布志綸剖白當年涉嫌抄歌事件 後悔走最前做「衝鋒車」

樂隊Mr.前主音布志綸（Alan）日前到新城廣播接受梁兆輝（Brian）主持的節目《One Music Corner壹角樂》錄音訪問，暢談從Mr.到個人發展的音樂歷程，並分享新歌《要遲少少》的創作理念。

布志綸（Alan）接受新城《One Music Corner壹角樂》錄音訪問。

Alan以樂隊Mr.主唱身份為人熟悉，2008年出道後迅速走紅，回憶當年，Alan坦言樂隊時代因為不停交歌，創作壓力巨大，如今以個人身份發展八年，他更享受自主創作的自由度，新歌《要遲少少》以口語化歌詞貼近生活，他說：「有時你真係計劃唔到太多嘢，中途會發生好多事同阻礙，所以有呢首歌嘅出現。」

節目中，Alan與主持人探討了當代樂隊文化的變遷，他感慨現今音樂製作趨向數位化，年輕人多以軟件編曲，少了實體「夾Band」的互動：「以前啲樂隊聲音獨特，因為係真正『撞』出嚟嘅化學作用。」但他也認為時代不同，無需過份執著，並以開放態度看待新世代的創作方式。

Alan剖白當年涉嫌抄歌事。

提及過往Mr.的作品《Mr. Tam》被指抄襲美國著名搖滾樂隊Bon Jovi歌曲《It's my life》，Alan娓娓道來：「當時老闆要我哋快手整隻歌同校長（譚詠麟）合唱，呢隻歌係我再早期嘅一隻歌，同Dash同另外兩個隊友夾Band時嘅一隻歌的歌詞同曲風，然後就諗唔到，我就喺錄音室哼個旋律出嚟….我冇可能冇聽過《It's my life》，但我哼咗旋律出嚟，大家又冇反應，大家話go ahead，咁就是但啦！同埋隻歌係突然間落指令….有人問我會唔會後悔？我冇得後悔，因為當呢啲指令落到嚟，第一個要做嘢就係我，如果唔係就冇人處理呢啲嘢。」他續說：「我要後悔嘅話，就唔好成日行頭做『衝鋒車』嗰個，學吓縮喺後面。」

後悔走最前做「衝鋒車」！

Alan又主動重提Mr.另一首《零時起哄》被指抄襲，他稱：「本來我想整首慢歌，公司又要求做快版，其中一句畀網民捉到話似，我聽都未聽過，但又係似喎，咁我就開始信命喇！去到十幾年後，估唔到仲有人講呢樣嘢，真係睇你自己心態，喺五、六年前我一定會拗，唔係拗有定冇，全世界都有呢啲事發生，你哋咁鍾意鬧嘅？我依家心諗你要鬧咪鬧囉，冇辧法，所以一定要調整自己心態，同埋2010年我哋係第一批受到網絡上唔需要負責任嘅評論，呢啲係命！」

而Mr.的一班舊隊友，早前用Mr.名義，以獨立樂團推出唱片，問Alan有何感受？他淡然表示：「我覺得點都係好事，當年大家都平衡到自己諗法，喺最開心時，點會諗到會分開？唔同嘅嘢重新嚟過，用唔同方法去呈現，係緣份或者天意啦，好多嘢唔係我可以控制，或者其他人可以控制，大家有好多開心或唔開心經歷，我依家睇法好順其自然，佢哋覺得開心、enjoy咪得囉！」

詳細節目內容，請留意6月28日，晚上9 - 10時，新城知訊台《One Music Corner壹角樂》，網址：https://www.metroradio.com.hk/MetroInfo/

藝人袁文傑日前到新城廣播接受羅沛琪（Pinky）主持的寵物節目《寵愛您》錄音訪問，暢談他與愛貓「卡仔」的相處點滴，並分享其對動物醫療的看法。袁文傑提到「卡仔」的名字，源自他喜愛的英超球隊阿仙奴的年輕球員薩卡（Bukayo Saka），他表示：「啱啱嗰幾年就係薩卡呢個球員成長，佢都係自家培育出嚟嘅球員，所以好有感情。」

袁文傑接受新城廣播《寵愛您》訪問。

袁文傑形容卡仔是一隻非常主動與人溝通的貓咪，與一般認為貓咪獨立的印象不同。他分享每天早上沖咖啡、播音樂時，卡仔都會伏在他旁邊，他更會對著貓咪跳舞，場面溫馨。他又憶述初次接觸卡仔的情景：「有個朋友佢有一隻異國短毛貓，她話送一隻畀你，叫我上佢屋企睇。然後我攞手機去拍，突然拍到有隻貓突個頭出嚟，就係呢下攞咗我命。」

談到過去飼養的貓咪離世時的經歷，袁文傑言談間流露出不滿與傷痛。他憶述愛貓「囝仔」離世前的過程：「我記得囝仔走咗，我預計佢差唔多，因為佢重病，但出現嗰一剎那永遠都係咁突然，佢個貓砂盤我擺咗喺到半年都冇清過。」

袁文傑與主持人羅沛琪（Pinky）

他特別提到對動物醫院處理手法的質疑：「我認為任何醫生都要係心理醫生，你有冇發覺？有時你帶貓貓狗狗去睇病，醫生講咩佢哋唔識聽，最主要係畀主人聽，其實個安慰成分係好大。最後你班醫生既然知道佢（囝仔）半邊身癱咗，你仲話要幫佢開刀，我話唔好。」
袁文傑憶述當時醫生建議再進行磁力共振檢查，但囝仔在接受全身麻醉後未能醒來。他更指出醫生當時「沒有表情」，而主診醫生在他臨走時亦未有慰問。他坦言對此感到極憤怒，並指出過程中亦有自責。他表示花費了大量精神、心血及金錢，最終只希望貓咪能夠好過一點，但認為醫院的做法剝奪了貓咪最後與主人相處的時間。

袁文傑慶幸現時有社交平台讓寵物主人互相支持：「例如有啲貓狗主人，佢哋自己可能都唔開心，自己寵物拜拜咗，放一張相出嚟，我哋留個言安慰，我覺得都係一種支持嘅力量。」

袁文傑

詳細節目內容，請重溫3月29日，下午1:00 – 1:30，新城知訊台《寵愛您》，網址：https://www.metroradio.com.hk/MetroInfo/