《萬千星輝頒獎典禮2025》日前圓滿落幕，一眾小生花旦盛裝亮相爭奪獎項。不過，兩個月前正式宣布離巢、效力TVB長達19年的張頴康，雖然在重頭劇《巨塔之后》中有亮眼發揮，最終卻榜上無名，亦未有現身頒獎禮。對此，張頴康似乎毫不介懷，因為頒獎禮當日，對他而言其實有着更重要的意義——正是他與太太麥雅緻相識18周年的大日子。
張穎康兩個月前離巢TVB
在重頭劇《巨塔之后》中有亮眼發揮
一向以「愛妻號」見稱的張頴康，當日在社交平台甜蜜發文向太太表白，感謝對方18年前的一個決定：「老婆！多謝你喺18年前嘅今日，第一次俾我聯絡你，仲應我約出嚟睇戲，令我今日可以擁有一個屬於我哋嘅家庭！」字裡行間盡是感激與深情。
當日在社交平台甜蜜發文向太太表白
他同時分享多張慶祝照片，見兩公婆低調現身茶餐廳，一人一個菠蘿油，笑容滿臉，幸福滿瀉。張頴康更搞笑自封「#其實我哋都係菠蘿油王子」，並寫道：「今年一樣，同老婆照舊簡簡單單咁過呢個相識紀念日！真係好簡單，只係食個菠蘿油！」雖然簡單，兩人仍不忘甜蜜放閃，情深一吻羨煞旁人。
不過，這場二人世界的浪漫約會，很快就被三位「超級電燈膽」打斷。張頴康笑指，大女小豆（張雅喬）、二仔小花生（張迅橋）及細仔小蛋黃齊齊「搶食」，一家五口擠在茶餐廳卡位，場面熱鬧又溫馨。他無奈又甜蜜地笑言：「呢個菠蘿油，俾三個強勁嘅電燈膽分咗嚟食，所以要叫多幾個！」最後更不忘公開向太太致謝：「老婆！辛苦你照顧住我哋個家！我愛你！期待以後每一個紀念日都可以同你簡單咁過！」
一家五口擠在茶餐廳卡位
帖文曝光後，隨即獲大批網民留言祝福，紛紛大讚張頴康是「絕種好男人」，有人留言指：「錫老婆嘅男人最聰明」、「呢啲先係真正嘅幸福」，亦有人感慨平淡日常比任何獎項更珍貴。雖然今年無緣在頒獎禮上亮相，但張頴康在不少人心中，早已穩奪「最佳丈夫」與「最佳爸爸」兩大獎項。
網紛紛大讚張頴康是「絕種好男人」
由無綫與優酷聯合出品，鍾澍佳總監製，黃國輝監製，梁敏華總編劇的輕鬆愛情小品劇《宏利保險呈獻：夫妻的博弈》，逢周一至周五晚翡翠台8點半播映，由高海寧、馬國明、何廣沛、郭柏妍、黃智賢、陳曉華、張頴康、游嘉欣及鄧智堅主演。
見到張頴康咁嘅樣對住你，你唔係高Ling你都打冷震啦。
見到張頴康咁嘅樣對住你，你唔係高Ling你都打冷震啦。
第14集精彩劇照預告
為咗求婚成功，今晚阿Mark出盡法寶、碌盡人情卡。
第14集精彩劇照預告
第14集精彩劇照預告
昨晚（19日）一集《夫妻的博弈》，劇情講述Aiden（馬國明飾）因看不過眼大哥Titan（黃智賢飾）出招離間他與未婚妻Quinn Wu（陳曉華飾），遂的起心肝要求盡快完成這宗「政治婚姻」、火力全開與Titan爭奪家業…喜見Aiden變得進取的葉老太（黃文慧飾）選擇在葉家與胡家舉行大型簽約儀式當日宣布Aiden與Quinn婚訊，令功利的Titan及Quinn弟弟Ken（孔德賢飾）、以及盲撐阿仔Ken的胡振東（李成昌飾）大感冇癮。
另邊廂，阿Mark（張頴康飾）為盡快從母親李佩貞（林漪娸飾）手上拿取「結婚資金」還債，竟想到借用公司資源向Senna（高海寧飾）求婚，Senna為此大感錯愕…今晚（8月20日）焦點劇情，將是高Ling如何智退「渣男」張頴康，並順道撕破「綠茶」郭柏妍小三真面目。根據官方場口拍攝花絮，高Ling拍攝掌摑張頴康戲份前開心至手舞足蹈：「我終於都等到喇！」還不斷研究用哪一隻手摑張頴康才更有效果，當高Ling表示左手唔夠力想轉右手打時，連在場的工作人員也驚呼：「呢個女仔有啲可怕。」不過張頴康似乎冇有怕，試位時更葉問上身搞氣氛，服咗佢！
今晚高Ling怒摑張頴康花絮。
今晚高Ling怒摑張頴康花絮。
今晚高Ling怒摑張頴康花絮。
今晚高Ling怒摑張頴康花絮。
今晚高Ling怒摑張頴康花絮。
今晚高Ling怒摑張頴康花絮。
成功洗底！張頴康「渣男」升呢「喜劇擔當」
到正式埋位，高Ling毫不猶豫連環瘋狂力摑張頴康，令張頴康「面形都變埋」兼失晒身位之餘，現場更清楚聽到啪啪聲，難怪張頴康事後「紅都面晒」，就連起初決心摑爆渣男的高Ling也一度心痛「呵番」，張頴康則扁住嘴笑言要返屋企，十分搞笑。戲內幽默好玩的張頴康，隨著《夫妻》劇情發展也愈來愈搞笑，更成功撇甩「渣男」招牌，成為劇中最重要「搞笑擔當」！昨晚張頴康與「媽咪」林漪娸上演的「母子同心榨壓」郭柏妍場口，二人夠晒格衰的同時亦極爆笑。事緣郭柏妍為行伯母政策、拎齊厚禮衝上Mark家做煮婦，林漪娸亦本著「食得唔好嘥」精神，一副貪婪得米樣著阿仔「屈就」：「有燕窩、花膠、鮑魚做禮物喎，你唔係唔畀人入嚟煮飯呀？」、「你當佢到會咪得咯」、「呢啲𡃁妹有幾多錢啫，兩吓乾塘啦！」
呢場食飯戲，漪娸姐啲Cheap精貪婪嘴面真係世界級。 張頴康啲極級喜感表情亦應記一功。
張頴康啲極級喜感表情亦應記一功。
林漪娸榨壓郭柏妍引網民共鳴：終於有劇把衰奶奶的嘴面拍得這麼到位
之後同枱食飯戲更是搞笑，擺到明一心食好嘢的母子二人，面對郭柏妍瘋狂「相機食先」已一面不耐煩，但又要忍住不能太外露；當二人終於等到將期待已久的鮑魚隊入口時，郭柏妍竟要求二人「回吐」讓她拍照，二人「沒好氣」的反眼式對望＋藐嘴樣極有喜感！場口成功引發網民共鳴：「有賤子必有賤母」，更有網民搞笑留言：「碟餸好慘」、「呢場戲真係堅好笑」、「渣男都成功洗底」、「終於有劇把衰奶奶的嘴面拍得這麼到位」。
其實張頴康與林漪娸這對「Cheap精母子」確實火花十足，張頴康更將「媽寶」這個身份演繹到入型入格。無論是昨晚拎起一對「殭屍手」詐嬌，聲稱自己「手抽筋」要媽咪幫手洗手一幕；或是今晚托晒林漪娸大腳上演的「孝子捽腳」場口，都突顯了二人的默契，難怪這對母子衰得嚟依然大受歡迎。
