高官捉蟲 我們承受

港鐵根據車費可加可減機制，今年6月起加價3.6%，根據港府當年與港鐵協議，搞出呢個可加可減機制，港鐵票價增減，計算通脹率、運輸業工資指數及生產力提升三個因素來決定，今年的3.6%加幅就是按這個方程式計出來，無得郁。

市民覺得搭港鐵愈來愈逼，不止繁忙時間逼唔到上車，有時假日都逼到暈，覺得港鐵生意好好先至係，點解仲要加價? 仲有就係成日有事故，一出事上落班就大受影響，有時出事後接駁巴士又無，趕住返工怕比老細詐型，嗰種感覺港鐵高層未必知喇。市民心中本來就有不滿，再遇上港鐵加價，自然慶上加慶。

問題就出在呢個可加可減機制。以前鐵路加價年年要向政府申請，政府唔鐘意可以唔批。當地鐵和九鐵合併前，地鐵和政府講數，講出呢個加價機制，當時的運輸及環境局局長係廖秀冬，我記得在一個飯局中，講起呢個大體上跟通脹的可加可減機制，當時我已經覺得唔妥(唔係事後孔明)，我同阿冬姑講:「你地搞出一個地鐵自動波的加價機制，政府將來對佢加幅完全無話事權。愈係高通脹，市民愈抱怨百物騰貴時，即使佢賣樓賺大錢，佢就自動波可以加票價，到時實俾市民怨死你地啦。」

   

冬姑當時的答案係咁:「地鐵上市，要有一個穩定的票價調整機制，有咗呢個方案後，以後政府唔使年年同佢拗數。而且個機制可以減價，通縮就減價啦。」

我當時心諗，「吓，怕拗數? 咁高人工請啲局長返來，乜唔係貪佢地係重炮，用嚟對付公用事業公司咩?」我把口就咁講:「廖局長，回歸後通縮咗幾年，到而家縮到咁上下囉喎，唔再縮得好多，往後可能就年年通脹，你呢個『可加可減機制』，往後好長時間可能只係『可加機制』咋喎!」

好衰唔衰，真係俾我把衰口講中，之後真係變成「自動波可加機制」。當年高官搞出呢個錯誤的捉蟲機制，今天要我哋來受。現屆官員搞番啲修修補補，什麼以工資中位數變動為加幅封頂、利潤回撥、嚴重故障罰款，真係好似幾條毛咁，一陣風就吹走，幫唔到啲乜嘢啦。

盧永雄

九龍灣德福商場一期本周四(18日)晚上有假天花鬆脫，擊中一名51歲女子腿部，事主受傷送院，港鐵公司表示十分重視事件，已展開深入調查及跟進。

塌天花後的情況。jjune.889@threads圖片

負責管理德福商場的港鐵公司表示，十分重視假天花鬆脫事件，已展開深入調查及跟進，並盡快維修，同時向傷者致以慰問，會保持聯繫及作出適切跟進。

港鐵公司表示，十分重視德福商場一期塌假天花事件，已展開深入調查及跟進。資料圖片

港鐵說，假天花鬆脫位置位於德福商場一期其中一個出入口，商場職員已即時到場處理及報警，並陪同受傷女子到醫院接受治療，她於即晚已出院。

警方表示，18日晚上11時許接獲商場保安報案，指一名女子在商場內被木塊擊傷腿部，救護員到場後將她送往聯合醫院治理。

九龍灣德福商場一期18日晚上發生假天花鬆脫事故。threads圖片