歌同埋學結他，依家我嘅曲風都受到佢影響，寫嘅歌或者聽嘅歌都偏向J-Pop。」同場Nowhere Boys低音結他手Hansun也是日系音樂fans，他說：「我最鍾意椎名林檎，我儲齊晒佢所有唱片，因為我好鍾意佢嘅監製龜田誠治，佢本身係低音結他手，佢做嘅編曲好有氣勢，好好聽。」而Nowhere Boys鍵琴兼小提琴手「漁佬」，自小受古典樂熏陶，笑說：「啟發我音樂嘅人比較遠古，因為細個學貝多芬嘅音樂，而近代就係劉以達。我初夾Band好多嘢係達哥教我，我今日會以電子琴寫program、玩音樂，都係由達哥帶我開始。」
麗英
麗英
麗英
他們被前輩偶像啟發的同時，也在影響下一代，Van透露經常收到Fans留言選唱他們的作品，最近有fans選了難度極高的 《光の序曲》和《小丑》表演，更請教他們寫樂譜。Deep說：「有位歌手同我講，佢喺我身上學唱廣東歌。佢入行前，會因為知道某啲歌會賣俾我而去唱Demo，我記得其中一首係《階磚三》。原來喺自己唔知嘅情況之下影響到其他人。」麗英甚至為fans創作寫歌，她說：「我嘅fans比較多係學生，有時佢哋話讀書辛苦，或者有去咗外國重新適應生活時，我嘅歌鼓勵到佢哋，我會好開心，覺得自己做咗好有意義嘅事。所以我寫咗首《貓之報恩》畀fans，多謝佢哋俾我可以任性，我會繼續勇敢做自己。」
拍攝花絮
拍攝花絮
拍攝花絮
拍攝花絮
