社會事
有網民在秀茂坪安達商場買餸回家後，發現找續的20蚊紙當中，竟摻雜了一張2019年發行的10元人民幣紙幣，顏色好相似令事主未及時發現。
示意圖
買餸找贖後未有即時查看
事主在一個安達邨的社交網站群組分享事件指，當時在該店舖以一張100元紙幣買菜，獲對方找贖「80元」後就一直把鈔票捏在手中而未有查看。
示意圖
4張20蚊有張係人民幣 見到O晒嘴
直到回家後才發現，當中摻雜了一張2019年發行的10元人民幣紙幣，並稱「真係O嗮(晒)嘴，咁樣做生意，邊度有誠信？」
FB圖片
不是錢的問題：咁樣呃人唔好
她續稱，今次損失對她而言「真係好濕碎」，惟認為這不單純是錢的問題，「咁樣呃人唔好」。
網民都話似樣 但可能係無心之失
有網民認為，若一不留神真的不會察覺，「如無留意，真係唔會發覺」、「你唔好話，都幾似樣」，亦有人分享類似事件為商家說話，指有人錯把20元歐元紙幣(折合約172元港元)當成20元港幣鈔票，「有機會只留意左(咗)個色無細睇咩錢。」
示意圖
一位孝順女在社交平台發文，大呻雖然自己每月都「嘔15k家用」，但父母仍不滿足，當阿妹提出分擔部份家用時，父母更發爛渣，批評她「俾得幾個錢施捨」。
示意圖。愛回家劇照
樓主：羡慕父母對子女0經濟回報期望
女網友發帖第一句寫到「好羡慕啲屋企父母對子女0經濟回報期望」，她提到自18歲起已沒問屋企拿錢，學費全靠政府資助，做兼職搵生活費之餘，還要每月給父母$2000家用。時至今日她出來社會工作，月入$35000，但每月仍要給逾四成人工即是$15000當家用。
示意圖。愛回家劇照
妹妹提出與姐姐分擔家用即觸怒父母
父母還反對她去旅行，認為「日日出街洗曬啲錢，仲不如俾黎做家用」，還埋怨她給的家用不夠，認為她應該儲多些錢，留給父母養老。當她的妹妹提到想與姐姐分擔一半家用，認為姐姐以後搬出去住都需要有錢旁身，怎料卻觸動了父母的神經，罵到「搬出去唔洗俾伙食養我地？」「仲不如宜家我地退休 劃掂都冇人理我地」、「你係咪以為俾得幾個錢拖捨俾我地？」、「咁姐係逼我地冇人理做乞丐靠政府」令事主感到崩潰。
示意圖。愛回家劇照
父母有兼職「每人都有月入起碼14k」
她坦言父母的說話「唔會令我想俾多啲錢」「只會覺得更加堅定有能力就搬出去住」事主還透露其實父母親都有固定的兼職，「每人都有月入起碼14k」，但依然覺得女兒給的家用不夠。雖然事主曾提出只負責家中租、水、電、煤等開支，卻要求她要連買餸、日用品等費用都「負責埋」。她大感不惑，點解「你哋人工就唔洗拎出嚟完全係自用就得？邊到合理㗎」。
示意圖。愛回家劇照
網友怒批父母行為如「當子女ATM」
帖文一出，網民都為樓主感不值，紛紛留言力撐，更批評她的父母，如「當子女ATM」網民怒斥「四肢健全行得做得pt仲要問個女攞15k真係cls」、「即係你屋企人依家仲返緊工仲要食你萬$5家用？」「佢2個既人工做零用架，咁爽？」「自己有職業，仲虎視眈眈你啲錢」
「養兒防老」觀念已過時
亦有網民覺得舊時老一輩「養兒防老」觀念已過時，坦言「養兒防老係以前農業社會觀念」「窮人+傳統思想父母先會咁」、「好藍領父母feel」。有網民指「呢類上一代知識差距過大導致溝通唔到真係好常見」。
