石詠莉（Sukie）原為前組合Freeze成員，解散後「單飛」繼續發展。回想昔日經常要賣弄性感，又被外界封為「整容三嬌」，她接受本網專訪時大呻當年為了顧全另外兩位隊友而有口難言，有很多鬱結，重申自己冇整過容！
石詠莉接受本網專訪（本網記者攝）
前組合Freeze在2010年因經理人合約完結解散，三人之中只有Sukie獲公司力捧做獨立歌手。回想當日初入樂壇要經常賣弄性感，她坦言有喊過，因多年來有好多鬱結從未能夠同大家分享：「有啲嘢我哋控制唔到，譬如公司俾我哋嘅型像性感。當時19歲入行乜都唔識， 公司要我着啲乜我又好乖咁去聽，冇好心思熟慮去做呢啲嘢。」她眼泛淚光，坦言當時性感形像令她感到壓力：「始終唔係自己最想嘅嘢，自己屋企人比較傳統，變相言語嘅壓力都會有。嚴重到行出街係俾人鬧，甚至乎鬧埋屋企人。我最唔希望發生都發生咗。」
點擊看圖輯
石詠莉接受本網專訪（本網記者攝）
石詠莉表示Freeze一齊做訪問時，自己的表達能力不好，不需要說太多嘢（本網記者攝）
石詠莉承認Freeze當時的確給了一個好錯的形像給觀眾，令大家有種不好的感覺。（本網記者攝）
Freeze（資料圖片）
Freeze解散至今已六年，石詠莉指現在的心態和目標都不同（本網記者攝）
石詠莉與男友鄧健泓開設小型唱片公司感滿足（本網記者攝）
石詠莉表示Freeze一齊做訪問時，自己的表達能力不好，不需要說太多嘢（本網記者攝）
當年Freeze三女被外界封為「整容三嬌」，Sukie強調自己沒有整容：「真係冇，我唔介意同大家講。當時我唔能夠企出嚟講我唔係，因為會傷害兩位隊友，我需要考慮到佢哋感受。同埋公司覺得係一個gimmick。佢哋係整容代言人，但我係美容纖體嗰邊。」
石詠莉承認Freeze當時的確給了一個好錯的形像給觀眾，令大家有種不好的感覺。（本網記者攝）
Freeze（資料圖片）
面對這些閒言冷語，即使三姊妹互相安慰，Sukie仍有想過放棄：「我好想放棄呢個夢想， 離開呢個娛樂圈，離開呢個樂壇。」她續指自己很幸運，每次想放棄時身邊都有人叫她振作，不要令之前建立的成果付諸流水。
Freeze解散至今已六年，石詠莉指現在的心態和目標都不同（本網記者攝）
經歷過有口難言低潮，Sukie去年推出第一張發燒專輯《聽聽Sukie's》贏盡銷量和口碑。她謂試過在半空虛浮追夢的感覺，完全沒有計劃，認為現在做好音樂做好自己更重要，更加腳踏實地去尋夢。現在與男友鄧健泓開設一間小型唱片公司雖然辛苦，但是有滿足感。
石詠莉與男友鄧健泓開設小型唱片公司感滿足（本網記者攝）
至於有否曾擔心出碟成績不似預期？她直言不會，又稱曾向男友說如果下張唱片損失慘重的話，外出打工沒有問題，可以靠自己雙手去搵錢，為生活去拼膊，不會因歌手包伏影響任何決定。
化妝 : Katy Fung
服裝 : Club Monaco
場地：THE BARBE
