周殷廷孖JFFT組男團衝擊樂壇 豪言掠奪男團頂流位置

周殷廷向其他組合下戰書！

Yan Ting周殷廷聯乘人氣YouTube頻道JFFT，組成新晉男團JFYT，誓要撼動樂壇格局，掠奪「香港男團頂流位置」！JFYT推出首波主打歌——《Hands Up》，向其他男團N9（試當真）及FINALLY(小薯茄）下戰書，歌詞放下豪言：「擸埋你手中條行業鏈！」

周殷廷孖JFFT組成新晉男團JFYT。

左起：床哥、米爺、Yan Ting、雞翼、良少

JFYT推出首波主打歌《Hands Up》。

JFYT震撼新作《Hands Up》MV由Yan Ting親自操刀，自編自導自演自剪，拍攝風格致敬杜琪峰導演，夥拍JFFT四位兄弟（床哥、雞翼、良少、米爺）化身悍匪撈大茶飯，5人chok盡演出，個個身穿黑色西裝入型入格。Yan Ting執導之下，將一向幽默趣怪的JFFT改頭換面，將每位成員拍成「男人天花板」。

周殷廷向其他組合下戰書，豪言掠奪男團頂流位置。

新歌由JNYBeatz操刀擔任監製。

並與周殷廷共同監製。

米爺

床哥

良少

《Hands up》盡顯霸氣，由JNYBeatz操刀擔任監製，並與Yan Ting共同監製，以強悍的Trap風格踩過界入rap scene，實行轟炸聽眾耳仔，惟我獨尊之姿，不容忽視！Yan Ting表示：「Hands up嘅意思除咗叫大家舉起手一齊vibe之外，仲有一個意思就係好似打劫咁，叫人舉起雙手投降，我哋就係要掠奪頂流男團位置！」

雞翼

MV由周殷廷親自操刀。

型到呢！

藝人周殷廷（YT）呢日為 中銀香港理財TrendyToo 拍攝廣告，化身「理財師兄」現身 。一向深受年青人歡迎的 YT 呢日穿上簡約型格西裝，拍攝廣告時擺出多個型格甫士，完美展現其成熟穩重的魅力。

周殷廷（YT）近日為中銀香港理財TrendyToo拍攝廣告，化身「理財師兄」分享致富關鍵。

他認為理財不一定要賺大錢，最重要是安穩無憂度過一生，直言「平安已經好好」。

對於今次擔任代言人，YT 表示自己私下一直有了解理財資訊，更直言要「親力親為」管理資產 ：「因為我覺得理財呢樣嘢要自己去學習，無論係點都冇得賴，呢啲應該要有嘅知識嚟嘅，唔係畀咗人（管理）咁就算啦，即係我覺得唔應該咁 。」

講到理財心得，YT 認為目標唔一定係要賺大錢，最重要係安穩無憂 ：「對我嚟講理財就係可以好安定安穩咁樣過完呢一生，然後唔會冇錢 。咁我覺得呢個就係一個好基本嘅 概念 囉 。即係唔好講話賺大錢呀或者點樣點樣，但如果你正常打份工嘅話，你想去到你年紀大啲嘅時候都安穩無憂，我覺得呢個係非常之緊要嘅一個步驟 。咁我覺得唔諗太多，但平平安安已經係好好㗎喇 。」YT笑言除理財外，管理時間亦非常重要 ：「依家最寶貴嘅財產係時間，透過時間亦都可以轉化為金錢 。越早開始學識理財投資，呢一樣嘢係好緊要嘅 。你簡直係無敵㗎，只要你有時間你就已經贏咗㗎喇 ！」

YT更指時間是最寶貴財產。

愈早學識理財投資就「無敵」。

雖然平時拍 MV 經驗豐富，但 YT 呢日竟然自爆拍廣告時會「緊張」 ：「我自問係完美主義者，加上自己有幕後經驗，知道導演、客戶有期望、有要求，即使導演話『Good Take!』，心入面都會好緊張，由上場嗰刻一直喺度諗，我頭先係咪已經做到最完美，會唔會有嘢甩漏呢？」不過YT都以專業態度完成，加上片場氣氛輕鬆，所以完全冇壓力 。

日前周殷廷（YT）亦為樂迷報喜，宣佈將在8月紅館舉行個唱，Poster中YT展示一身肌肉上陣，大騷「男人味」：「其實我唔係話今次演唱會特別操fit啲，平時一日都係食一餐飯，所以都習慣咗保持身形！今次紅館演唱會好多諗法，盡量唔講太多想比驚喜樂迷。（會唔會跳舞？）呢個我會努力嘅，至於嘉賓真係未諗，要同production Team開晒會先至拍板。」

雖然幕後經驗豐富，但YT自爆拍攝時緊張，因自己是完美主義者，擔心表現未達標。