張頴康麥雅緻現身機場 等足十年終於有兩人世界

不過轉頭就開始掛住仔女！

藝人張頴康有圈中「愛妻號」之稱，與港姐出身的老婆麥雅緻育有3子女包括小豆、小花生和小蛋黃，近日他貼與老婆現身機場的相片，並透露做父母之後，等足十年終於有機會兩公婆享受二人世界！

張頴康與落選港姐太太麥雅緻於2012年結婚

一家五口

 張頴康貼出一家五口的相片，分享兩公婆離開屋企不久就開始想念小朋友，他留言：「自從做咗父母之後等咗成10年，終於有機會兩個人出走一下！但係一離開咗屋企之後，就已經開始掛住啲小朋友！我老婆一見到小豆鍾意嘅公仔，就即刻忍唔住買！但係，都唔好掛喺我個背囊度吖！仲有，我唔係去玩㗎！我係去拍戲㗎。」

貼出全家福

終於可以享受二人世界

不過已經開始掛住仔女

好有儀式感！

張頴康與麥雅緻結婚12年一直非恩愛，是圈中公認的「模範夫妻」，二人婚後育有三名仔女，一家五口生活幸福美滿！張頴康多年來對太太大小事都相當上心，近日正在內地忙於拍新劇的他為了陪太太過記念日，就算只有一日假都放棄休息時間，和太太二人世界慶祝！

張頴康麥雅緻一家五口。

早前二人放下三個仔女去了歐遊。

二人世界好開心。

張頴康初出道時有「劉德華契仔」之稱，早前華仔開騷，他都有同去演唱會入後台合照。

張頴康在IG貼出和太太麥雅緻拍拖睇劇的照片，並留言：「17年前嘅1月4號，當日我哋第一次聯絡！我好記得我哋講電話嘅時候，係我人生中個腦轉數轉得最快嘅時刻！因為我要用呢個千載難逢、可一不可再嘅機會，約到呢個女仔出嚟睇戲！今年嘅1月4號，咁啱我有一日假期返咗香港，所以都好簡單咁出去睇場戲慶祝一下！好多謝呢個女仔當日打咗呢個電話畀我！因為呢一通電話，改變咗我嘅一生！令我嘅人生從此有180度嘅轉變！老婆，多謝你！我愛你！」不少網民看過照片後指二人相當恩愛，又大讚張頴康是「絕世好老公」！

好sweet！