為新歌勁減10磅肥膏 周殷廷誓做跳舞男

 周殷廷（Yan）最近推出全新快歌《Killa》，本身已是肌肉男的他，為配合新歌韓式跳舞風格，以更輕盈姿態演出，花了三星期極速減脂10多磅。他希望未來保留跳舞男風格，繼續朝這方向發展。

Yan對於未來做跳舞歌手相當有信心。

在新加坡長大的周殷廷，本來曾是180磅肥仔，為入行健身喪減，但跳起舞來他依然覺得未夠fit。今次繼續為新歌出任導演的Yan坦言自導快歌更困難，「一班人跳舞嘅部份要好齊先好睇，自己睇唔到鏡頭去提醒，好在排舞師兼任攝影師，可以幫到手。」Yan打算將來繼續以快歌為主，「自己一直都鍾意唱歌跳舞，加上香港巿場比較少呢類歌手，自己好想向呢方面發展。」

在新加坡當兵時，Yan還是肥仔一名。

兼任MV導演的Yan，在現場好忙碌。

阿Yan認真錄歌 （微博圖片）

MV中Yan又唱又跳，相當賣力。

對健身減肥相當有經驗的Yan，只花了三星期便成功減掉10多磅肥膏，「除咗節食，仲有做健身配合，主力係減脂肪，要保留番肌肉，着起衫同跳起舞嚟會好睇啲，依家自己都幾滿意，暫時都會keep住呢個身形。」

平日經常做健身的Yan，近日更加密密操。

為了這身fit爆鋼條肌，Yan話Keep得好辛苦。

藝人周殷廷（YT）呢日為 中銀香港理財TrendyToo 拍攝廣告，化身「理財師兄」現身 。一向深受年青人歡迎的 YT 呢日穿上簡約型格西裝，拍攝廣告時擺出多個型格甫士，完美展現其成熟穩重的魅力。

周殷廷（YT）近日為中銀香港理財TrendyToo拍攝廣告，化身「理財師兄」分享致富關鍵。

他認為理財不一定要賺大錢，最重要是安穩無憂度過一生，直言「平安已經好好」。

對於今次擔任代言人，YT 表示自己私下一直有了解理財資訊，更直言要「親力親為」管理資產 ：「因為我覺得理財呢樣嘢要自己去學習，無論係點都冇得賴，呢啲應該要有嘅知識嚟嘅，唔係畀咗人（管理）咁就算啦，即係我覺得唔應該咁 。」

講到理財心得，YT 認為目標唔一定係要賺大錢，最重要係安穩無憂 ：「對我嚟講理財就係可以好安定安穩咁樣過完呢一生，然後唔會冇錢 。咁我覺得呢個就係一個好基本嘅 概念 囉 。即係唔好講話賺大錢呀或者點樣點樣，但如果你正常打份工嘅話，你想去到你年紀大啲嘅時候都安穩無憂，我覺得呢個係非常之緊要嘅一個步驟 。咁我覺得唔諗太多，但平平安安已經係好好㗎喇 。」YT笑言除理財外，管理時間亦非常重要 ：「依家最寶貴嘅財產係時間，透過時間亦都可以轉化為金錢 。越早開始學識理財投資，呢一樣嘢係好緊要嘅 。你簡直係無敵㗎，只要你有時間你就已經贏咗㗎喇 ！」

YT更指時間是最寶貴財產。

愈早學識理財投資就「無敵」。

雖然平時拍 MV 經驗豐富，但 YT 呢日竟然自爆拍廣告時會「緊張」 ：「我自問係完美主義者，加上自己有幕後經驗，知道導演、客戶有期望、有要求，即使導演話『Good Take!』，心入面都會好緊張，由上場嗰刻一直喺度諗，我頭先係咪已經做到最完美，會唔會有嘢甩漏呢？」不過YT都以專業態度完成，加上片場氣氛輕鬆，所以完全冇壓力 。

日前周殷廷（YT）亦為樂迷報喜，宣佈將在8月紅館舉行個唱，Poster中YT展示一身肌肉上陣，大騷「男人味」：「其實我唔係話今次演唱會特別操fit啲，平時一日都係食一餐飯，所以都習慣咗保持身形！今次紅館演唱會好多諗法，盡量唔講太多想比驚喜樂迷。（會唔會跳舞？）呢個我會努力嘅，至於嘉賓真係未諗，要同production Team開晒會先至拍板。」

雖然幕後經驗豐富，但YT自爆拍攝時緊張，因自己是完美主義者，擔心表現未達標。