有食客投訴上環一家冰室的侍應公然歧視殘疾人士，嫌其坐輪椅的長者家人「阻住做生意」，網民教「去平機會投訴！」
FB截圖
輪椅長者光顧上環冰室無位坐
該食客Facebook群組「飲食黑店大全」發文，表示攜同家人、外傭及一名需要坐輪椅老人，一行五人光顧上環某冰室。當時是下午五點，他們剛剛在中環辦完事務，老人家感到肚餓，便決定去餐廳吃點東西。事主將車泊在永安樓上3樓停車場後，便在附近找到這間冰室。
他們進入冰室後，見到門口有一張能容納四人的卡座「而且又夠闊落」，於是他們便選擇坐下來，而坐輪椅老人家則坐在卡座外邊。不過坐下後，一位長髮侍應上前，勞氣表示輪椅的位置會阻礙其他客人出入。
示意圖。設計圖片
食客同意換位 但侍應仍然不滿
於是，另一位侍應建議他們移至餐廳內部位置，事主便依照指示移位。但該長髮侍應仍表示「坐嗰度都唔得，又係阻住通道出入」。事主感到不滿，質問對方是否不想做他們的生意，但對方未作回應。
食客不滿侍應歧視輪椅人士
事主又稱，他的外傭聽到該侍應與其他員工竊竊私語「話我哋阻住晒佢哋做生意」，更感到不受歡迎，勸事主離開。最終，他們決定離開該冰室，前往另一家餐廳用餐。為免老人家尷尬，他們當時沒有立即投訴「有老人家同工人係度我費事係度發癲，同埋費事影響到其他食客」。
事後，事主在網上發文怒斥：「如果你哋XX冰室唔歡迎傷殘人士或者輪椅使用者，應該貼張大啲紙喺門口寫住『不歡迎傷殘人士老人及輪椅使用者入這餐廳幫襯』」，並指責該冰室歧視傷殘人士和老人。
FB圖片
網民斥：「他朝君體也相同呀！」
帖文引熱議，很多網民斥責侍應態度惡劣「他朝君體也相同呀！」、「差到好多中上環人不去、包括我、太受氣了！」、「呢d鄉音亞姐炒左佢啦！無生意一定入佢數」、「呢啲真係x街！大家都有鄉音譚仔姐姐令人欣賞係有原因 ，雖然好多都語氣粗魯，但係唔該前，唔該後講多謝」。
網民建議向平機會投訴
有人建議事主向平等機會委員會投訴「呢單嘢可以去平機會投訴夠做了，其實好多公司嘅管理層應該正視下一啲問題唔好得過且過」、「此等黑店應該係去平機會投訴佢地、在平台公開對佢哋影響不大㗎，一定要佢哋得到教訓呀！」
Getty圖片
網民認為輪椅會阻礙客人
不過，亦有人為店方發聲「人地唔係唔歡迎你殘疾人，人地根本地方細招呼唔到你。今日如果一個人攞個好大的行李入去食，我相信佢一樣會咁樣講。如果你今日係用拐杖去，佢反而唔會咁講。另外其他盲的、啞的、聾的，甚至弱智的去到佢都唔會係咁的態度」、「我媽咪都係坐輪椅，我地出街食飯都會扶佢坐係張櫈度，摺埋輪椅放埋一邊。餐廳通道通常都好窄。如果成張輪椅放在路中間會阻住人之餘，其實都好危險」。
帖文來源：Facebook群組「飲食黑店大全」
