阿叔搭港鐵「一個籮柚霸兩座」車廂逼爆人拒讓座 港男影相公審引熱議

港鐵車廂內一名大叔一個屁股霸兩座位，即使有人示意想坐下亦無動於衷，有港男看不過眼拍照公審引熱議。

（Getty圖片）

大叔搭港鐵一人霸兩座

該港男於Facebook群組「香港突發事故報料區及討論區」上載照片，指控一名藍衣大叔在港鐵車廂內霸佔兩個座位。大叔的屁股沒有坐在座位適當位置上，反而坐於兩個座位之間的正中位置，導致其他乘客無法就坐。

婦人示意想坐下 大叔拒讓

樓主指當時車廂滿座，有乘客需要站立，即使「有個阿嬸走埋去想坐」，但大叔依然視而不見，完全沒有企圖要讓座。樓主看不過眼，決定拍照公審對方，並揶揄「幾有霸氣，成個嬴政（秦始皇）咁，一個人坐2個位」。

FB圖片

網民斥：自私廢老！

帖文一出，不少網民斥責大叔自私「劃左一個個位都可以坐正中間，正廢老」、「呢啲我一定係直接坐落去」、「乞人憎廢老」、「爛泥扶唔上壁，自私，蠻不講理」、「一個屎忽得埋去，大喝一聲：躝開」、「真係太自私！哀到冇人有」、「如果唔讓。直接坐落去。再同佢鬥下盤邊個硬咪得」、「直接爆入去坐，大大力坐落去，迫開佢」。

Getty圖片

亦有網民認為上前勸告勝公審

有人質疑樓主「你唔走埋去話佢？」、「鍵盤戰士」、「想坐咪講句唔該借借囉，再唔係直接坐上去，咁小事都要影相」；樓主則表示擔心對方是「黐線佬」，如果直接上前理論「隨時拎把刀出嚟捅你兩野」。樓主還表示即使發聲亦未必有人撐，現實中多數人「只會係到食花生睇戲」，害怕「一個唔覺意俾人掟上網做埋男主角」。

Getty圖片

帖文來源：Facebook群組「香港突發事故報料區及討論區」

大埔宏福苑火災慘劇發生後，大眾都提高了防火意識。但日前有網民在社交平台發相指，在馬鞍山頌安邨有女街坊竟毫無危機意識，在寓所的走廊位置燒街衣，搞到走廊「都係煙又攻鼻」，他上前阻止還被對方惡言相向！

大媽反駁：燒咁多年都冇人投訴

這位網民在臉書社交群組發相，指日前安邨寓所的走廊，有大媽竟在走廊位置燒街衣，整條走廊都濃煙密佈。雖然樓主有上前勸阻，大媽一於好少理，而且還惡言相向，指樓主多事，說「燒咁多年都冇人投訴」。樓主一怒之下影相作證，直接向管理員投訴「影相作證扣你7分...好快扣滿15分就終止租約，到時你就祖先保佑有新屋住！」。

示意圖。AI生成圖片

網斥：5知死字點寫？

不少網民都怒斥大媽的行為「自私L」、「叫佢七街燒啦，唔好喺走廊燒，好危險架」、「之前都有人在走廊燒嘢，管理員見到都冇乜理會」、「5知死字點寫？」、「拎桶水去淋X佢話洗地」。

資料圖片

網民提議影相報警話疑火燭

有網民更指「我隔離嗰個直頭喺門口燒添」、「我阿媽因為擔心比人投訴，直情係屋企關門燒，牆都燻黑曬」有人提出「第一時間拍片證明大煙，然後打爛火警鐘，落樓即刻999，話懷疑火警」。

網上圖片

房委會或被終止租約及收回單位

房委會就曾在社交平台發文表示，如果居民想燒衣拜祭時，要使用屋邨指定化寶區；祭祀後要脮善清理，嚴禁在大廈內的的公眾地方燒衣，「屋邨大廈入面嘅走廊、梯間等公共空間，一律禁止燃燒冥鏹，以免過程中產生嘅灰燼或濃煙，觸發火警警報。有關做法不但影響其他住户，仲可能會違反租約條例，有機會被終止租約及收回單位㗎！」。