陳若思慘被狗咬 傷口近動脈滿地血

傷口好深！

TVB小花陳若思（Amber）去年憑熱播劇《新聞女王》中飾演何依婷妹妹而為人認知，昨日（8日），她在IG Story貼出一張血流成地的照片，聲稱被自己的狗咬傷，嚇壞網民。

陳若思在《新聞女王》初露頭角

之後加入《HOME即是識》伙拍FYY 同森美做主持

她透露已是第二次被狗咬傷，她心灰表示﹕「我係一個唔好嘅主人，唔識教狗狗，上個月畀乖乖咬完一次，今個月又畀佢咬，我需要一個好嘅dog trainer，護食問題嚴重。」護食是指進食時會對其他人或狗有攻擊意圖。

見到呢張相嚇一嚇

不久後，她再更新一張照片到IG Story，傷口上貼上大膠布，但傷口仍滲血，指：「上個月佢咬完我之後，我都冇同佢瞓過。有一晚，我見到佢喺度咬我啲鞋，其實已經好多年冇咬，唔知佢係咪嬲我唔同佢瞓。」雖然有朋友曾提議「要打」，不過陳若思就表示「唔夠膽」，寫道：「一嚟我驚佢咬返我，二嚟我都打唔落手。然後每次佢見我喊，佢都好似唔開心。」她亦趁機詢問網友，會不會有狗隻訓練師介紹。

仲滲緊血

她之後隨即到醫院洗傷口，見她整隻手都緊緊地包了紗布，十分令人擔心，她說：「洗傷口好痛，痛過打針好多，傷口比上次深，今次塞咗啲紗布喺個窿入邊，好彩有嚟到洗傷口。」醫生仲話傷口近動脈，所以未咁快止到血。

好彩有乖乖去醫院洗傷口

傷口幾深，之後都要定期洗傷口

《萬千星輝頒獎典禮2025》將於明年1月4日在澳門舉行，入圍「最佳女新人」5強的倪嘉雯（Carmen）與陳若思（Amber）昨日（12月18日）會見傳媒，二人不約而同以搶眼打扮亮相。Carmen身穿短裙大晒美腿，Amber則以露肩上陣，各展魅力。

倪嘉雯（Carmen）、陳若思（Amber）入圍《萬千星輝頒獎典禮2025》「最佳女新人」5強，而何晉樂（Rock）、曾錦燊（Charles）則入圍「最佳男新人」5強；他們昨日（18日）見傳媒。

陳若思與倪嘉雯不約而同穿短裙晒腿。

談及得獎信心，Carmen直言對自己有信心，喜出望外能晉身5強；Amber則謙稱對手強勁且粉絲眾多，自覺勝算不高，但認為入圍已屬鼓勵。拉票方面，Carmen參考戴祖儀的策略，並積極聯絡親友支持；Amber則笑言已動員所有朋友，但未敢特意請中學同學、MIRROR成員李駿傑幫忙，怕弄巧反拙。

倪嘉雯直言對自己有信心！

陳若思則謙稱自覺勝算不高。

二人尚未決定頒獎禮戰衣，Carmen笑言性感任務可交給Amber；Amber原想行性感路線，但因對手太強，友人建議她改以型格示人。Carmen近期獲公司器重，繼《新聞女王2》後再拍新劇《璀璨之城》，更有機會與張智霖合作，令她興奮不已。

倪嘉雯繼《新聞女王2》之後，又投入新劇《璀璨之城》深受公司器重。