TVB御用泰仔憑《反黑英雄》入屋 黎澤恩與Mr.舊隊友八月上廣州開騷

Ronny同Mr.舊隊友再度合體！

TVB「御用泰仔」黎澤恩（Ronny）早前於《反黑英雄》中飾演高高一角火速入屋，作為前樂隊Mr.的結他手，黎澤恩即將與舊拍檔齊齊北上開《曲詞編監唱作音樂分享會》，以歌會友。

（左起）Dash、Ronny、MJ

《曲詞編監唱作音樂分享會》

《反黑英雄》劇照

《反黑英雄》劇照

《反黑英雄》劇照

《反黑英雄》劇照

Ronny剛剛在佛山拍畢兩套新劇，現正忙於為八月底舉行的廣州音樂分享會進行彩排。他指：「今次係阿Dash喺澳門有個協會，叫「曲詞編監協會」並會搞活動，第一個邀請嘅活動就係Mr.篇。」他續說：「今次係一個音樂分享會，唔係演唱會，係關於創作同玩歌嘅形式去做，我哋可能玩幾首歌之後就同觀眾傾偈，以分享會形式去做。現場除咗Mr成員外，亦有兩位澳門素人朋友。」Mr.再度合體，Ronny表示：「再次同台當然開心啦，雖然唔係5個人，但我覺得4個人都有好多人想睇，都有問過好多粉絲意見覺得未齊人都唔緊要，好懷念我哋啲歌。想珍惜時間，我哋4個年紀都唔係後生，仲想玩就把握呢次機會，我都恨咗好耐。」他與拍檔都努力準備今次的音樂分享會，「需要熟習器材、練歌，我哋嘅歌係冇樂譜，全部都係靠記憶，所以要執返好同調整心態。當晚一定好好氣氛，因為好多歌迷都好多年冇見，大家都大個咗。希望Good Show！」

《反黑英雄》截圖

《反黑英雄》截圖

《反黑英雄》劇照

《反黑英雄》劇照

《反黑英雄》劇照

《反黑英雄》劇照

憑《反黑英雄》飾演袁偉豪的泰國好兄弟高高的Ronny日前在IG上載一段影片，片中的他與無良（黃子恆飾）在扶手電梯上打鬥，當時雙方都非常入戲，火藥味甚濃。他分享：「呢個就係當日拍攝嘅真實情況，刀刀攞命，絕無偷工減料....佢真係兜口兜面掟個鐵垃圾桶過嚟，冇留力㗎！好彩我都唔執輸，劈番佢幾刀！」他感激監製和導演給予演出機會，「最大得著是聽到有些網民真的以為高高是泰國人，不枉我日日去曬太陽及學習泰文！同時我也收到兩位粉絲為高高這角色特製的閃咭，他們指高高雖然言行狂野，但為人重情重義，而且又『為食』，在鏡頭前經常享受美食，再加上名字又有點可愛，所以成為了他們的偶像。很開心團隊成功將高高變成了一個立體的角色。」

樂隊Mr.前主音布志綸（Alan）日前到新城廣播接受梁兆輝（Brian）主持的節目《One Music Corner壹角樂》錄音訪問，暢談從Mr.到個人發展的音樂歷程，並分享新歌《要遲少少》的創作理念。

布志綸（Alan）接受新城《One Music Corner壹角樂》錄音訪問。

Alan以樂隊Mr.主唱身份為人熟悉，2008年出道後迅速走紅，回憶當年，Alan坦言樂隊時代因為不停交歌，創作壓力巨大，如今以個人身份發展八年，他更享受自主創作的自由度，新歌《要遲少少》以口語化歌詞貼近生活，他說：「有時你真係計劃唔到太多嘢，中途會發生好多事同阻礙，所以有呢首歌嘅出現。」

節目中，Alan與主持人探討了當代樂隊文化的變遷，他感慨現今音樂製作趨向數位化，年輕人多以軟件編曲，少了實體「夾Band」的互動：「以前啲樂隊聲音獨特，因為係真正『撞』出嚟嘅化學作用。」但他也認為時代不同，無需過份執著，並以開放態度看待新世代的創作方式。

Alan剖白當年涉嫌抄歌事。

提及過往Mr.的作品《Mr. Tam》被指抄襲美國著名搖滾樂隊Bon Jovi歌曲《It's my life》，Alan娓娓道來：「當時老闆要我哋快手整隻歌同校長（譚詠麟）合唱，呢隻歌係我再早期嘅一隻歌，同Dash同另外兩個隊友夾Band時嘅一隻歌的歌詞同曲風，然後就諗唔到，我就喺錄音室哼個旋律出嚟….我冇可能冇聽過《It's my life》，但我哼咗旋律出嚟，大家又冇反應，大家話go ahead，咁就是但啦！同埋隻歌係突然間落指令….有人問我會唔會後悔？我冇得後悔，因為當呢啲指令落到嚟，第一個要做嘢就係我，如果唔係就冇人處理呢啲嘢。」他續說：「我要後悔嘅話，就唔好成日行頭做『衝鋒車』嗰個，學吓縮喺後面。」

後悔走最前做「衝鋒車」！

Alan又主動重提Mr.另一首《零時起哄》被指抄襲，他稱：「本來我想整首慢歌，公司又要求做快版，其中一句畀網民捉到話似，我聽都未聽過，但又係似喎，咁我就開始信命喇！去到十幾年後，估唔到仲有人講呢樣嘢，真係睇你自己心態，喺五、六年前我一定會拗，唔係拗有定冇，全世界都有呢啲事發生，你哋咁鍾意鬧嘅？我依家心諗你要鬧咪鬧囉，冇辧法，所以一定要調整自己心態，同埋2010年我哋係第一批受到網絡上唔需要負責任嘅評論，呢啲係命！」

而Mr.的一班舊隊友，早前用Mr.名義，以獨立樂團推出唱片，問Alan有何感受？他淡然表示：「我覺得點都係好事，當年大家都平衡到自己諗法，喺最開心時，點會諗到會分開？唔同嘅嘢重新嚟過，用唔同方法去呈現，係緣份或者天意啦，好多嘢唔係我可以控制，或者其他人可以控制，大家有好多開心或唔開心經歷，我依家睇法好順其自然，佢哋覺得開心、enjoy咪得囉！」

詳細節目內容，請留意6月28日，晚上9 - 10時，新城知訊台《One Music Corner壹角樂》，網址：https://www.metroradio.com.hk/MetroInfo/