Skip to Content Facebook Feature Image

的哥發文大爆公屋客打的豪爽過半山客!車資$27十個有九個半山客都係咁......

社會事

的哥發文大爆公屋客打的豪爽過半山客!車資$27十個有九個半山客都係咁......
社會事

社會事

的哥發文大爆公屋客打的豪爽過半山客!車資$27十個有九個半山客都係咁......

2024年05月15日 12:30 最後更新:05月16日 17:19

日前有的士司機在FB群組爆料,指半山客打的往往無公屋客打的咁疏爽,指如27元的士費,付30元,十個半山客九個都要求找返3元!

示意圖。設計圖片

示意圖。設計圖片

車資$27,十個有九個半山客都要找$3

有的士司機日前在的士司機facebook群姐發文,指「公屋客$27,十個有七八個$30免找、半山客$27,十個有九個都要找$3」其後更留言大爆還遇到豪爽的公屋客,寫到「馬鞍山公屋嗰班朝朝早搭舊幾水的士都排晒隊,私樓果班只係搭馬鐵」。

行家和應:連5毫子都拎埋出來畀我

這位的士司機帖文一出,即引來不少行家迴響。有駕駛新界的士行家附和,指接到有客人由元朗千色店去青年綠洲(青年宿舍),車費$23.5,客人給了40元說不用找續。但是諷刺的是「鳳琴街去世宙(私樓)$23.5佢連5毫子都拎埋出來畀我」。有另一位行家亦留言大呻接載過半山客「佢知道差唔多要跳錶就嗌落車㗎啦,唔會俾個錶超過$27」。

帖文亦引發了不少網民揶揄「私樓果d全部負資產」、「所以話住公屋D人,仲豪x過你班所謂半山有錢人」、「香港係咁,消費力最高,係住公司嗰班25-60歲的既人」、「你唔明?要你找返3蚊嚟供樓......」亦有人指出「得公屋,得天下」「呢句嘢唔係流的 」!

示意圖片

示意圖片

分析:公屋客及半山客價值觀大不同

不過有網民對此現像,從理財觀念上作出分析,並認為是公屋客及半山客在價值觀的不同,而出現如此不同!他們留言「就係因為看重錢,佢可以成為有錢人,嗰啲視$3如糞土嘅,繼續做窮人啦」、「公屋人窮不志在那幾元,豪畀你哋,中半山個個計算過怎同呢」、「冇錯,啲窮人搵$1000使$800,有錢人搵$1000萬一日,唔會使$800萬......」、「錢應駛得駛,所以人哋咪住半山囉」、「人哋住有錢地方就係將錢使喺值得嘅地方,識得理財先有今日」、「所以人哋咪住半山囉!錢係1蚊1蚊慳返嚟!有錢人點會益我哋一個素未謀面嘅的士司機啊」等。

資料圖片

資料圖片

網民:只有窮人先有同理心

也有網民認為最主要是一個是租公屋,一個是供樓的分別,「都係打工仔,住公屋個個月多萬幾兩萬使呀!」、「住公屋畀幾千蚊租,供樓就供2萬、3萬,邊有得講」亦有些網民認為公屋客較有同理心,「重點是……他們不知民間疾苦,一般都比較離地,我相信若果他們知道業界這苦況,他們也不介意付齊頭數」、「有錢嘅人只會剝削我哋依啲窮人,只有窮人先有同理心,所以窮人通常都畀貼士啲窮人,曾經窮過嘅都會」。

示意圖,《降魔的》劇照

示意圖,《降魔的》劇照

網民一句講晒:越有錢越孤寒

亦有網民以一句老生常談的說話解釋這現像「越有錢越孤寒」,「孤寒先至會變成有錢」、「孤寒等於理財有道,闊佬等於亂使錢」。

往下看更多文章

囝囝食大埔茶記外賣三文治吐出「呢樣嘢」 港媽致電投訴 店家咁回應惹公憤

2024年05月20日 12:30 最後更新:15:11

港媽到大埔茶記買三文治外賣,囝囝「食食下卜一聲」再吐出異物,於是致電投訴,店家竟咁回覆惹公憤,網民揭:呢間一向西。

示意圖。設計圖片

示意圖。設計圖片

大埔茶記外賣三文治出現異物

該港媽於facebook群組「大埔人大埔谷」分享中伏經歷,表示日前到大埔昌運中心一家茶餐廳購買外賣「芝士火腿三文治」,豈料回家後囝囝「食食下卜一聲」,再吐出一塊「硬膠」。從照片可以,小朋友吐出來的「硬膠」為白色、呈不規則三角形,驟眼看好像一顆掉下來的牙齒。

(FB圖片)

(FB圖片)

店家態度惡劣「大聲過我,差到無朋友」

樓主見狀即致電店家反映,店方得悉後竟未有即時道歉,還大大聲「我地而家好忙,唔得閒送過比你」,然後更冷冷地問了一句「想點?」樓主氣憤表示「呢個明顯係佢地責任,仲大聲過我,真係差到無朋友」。

(FB圖片)

(FB圖片)

網民建議報食環

帖文一出,不少網民批評店方不負責任「直接剷落去同佢講啦!你唔好講到想呃多你份三文治咁,小朋友食架,唔小心吞左咁點呀?」、「吞咗後果不堪設想,咁嘅態度,建議報食環」、「報食環可能會令佢有所明白」、「吞落去大鑊,大人細路食倒都唔好啦」、「如果係我就會即時報警,攞埋檔案編號,再報食環」。

(FB圖片)

(FB圖片)

街坊揭:呢間一向西

有街坊則指該店員工一向態度惡劣「一向西地方,冇吃6年以上」、「個女人不嬲係咁」、「這個店根本不值得去,收銀及服務員態度奇差!」、「不嬲西,仲西足幾廿年」、「入咗黑名單好久了」、「尤其收銀個女人之前都唔係好語氣,最近更加乜都唔滿意」、「呢幾年一次都冇去過,佢忙佢既事,遲早佢哋會好得閒」、「幾個月前去食早餐,聽到個女樓面數D過年冇俾利是既客人」、「態度超西,從此發誓永不幫襯」。

帖文來源:facebook群組「大埔人大埔谷

你 或 有 興 趣 的 文 章