YT周殷廷8月首登紅館 化身「煉金術師」親自操刀概念與歌單

YT周殷廷將於今年8月首度登上紅館舞台，舉行由中銀香港「理財TrendyToo」呈獻之《Yan Ting 周殷廷The Alchemist Live 2026演唱會》，在今日（5月11日）舉行的記者會上，YT以一身乾淨俐落的黑色西裝現身，分享這份得來不易的喜悅。

YT周殷廷將於今年8月28日及29日在紅館舉行《Yan Ting 周殷廷The Alchemist Live 2026演唱會》。

YT今日舉行演唱會記者會。

對於終於踏上指標性舞台，YT坦言：「收到消息當刻好興奮，但同時亦感到一份平靜。因為這一天期待了很久，我知道自己並非獨自一人走到紅館，背後承載了許多人的支持與鼓勵。」

是次演唱會以「The Alchemist（煉金術師）」為主題，靈感揉合東西方哲學。YT解釋，煉金術師能將廢料化為黃金，正好象徵他的音樂旅程與人生體悟：「紅館的第一次只有一次，我會好好珍惜。」

目前YT已馬不停蹄投入籌備，並繼續親自擔任演唱會概念設計及歌單編排。問及具體曲目，YT則大賣關子，表示仍在精雕細琢故事細節，務求以最完美的狀態帶領觀眾感受這場心靈之旅，不留任何遺憾。記者會完成後，親民的YT與過百到場支持的粉絲及樂迷合照及簽名。

大合照

全場大合照

YT走近與粉絲及樂迷合照及簽名。

中銀香港「理財TrendyToo」 呈獻：Yan Ting 周殷廷 The Alchemist Live 2026 演唱會

日期：2026年8月28日及29日（五及六）
時間：20:15
地點：紅磡香港體育館
票價：HKD 980 / HKD 680 / HKD 480
門票由5月12日起在城市售票網公開發售

藝人周殷廷（YT）呢日為 中銀香港理財TrendyToo 拍攝廣告，化身「理財師兄」現身 。一向深受年青人歡迎的 YT 呢日穿上簡約型格西裝，拍攝廣告時擺出多個型格甫士，完美展現其成熟穩重的魅力。

周殷廷（YT）近日為中銀香港理財TrendyToo拍攝廣告，化身「理財師兄」分享致富關鍵。

他認為理財不一定要賺大錢，最重要是安穩無憂度過一生，直言「平安已經好好」。

對於今次擔任代言人，YT 表示自己私下一直有了解理財資訊，更直言要「親力親為」管理資產 ：「因為我覺得理財呢樣嘢要自己去學習，無論係點都冇得賴，呢啲應該要有嘅知識嚟嘅，唔係畀咗人（管理）咁就算啦，即係我覺得唔應該咁 。」

講到理財心得，YT 認為目標唔一定係要賺大錢，最重要係安穩無憂 ：「對我嚟講理財就係可以好安定安穩咁樣過完呢一生，然後唔會冇錢 。咁我覺得呢個就係一個好基本嘅 概念 囉 。即係唔好講話賺大錢呀或者點樣點樣，但如果你正常打份工嘅話，你想去到你年紀大啲嘅時候都安穩無憂，我覺得呢個係非常之緊要嘅一個步驟 。咁我覺得唔諗太多，但平平安安已經係好好㗎喇 。」YT笑言除理財外，管理時間亦非常重要 ：「依家最寶貴嘅財產係時間，透過時間亦都可以轉化為金錢 。越早開始學識理財投資，呢一樣嘢係好緊要嘅 。你簡直係無敵㗎，只要你有時間你就已經贏咗㗎喇 ！」

YT更指時間是最寶貴財產。

愈早學識理財投資就「無敵」。

雖然平時拍 MV 經驗豐富，但 YT 呢日竟然自爆拍廣告時會「緊張」 ：「我自問係完美主義者，加上自己有幕後經驗，知道導演、客戶有期望、有要求，即使導演話『Good Take!』，心入面都會好緊張，由上場嗰刻一直喺度諗，我頭先係咪已經做到最完美，會唔會有嘢甩漏呢？」不過YT都以專業態度完成，加上片場氣氛輕鬆，所以完全冇壓力 。

日前周殷廷（YT）亦為樂迷報喜，宣佈將在8月紅館舉行個唱，Poster中YT展示一身肌肉上陣，大騷「男人味」：「其實我唔係話今次演唱會特別操fit啲，平時一日都係食一餐飯，所以都習慣咗保持身形！今次紅館演唱會好多諗法，盡量唔講太多想比驚喜樂迷。（會唔會跳舞？）呢個我會努力嘅，至於嘉賓真係未諗，要同production Team開晒會先至拍板。」

雖然幕後經驗豐富，但YT自爆拍攝時緊張，因自己是完美主義者，擔心表現未達標。