周殷廷36歲生日收逾百粉絲祝福 逐一回覆獲網民激讚：真誠才是最大本領

歌手周殷廷（YT）自2015年出道，但一直籍籍無名，更於2018年因派台歌成績欠佳，而被唱片公司暫停為他推出新歌，此後他被迫暫緩幕前歌手發展，轉做幕後，於2020年回流新加坡打算做回平凡人，翌年歌曲《遲了悔改》被ViuTV劇集《太平紋身店》選中作主題曲後爆紅，他最終回歸香港樂壇，同時開始與不同Youtube平台合作，因喜愛「講經」而被網民封為「YT大哥」，更因而知名度急升，去年更舉行首個個人演唱會！

周殷廷IG圖片

周殷廷IG圖片

YT爆紅後，依然無忘初心，繼續做好音樂、善用影響力幫助別人，以及以真誠的態度對待歌迷！日前（11月1日），YT迎來36歲生日，逾百名粉絲在通訊群組中為他送上生日祝福，他不但在IG晒自拍感謝粉絲，還逐一回覆粉絲的祝福！

有粉絲在社交平台「Threads」晒出之YT通訊群組的截圖，並留言：「YT真係痴線佬一個！」可見YT逐一回覆復粉絲的祝福，而且每次回覆都會加上粉絲的網名，更講明每個名字都是手打出來而非「copy and paste」，最終回覆了約一個多小時！

網上圖片

網上圖片

網上圖片

帖文一出，不少網民都紛紛大讚YT：「YT大哥都捱左好多年，咩都做過哂，依家紅左所有野都得來不易，佢好明白，所以佢好珍惜，我地都要好好珍惜佢」、「老土啲講，YT大哥就係咁Firm」、「佢可以喺短期內爆紅但依然保持謙卑嘅心態，真係好罕有」、「真誠才是最大本領」、「對於一個咁有心，親力親為嘅偶像。一定要好好珍惜！」

周殷廷IG圖片

周殷廷（YT）今日突然喺社交平台掉出「震撼彈」！佢無預警上載一張同陳凱詠（Jace）超親密嘅攬攬合照，仲加咗個心心emoji，即刻令網民瘋狂猜測：係咪正式拍拖？

周殷廷（YT）今日突然喺社交平台掉出「震撼彈」

雖然張相睇落似舊相，但完全無阻網民熱情，留言區秒速變祝福區：「終於一齊？」「等到呢日！」、「呢對真係好襯！」

其實兩人早已有「伏線」。之前Jace喺YT演唱會上發生小意外，YT即場「英雄救美」，之後兩人互動明顯多咗，仲被fans瘋狂「炒CP」，人氣一直高企。

YT 於演唱會上邀請Jace 做嘉賓

Jace差點踏空

YT 即時英雄救美

Jac曾經話對新戀情會有啲戒心

對於感情發展，Jace當時就比較保留，坦言自己曾同天蠍座拍拖，有啲陰影，所以對新戀情會有啲戒心。不過今次YT突然放閃，仲要配埋心心，難免令人覺得關係已經唔止朋友咁簡單。

到底係真官宣，定純粹玩吓氣氛？暫時兩位都未有進一步回應。