*

Freeze時代鬱結多 石詠莉強調冇整容

石詠莉(Sukie)原為前組合Freeze成員,解散後「單飛」繼續發展。回想昔日經常要賣弄性感,又被外界封為「整容三嬌」,她接受本網專訪時大呻當年為了顧全另外兩位隊友而有口難言,有很多鬱結,重申自己冇整過容!

 

石詠莉接受本網專訪。(本網記者攝)

石詠莉接受本網專訪(本網記者攝)

 

前組合Freeze在2010年因經理人合約完結解散,三人之中只有Sukie獲公司力捧做獨立歌手。回想當日初入樂壇要經常賣弄性感,她坦言有喊過,因多年來有好多鬱結從未能夠同大家分享:「有啲嘢我哋控制唔到,譬如公司俾我哋嘅型像性感。當時19歲入行乜都唔識, 公司要我着啲乜我又好乖咁去聽,冇好心思熟慮去做呢啲嘢。」她眼泛淚光,坦言當時性感形像令她感到壓力:「始終唔係自己最想嘅嘢,自己屋企人比較傳統,變相言語嘅壓力都會有。嚴重到行出街係俾人鬧,甚至乎鬧埋屋企人。我最唔希望發生都發生咗。」

 

石詠莉表示Freeze一齊做訪問時,自己的表達能力不好,不需要說太多嘢。(本網記者攝)

石詠莉表示Freeze一齊做訪問時,自己的表達能力不好,不需要說太多嘢(本網記者攝)

 

當年Freeze三女被外界封為「整容三嬌」,Sukie強調自己沒有整容:「真係冇,我唔介意同大家講。當時我唔能夠企出嚟講我唔係,因為會傷害兩位隊友,我需要考慮到佢哋感受。同埋公司覺得係一個gimmick。佢哋係整容代言人,但我係美容纖體嗰邊。」

 

石詠莉承認Freeze當時的確給了一個好錯的形像給觀眾,令大家有種不好的感覺。(本網記者攝)

石詠莉承認Freeze當時的確給了一個好錯的形像給觀眾,令大家有種不好的感覺。(本網記者攝)

Freeze(資料圖片)

Freeze(資料圖片)

 

面對這些閒言冷語,即使三姊妹互相安慰,Sukie仍有想過放棄:「我好想放棄呢個夢想, 離開呢個娛樂圈,離開呢個樂壇。」她續指自己很幸運,每次想放棄時身邊都有人叫她振作,不要令之前建立的成果付諸流水。

 

Freeze解散至今已六年,石詠莉指現在的心態和目標都不同。(本網記者攝)

Freeze解散至今已六年,石詠莉指現在的心態和目標都不同(本網記者攝)

 

經歷過有口難言低潮,Sukie去年推出第一張發燒專輯《聽聽Sukie's》贏盡銷量和口碑。她謂試過在半空虛浮追夢的感覺,完全沒有計劃,認為現在做好音樂做好自己更重要,更加腳踏實地去尋夢。現在與男友鄧健泓開設一間小型唱片公司雖然辛苦,但是有滿足感。

 

石詠莉與男友鄧健泓開設小型唱片公司感滿足。(本網記者攝)

石詠莉與男友鄧健泓開設小型唱片公司感滿足(本網記者攝)

 

至於有否曾擔心出碟成績不似預期?她直言不會,又稱曾向男友說如果下張唱片損失慘重的話,外出打工沒有問題,可以靠自己雙手去搵錢,為生活去拼膊,不會因歌手包伏影響任何決定。

 

化妝 : Katy Fung
服裝 : Club Monaco
場地:THE BARBE