「霸氣三寶」助演強勢富二代成新單元最具爭議嫌疑犯
由優酷和TVB聯合製作的《卡士蘭NMN逆齡纖體配方呈獻：法證先鋒VI：倖存者的救贖》（下簡稱《法證先鋒6》），逢周一至周五晚八點半翡翠台播映。《法證先鋒VI：倖存者的救贖》由鍾澍佳（佳導）擔任總監製、黃國輝擔任監製，主要演員有黃宗澤、袁偉豪、蔡潔、蔣祖曼、傅嘉莉、戴祖儀、關楚耀、林正峰、王敏奕和吳業坤等。2日播出第十五集並開出新個案，國際名模Nana（蔣祖曼飾）自與馬來西亞富二代李啟（鄭衍峰飾）分手並逃回香港後，一直遇上不少驚險及離奇事件。昨晚李啟母親李王愛蓮（林漪娸飾）在大女兒李玥（陳庭欣Toby飾）陪同下抵港，並開出天價著Nana離開李啟及將腹中塊肉讓回給李家，惟遭Nana一口拒絕。未幾Nana的香水廣告拍攝現場即發生離奇水晶燈墜落事件，Nana雖福大命大逃過一劫，但同場的大肚Model Peggy（鄧美欣飾）卻慘成替死鬼，送院後證實腦幹死亡，腹中胎兒則生死未卜…
點擊看圖輯
焦點圖片
焦點圖片
呢一幕同「細佬」鄭衍峰嘅對戲，Toby明顯佔盡上風，氣勢出晒嚟。
林漪娸啲霸氣同貴氣真係單靠眉頭眼額都感受到。
呢場蔣祖曼VS林漪娸戲味十足，好睇！
Toby為咗飾演比自己真實年齡大一截嘅角色，專誠梳咗個all back霸氣頭，佢話呢個髮型係試咗幾次先至定案。
Toby為咗增強自己嘅霸氣，特登將件外套披喺身而唔係著住佢。
鄧美欣（左）同李海銅都係飾演小Model。
蔣祖曼真係好型。
雖然呢個廣告係戲中戲，但拍得一啲都唔馬虎架。
呢吓真係好真。
就係呢個姿勢，搞到Venus隻手痺咗一大輪。
Nana又再次大難不死了。
睇番花絮片，就會知道焗住扮型嘅Joman，事實係有幾尷。
導演等幕後好認真咁幫Venus「壓力測試」咗先。
呢個瑜伽球嚇咗Venus一大跳，佢都好關心幕後同事嘅安全。
起初埋位Venus都好驚青，但好快佢就好專業咁克服咗恐懼。
向台前幕後致敬。
根據花絮片，拍攝時黃宗澤都喺現場，仲嚇咗一大跳。
焦點圖片
焦點圖片
對於新單元真兇，網民持多元意見，有人認為李玥呼之欲出，亦有人認為因為李玥的嫌疑太明顯，估計劇情後續將有大反轉，令Toby成為極具爭議性的嫌疑人。其實昨晚Toby的演出確是十分搶焦，飾演富二代的她，每個場合的打扮都相當搶眼，尤其幻彩連身褲的造型，以及一頭幾近All Back的霸氣髮型更是相當新鮮，一點也不Toby。由於Toby將在劇中對純如綿羊的親弟李啟咄咄逼人、及對著Nana又恃勢凌人的狀態演繹得甚有說服力，加上不時機心及貪權樣外露，令網民相當激心，並笑言想掌Toby兩巴掌以洩心頭之憤。
呢一幕同「細佬」鄭衍峰嘅對戲，Toby明顯佔盡上風，氣勢出晒嚟。
其實昨晚無論Toby還是「老戲骨」漪娸姐的「嘴臉」及演技均相當在線，其中漪娸姐以一副以藐嘴藐舌的狀態與蔣祖曼的談判對壘戲，更是戲味十足。對於能與漪娸同場，Toby表示很開心能有機會向這位「闊太專業戶」偷師：「論霸氣我真係唔夠我媽咪林漪娸嚟。今次係我第一次同佢合作，可能因為佢演得多富裕人家，啲霸氣好勁，所以我都會觀察吓佢點演。我自己就揣摩到其中一樣嘢係，講嘢時最尾嘅語音唔可以拉得太長，簡單嚟講個tone要倔啲，唔可以太多助語詞。」
林漪娸啲霸氣同貴氣真係單靠眉頭眼額都感受到。
呢場蔣祖曼VS林漪娸戲味十足，好睇！
談到李玥這個角色，Toby透露原來角色比自己真實年齡年長五至八年，為了增加角色的霸氣、高貴及成熟感，除了有賴化妝及服裝手足幫忙打點妝容及裝扮外，Toby自己也度了「霸氣三寶」增強氣勢，分別是啞色唇膏、不穿上身的外套及超高高踭鞋：「角色用嘅唇膏都係我自己帶嘅，我主要揀咗啲啞色啲嘅唇膏，希望望落去惡啲。同埋啲外套我盡量唔著住佢，而係披住咁行出嚟希望增加到角色嘅氣勢，仲有好高嘅高踭鞋都係必須嘅。」Toby續指劇組找來偌大兼光潔明亮的望海office作為拍攝場景，亦容易讓演員入戲。
Toby為咗飾演比自己真實年齡大一截嘅角色，專誠梳咗個all back霸氣頭，佢話呢個髮型係試咗幾次先至定案。
Toby為咗增強自己嘅霸氣，特登將件外套披喺身而唔係著住佢。
另昨晚水晶燈墜落+Peggy被擊中倒下的場口雖然加起來只有約1-2秒，但劇組製作依然十分認真。為了平衡真實感及演員安全問題，劇組在拍攝鄧美欣Venus被砸一幕花了不少心思。劇組除以假人代替演員，拍攝角色被擊中後倒下的「肢體反應」；並以三種不同類型的道具：發泡膠球、瑜伽球、沙包砸向Venus的頭部，以尋找最合適的「被撞擊反應」。工作人員及導演在試掟前，更貼心地為Venus測試三件道具的壓力，確保零危險才讓Venus正式落場拍攝。花絮所見，Venus起初埋位時仍是頗為驚青，不過習慣了後即能專業地投入劇中角色等候「發落」。
鄧美欣（左）同李海銅都係飾演小Model。
蔣祖曼真係好型。
雖然呢個廣告係戲中戲，但拍得一啲都唔馬虎架。
呢吓真係好真。
就係呢個姿勢，搞到Venus隻手痺咗一大輪。
Nana又再次大難不死了。
睇番花絮片，就會知道焗住扮型嘅Joman，事實係有幾尷。
近年獲得愈來愈多拍劇機會的Venus，事後受訪時笑言相關特別的拍攝體驗讓她很興奮：「雖然入行已經有幾年，但我未試過拍死嘅戲，可以試到之前未試過嘅嘢覺得好開心同珍惜今次嘅機會。收到劇本後我都有做功課，例如我有反覆咁諗死後嘅姿勢同表情應該係點，同埋被砸中時會唔會有就死嘅痛苦表情。思考完之後都有自己再對住塊鏡練一練，因為死都要死得好睇啲吖嘛，哈哈。」談到相關場口，她笑言是扮死屍時的姿勢頗為特別，以致手臂一度失去知覺：「因為我被擊中之後要瞓喺地下畀唔同嘅鏡頭影住，為咗唔好破壞『現場』，我就好小心唔敢亂郁，就係因為咁我完全唔敢郁咁瞓咗都好一段時間，結果手臂勁麻痹冇咗知覺，最後頂唔住要工作人員扶番我上嚟。」Venus又甚為感激拍攝期間台前幕後的窩心慰問：「佢哋經常都會走過嚟問我o唔ok，特別係Joman，好關心我哋，佢係一個好溫柔嘅大姐姐。」
導演等幕後好認真咁幫Venus「壓力測試」咗先。
呢個瑜伽球嚇咗Venus一大跳，佢都好關心幕後同事嘅安全。
起初埋位Venus都好驚青，但好快佢就好專業咁克服咗恐懼。
向台前幕後致敬。
根據花絮片，拍攝時黃宗澤都喺現場，仲嚇咗一大跳。
