月入近10萬律師見「女友家長」始知財富懸殊遭世伯當「地底泥」終分手收場

社會事

月入近10萬律師見「女友家長」始知財富懸殊遭世伯當「地底泥」終分手收場

2024年06月05日 12:30 最後更新：16:01

港男在討論區發文，指自己是一位月入9.5萬元的律師，但當見「女友家長」時，驚覺對方家底豐厚，慘遭世伯冷言嘲諷，終與女友分手收場。

港男律師：女朋友太有錢冇好下場

很多女仔都夢寐以求有一位做律師的男朋友，如對方父親是公司管理層，更是求之不得！但日前卻有港男在討論區發文，以「女朋友太有錢冇好下場」為題，指自己是一位月入9.5萬元的律師，但當「見家長」時，先驚覺女方家底非常豐厚，慘遭對方父親冷言嘲諷，暗寸自己只是一名打工仔，結果與女友分手收場。

驚覺女方父親是上市公司老闆

這位港男在討論區發文，一開始已寫到「奉勸各位巴打你拍拖之前一定要了解女朋友家底，揀女朋友唔好揀太X有錢嘅。」跟着就向各網友娓娓道來自己的故事。他表示自己一出來工作四年，已月賺9萬5，有一位做公司高層的父親。和女友認識了半年，對方一直說家中是做小生意的，孰知，當「見家長」時，他才驚覺對方父親是上市公司的老闆，年收約3千至4千萬，住在約3500呎的複式豪宅。他形容「一入到佢屋企已經發現佢客廳等於我屋企嘅size 」。

暗寸樓主父親只是打工仔

而當世伯問起樓主家境時，樓主說父親是公司管理層，但怎料世伯卻回應「哦即係打工仔」，然後再問起樓主的職業時，樓主回答是事務律師，世伯竟然「律師都幾辛苦，工時長，生意最近又麻麻哋」讓樓主覺得無論他說甚麼，對方都看他不順眼。最後，他和女友還是分手收場。

樓主：如溝一個公屋妹人哋當我sugar daddy 咁拜

樓主文尾提到「由細到大我都未試過咁樣俾人睇唔起，我知我唔係有錢人，頂多叫做小康之家，講真我去溝一個公屋妹，人哋當我sugar daddy 咁拜」跟着大呻並反問「點解要自己攞嚟難受，俾人當地底泥？」

網民安慰：心態決定一切

帖文一出引來不少網民的關注，大家紛紛留言安慰樓主「擺到明睇你唔起，遇着個有錢又離地嘅家庭」並表示女朋友其實都好慘，因為一位無品的父親而沒了一位男友，亦有網民感嘆「個世界就係咁現實」、「一層壓一層，人上有人」，建議樓主可以選一位門當戶對的女友。有網友更鼓勵「心態決定一切啦，人睇你唔起又唔洗下下放係心，只要你肯定自己同知自己好就無敵了」

不過有網友質疑樓主「見家長你女朋友點解唔會撐你」，認為他是因感到自卑而分手。亦有網友認為樓主一樣是看不起人「你咪又係睇唔起住公屋啲人」，並指他作故事是想發牢騷，樓主即返駁指「並非無病呻吟，純粹警誡吓大家拍拖應該注意嘅事項」。

往下看更多文章

猥瑣男太子當街「咸豬手」女童一旁母親懵然不知目擊者因1誤會超後悔

2024年07月27日 11:30 最後更新：13:02

有民眾於太子街頭目睹一名猥瑣男當街「咸豬手」非禮女童，縱然女童不斷推開男子及慘哭，一旁母親仍懵然不知。事件引全網震怒。

猥瑣男「咸豬手」非禮女童目擊者誤以為父女打鬧

該網民於Facebook發文，表示日前於太子地鐵站旁的麵包店門口，目擊一名男子疑似非禮女童。當時身穿連身裙的女童拖著母親的手在走路，男子則與她們並列而行，更一邊行一邊摸女童的屁股。雖然男子行徑過分，女童亦表現不安「摸到個細路女推開佢隻手同埋喊」，但由於女童與母親同行，樓主誤以他們是一家三口，以為父女二人在打鬧，故沒有上前制止。

目擊者折返欲揭發惡行母親懵然不知猥瑣男失踪影

及後，樓主見三人一同走進一家藥房，更確信「以為佢哋一家人，跟住行過咗佢哋」。不過很快，樓主在良心的驅使下折返「跟住諗咗一輪，所以返轉頭搵嗰個女人點都想提一提醒佢小心佢老公」，可惜的是此時男子已失去蹤影「我問嗰個女人原來佢唔識嗰個男人，佢完全唔知個女俾人摸囉」。

目擊者感自責稱已通知巡警

樓主對此心感自責「激死呀，我應該要拍片影埋佢正面」、「其實就算係親生老竇咁樣摸，我都應該捉住咗佢先，我唔應該咁糾結」；並表示「見到巡警有同警察講咗，俾咗相佢哋睇，叫佢哋留意呢個人」，但警察指「報案要時機，當時就應該即刻報」。

事件引起全網震怒

帖文引熱議，網民激動表示「我喺到會衝上去捉住佢落地砌」、「覺得報警都唔夠，應該要攪大件事佢，起碼要有東張西望報道，跟住全城關注，咁啲警察先會落力去捉人」、「咁樣隨街非禮兒童，好嚴重」、「我日日都喺嗰邊，見到一定的起佢，大把兄弟同佢慢慢玩」。

有人則指責母親警覺性低「個亞媽咁攪笑，有個男人行到咁貼個女佢都唔知，佢對眼剩係向前望」、「個阿媽咁冇警覺性。有人行咁近行咗咁耐都唔知？」、「唔x係呀，黐到咁實都唔知有個男人喺隔籬」、「佢阿媽有無望過其他方向架？正常行行下有個唔識既男人行咁近俾我都會彈開啦點會企咁耐都唔覺有問題？」、「個老母係咪弱智㗎？個女俾人咁樣非禮都唔知？」