方皓玟失聲後首現身 自爆「元兇」疑是一包榴槤乾

歌手方皓玟（小明）昨天（3月27日）到新城廣播接受黎莉主持的《勁爆樂勢力》訪問，是她在本月20宣布因聲帶失聲而取消《方皓玟約你落觀濱演唱會》後首次公開亮相，已完全康復的小明精神不俗，更開心地與聽眾分享她創作第100首歌曲《Buried You（all I ever know）》。

方皓玟接受新城廣播《勁爆樂勢力》訪問。

小明失聲剛癒，狀態與平日跳脫的形象截然不同，主持黎莉形容：「平時見到嘅方皓玟係跳跳紮，可以撞開直播室嘅門，但今日格外溫柔。」小明搞笑表示自己平時精神飽滿時能量充沛，容易顯得有「殺氣」，但病後狀態反而變得溫柔，她笑言：「我成日有感性一面，只係平時太有能量冇展現出來。」

小明同時感謝大家關心：「發覺人病先知道多人錫，收到好多訊息，我都逐一回覆，因為我都好感激。」談到今次失聲的原因，小明坦言失聲一刻感到震驚，但心情依然平靜：「我覺得又學咗一課，自己點樣去保護好自己身體，令到自己可以做事嘅時候，所有事情都順順暢暢。」她又自爆：「可能我食咗一包榴槤乾，懷疑係失敗咗喺榴槤乾嗰度。」

失聲後首現身。

談到第100首作品《Buried You（all I ever know）》，小明透露起初並未特意計算創作數量，直至去年才驚覺已寫了接近100首歌，於是抱著期待的心情，看看第100首會是怎樣的作品，她形容這首歌對她意義重大：「第一把手係想將呢一部分，成為自己某部分里程碑嘅回憶。呢首歌叫《Buried You（all I ever know）》，係想將一啲嘢埋藏喺心底入面，因為呢啲歌都係我嘅成長。」至於完成第100首歌後的下一步，小明透露想做一些「好whatever、好任性」的東西，嘗試新的曲風。

小明自爆「元兇」疑是一包榴槤乾。

另外，小明亦分享了早前為好友馬天佑創作歌曲《一世人做一次傻仔》的故事，她透露馬天佑原本想找她填一首快歌，兩人通電話後，對方跟她聊了很多，馬天佑對音樂的熱愛和執著深深打動了小明，令她聽後有感而發，掛線後便馬上開始創作。

小明將自己的想法融入創作，很快就完成了整首歌的詞和Demo，一併交給馬天佑。出乎意料的是，馬天佑收到後一聽便非常喜歡，令她相當開心。

感激病中獲關愛。

詳細節目內容，請重溫3月27日，中午12:00 – 1:00，新城知訊台《勁爆樂勢力》節目，網址：https://www.metroradio.com.hk/MetroInfo/

歌手林德信（Alex）6月10日到新城廣播接受歐陽德勛主持的《沿途有我》訪問，歐陽德勛在節目開場時表示，與Alex已多年未見，但一直留意他的動態。「當時佢就係一個好瀟灑嘅Single Man，單身一個靚仔，後來突然間收到佢結婚消息，大個仔喇，我估佢應該好快會做爸爸，又畀我估中咗，唔使好耐就真係做咗爸爸。」

林德信（Alex）接受新城廣播《沿途有我》訪問。

被問及成為爸爸及丈夫後的感受，Alex坦言自己的轉變過程與其他朋友不同。「我覺得我嘅感受同其他做咗爸爸嘅朋友好唔同，好多朋友話BB一出世成個生活變晒，但反而我呢個轉變嘅時間好長。我覺得到今日，我仲係度吸收、消化緊呢件事，可能因為我本身性格都比較慢熱。」

Alex爆兩歲女兒愛聽《十分十二吋》、《阿里巴巴》。

談到兩歲的女兒，Alex笑言她遺傳了家族的音樂天份。「佢好細個已經好鍾意聽快歌，如果播慢歌氹佢瞓覺，佢唔鍾意。佢鍾意《十分十二吋》、《阿里巴巴》呢啲好快嘅Disco歌，好細個就已經識得跟住拍子又跳又叫。」
Alex以獨立歌手身份發展已經差不多六年，他透露今年計劃推出專輯，靈感來自一個家庭循環：「我爸爸（林子祥）以前有一張專輯叫《最愛》，個封面係佢抱住1歲嘅我。嗰陣佢39、40歲，我1歲。而家呢個循環啱啱返嚟，我40歲，我個BB而家2歲。我好想做返呢件事，專輯個封面就係林德信抱住個女，儘量將個pose重現番出嚟。」

Alex演音樂劇讀父親林子祥家書。

上月在西九龍戲曲中心大劇院完成了一場音樂劇《3026：音樂環遊記》的Alex，介紹故事背景設定在1000年後，AI毀滅了所有音樂和文化，他飾演的角色進入戲曲中心，與被AI刪除記憶的音樂人一同透過經典廣東歌找回回憶。他特別提到劇中重新演繹父親的經典金曲《分分鐘需要你》時，獲得了全新的理解。導演引導他思考：「如果你真係冇晒音樂，音樂唔再存在，你冇咗生活、呢個身份，或者你會珍惜啲咩？」

後來他找到一封父親小時候寫給他的手寫信。「佢寫嘅全部都係好無聊嘅嘢，『你而家返學點呀？最近讀書點呀？考試成績點呀？』、『我喺意大利行路嘅時候會諗起你』。我讀出嚟嘅時候，個個都覺得呢啲嘢好無聊，但係最珍貴。」他續說：「佢哋就係咁啟發到我，用一個全新嘅角度去唱《分分鐘需要你》。就係你係一個好細個嘅小朋友，好渴望你爸爸喺咁無聊嘅時候陪住你。我從來冇諗過可以咁樣唱。」

唱《分分鐘需要你》感觸走音。

Alex坦言當晚險些唱不下去：「我嗰晚差啲講唔出封信，我讀唔出……唱歌音都亂晒、走音，但係有真實嘅感覺。」當晚全家人都在場，包括爸爸林子祥，令他情緒更加波動。「我感覺到爸爸喺出面，感覺到所有家人喺出面，差啲崩潰。不過點都要講完對白、唱完先，忍住先。」

重溫節目，請於6月10日晚上九時登入知訊台《沿途有我》：https://www.metroradio.com.hk/MetroInfo/