莊韻澄稱拒再受前夫威脅勒索：我會以事實去回應

莊韻澄再出Po力數前夫！

現年42歲的莊韻澄（前名莊端兒）7月26日突然在社交平台發出離婚聲明，表示與經理人兼丈夫呂成忠（Joe）於去年7月起正式分居，兩人正辦理離婚手續。莊韻澄稱一直擔起所有家庭開支，又指控呂成忠曾在不知情的情況下，帶兒子出走台灣威脅自己，更稱自己飽受情緒勒索的惶恐、言語暴力的傷痛之中。

莊韻澄早前宣布與老公呂成忠分居。

莊韻澄7月26日貼出一封律師信，指與呂成忠由7月起正式分居，現正辦理離婚手續。

今日（7月30日），莊韻澄再度於社交平台發長文談及離婚事件，表示堅拒再受前夫威脅：「首個回應，我唔會關留言亦唔會回留言，只會统一回應呂成忠先生指責。既然呂成忠先生要發動群眾壓力及言論去討伐我，我已經約好今晚第一位聯絡我嘅記者盡快去做個專訪。呂成忠先生永遠都係喺我唔知情況底下或背後做好多動作。如果想復合想做好老公或好爸爸請你正正經經去打份工，搵份要供強積金要交稅嘅穩定收入。而唔係喺我完全供養呂成忠生嘅日子底下連負責分擔我嘅工作都要計較，而我在未認識呂成忠生之前一樣係冇固定經理人都係咁工作！只係我個人主觀理想諗住兩公婆一齊努力搵錢啫！唔好浪費大家時間！我就成就你所想！」

大爆前夫惡行令她不得不分開。

她又力數前夫卑鄙手段與行為：「要撕開肚皮去面對700萬以上人，講真我公開出得聲明就預咗，我唔會再受呂成忠威脅，因為我係公眾人物關係呂成忠先生每日用不同嘅存檔去威脅我或聲言公審我！我會勇敢去逐一回應我係人都有情緒都會做錯事！一切都只係證明呂成忠先生點樣去繼續傷害我同個仔！雖然我冇呂成忠先生咁多計謀咁多設計但你做過鬧過我嘅鬧過我身邊朋友嘅，唔多唔少都會有記錄！呂成忠先生想用公審形式去傷害我唔緊要！但呂成忠先生一定記得一句說話贏場交輸個家！至於有人用傷害人嘅方式，利用人哋嘅家庭糾紛去增流量及利益實屬卑鄙行為！」

莊韻澄今日（30日）再在IG談及離婚事件。

莊韻澄稱拒絕再受前夫威脅勒索。

最後莊韻澄強調：「再次重申本人並無自殺傾向！如果要自殺早死咗唔使咁努力積極去工作！就算受盡天下人言語攻擊！我都會以事實去回應！請呂成忠先生兌現你嘅誓言只要你講一個大話以後都冇得見個仔！多謝你哋令我變得更堅強更勇敢！即使我孤身1人要面對你發動嘅一切事情，我仍然會坦然面對！畢竟哩件先係我人生大事！我係應該面對我嘅人生！我會繼續我嘅工作繼續去湊仔繼續去陪我媽咪，繼續見想見我嘅朋友繼續出ig繼續我精彩嘅人生！我記得自己好細個嘅時候整傷自己，傷口好痛時我會同自己講，放心啦！好返呢就會唔記得咗當時有幾痛！我會每日喊住同自己講一次甚至更多次！但傷口一定會好返事情一定會過去！情緒同傷心一定有但我一定會好返！」

有冇睇《弊傢伙 我要去祓魔》？

ViuTV原創劇《弊傢伙 我要去祓魔》於2月10日晚上9時30分在ViuTV 99台首播，曾執導電視劇《暖男爸爸》的導演戚家基，聯同強尼、岑樂怡（阿妹）、王頌茵（Kathy仔）、黃奕晨（Dixon）、莊韻澄、米露迪、余曉彤（Hidy）、陳曾寧及章尾而，日前現身旺角及銅鑼灣街頭大派劇中平安符，為電視劇造勢。

（右起）王頌茵及導演戚家基

（左起）王頌茵及岑樂怡

（左起）米露迪及余曉彤

（左起）強尼、黃奕晨、陳曾寧、導演戚家基、王頌茵、岑樂怡、米露迪、莊韻澄、章尾而、余曉彤

（左起）莊韻澄及陳曾寧

（左起）陳曾寧、黃奕晨、章尾而、莊韻澄

（左起）導演戚家基及岑樂怡

（左起）導演戚家基及強尼

王頌茵

米露迪

岑樂怡

強尼

莊韻澄

章尾而

黃奕晨

在《弊傢伙 我要去祓魔》的一班演員：強尼、阿妹、Kathy仔、Dixon、莊韻澄、米露迪、Hidy、陳曾寧及章尾而，於昨日特別帶同特別版平安符現身旺角及銅鑼灣街頭，為途人送上祝福，其中米露迪及Hidy更是完成渣馬後趕到現場參與快閃活動，十分有心。今次為途人送上平安符，阿妹賣花讚花香笑道：「一人一張平安符，保你家宅平安，乜都好好！」至於為何會用上「平安」及「正能」兩款平安符，原來這是劇中的重要道具，莊韻澄道：「平安符本來係用嚟祝福劇中嘅安平市市民，祝福大家平安，至於正能，就係想祝願大家正能一直在你心，帶住正能量做人。」不過莊韻澄隨即送上奸笑，暗暗地流露出她在《弊傢伙 我要去祓魔》中所飾演的陳姑娘陰險個性。

一眾演員街頭快閃

《弊傢伙 我要去祓魔》講述毛無邪（強尼 飾）曾經是風水玄學界的燦爛新星，通曉各門派的學問，甚至擁有召喚式神和與鬼神溝通的技能，是公認的天才。曾是風水界的天才，因貪念釋放了一百零八隻惡鬼，引發人間浩劫。如今，他靈力盡失，因贖罪而踏上捉鬼之路。毛無邪找到端木零（岑樂怡  飾）和路嘉敏（王頌茵 飾），加上他風水班學生春樹，開始受理各種靈異事件和軀鬼工作，搜尋那一百零八隻惡鬼。新正頭推出一套人鬼大戰劇集，導演戚家基表示百無禁忌，Kathy仔也表示：「新一年，就等我哋套劇祓除惡魔。」阿妹更道：「我哋呢套唔係鬼片，係一套二次元中二病非靈異有今生冇來世嘅神劇，好感動又好搞笑。」眾人去到旺角及銅鑼灣街頭大派平安符，現場所見大家都十分踴躍領取，令現場擠得水洩不通，莊韻澄更笑言：「現場就好似百鬼夜行一樣，好多人圍住我哋啊！」為食的強尼則笑言：「我聞到好大陣臭豆腐嘅味道，好吸引啊！」入戲甚深的Kathy仔笑言：「通常靈體都係好大陣味㗎！」米露迪亦分享道：「啱啱我哋派咗好多正能量出去，氣氛十分好！」

一眾演員街頭快閃

電視劇本周首播，眾人都十分期待，除了相約一同觀賞劇集首播外，他們更邀請觀眾一同煲劇，其中陳曾寧就作出暗示，道：「大家到時搵下我喺邊度出現，係要搵下㗎！」米露迪則分享自己的觀後感，道：「我淨係睇劇本都喊死，大家睇埋套劇，肯定喊到不得了！」至於強尼則希望《弊傢伙 我要去祓魔》可以給予大家喘息的空間，他說：「大家嘅生活都攰喇，嚟緊四個禮拜，每晚俾一粒鐘大家放空下啦！」Dixon也表示眾演員會在網絡上跟大家多互動交流，他說：「大家留意下套劇裡面有好多好好笑好有趣嘅對白，搵到可以cap俾我哋，我哋全部都會repost！」