港男搭巴士瞓過龍醒返竟被鎖車內 網民教一方法可以自行甩身

不少人可能都試過在巴士上睡着了以致過站都懵然不知，日前就有港男因在車上睡得太沉，直至巴士到了總站，全部乘客都已下車了才醒來，卻發現自己被鎖在車廂內！

影片截圖

醒返時車內空無一人車門被鎖

有港男早前在社交平台發文及影片，寫到「點解返工遲到？」由影片中所見，他人身處巴士的下層，車門已鎖，而車內空無一人連司機也不見，只有樓主無奈地坐在空車內。

港男表示因為在巴士上層睡得太熟，到了總站都不知，而司機也沒察覺直接鎖車走人，所以也成為了他當日返工遲到的原因。

影片截圖

網友同情：睇嚟你真係好眼瞓

不少網友睇帖文後留言「司機落車前要巡車架！！！」、「好慘，睇嚟你真係好眼瞓」、「呢鑊嘢你好可能一世都記得」。亦有網友則教樓主下次遇到類似情況應如何甩身「自己撳掣（太平門掣）離開巴士車廂」，「前門望下門框有個黃色邊紅色開門掣，開門在安全情況下離開，記得撳返車外面嘅綠色閂門掣閂門」。

網民分享類似經歷 竟然睡到巴士已改了路線

不過帖文亦引來不少網民分享類似的經歷「試過坐巴士，去到總站唔知醒，好在巴士司機叫我」、「我試過半夜飲醉咗瞓咗喺架巴士，但個司機收車冇鎖，直接行返出去」、「我試過瞓到，巴士已經返到車廠入油，落到下層時嚇死個司機」。

影片截圖

有網民甚至試過睡到巴士已改了路線，「我嗰次要搭269C返工，一上車肯定係瞓覺，醒嗰陣發現以下嘅事情，車長換咗人；架車轉咗牌變68X；行車方向係入新界方向（仲要已經行到青衣就到汀九橋）」。

城巴fb圖片

有人在車上睡了幾程車超誇張

最誇張的是竟然有網民在車上瞓了幾程車「之前坐89D返學，瞓覺瞓到藍田站嘅時候有少少醒，但係唔知點解繼續又瞓返，跟住返返去馬鞍山又係有少少半睡半醒但係唔知做乜嘢，我選擇繼續瞓（可能諗住瞓到返屋企落車唔返學掛），但係最後醒返已經差唔多準備又上公路出九龍，跟住第二次同樣又係瞓到去藍田站，但係又係半睡半醒之間唔知點解選擇繼續瞓，跟住期間又半睡半醒望到架車行緊觀塘道，但係架車好似冇着燈，後尾架車唔知做乜嘢去咗樂富之後俾個司機叫醒咗」。

一名自封「巴士喇叭剋星」的男網民，因對在公共交通上大聲播放音樂及影片的人感到不勝其煩，決定「主動出擊」，大批網民稱讚其英勇行為。

坐上層但聽到有人外放音樂

該名網民於社交平台Threads自稱「九巴喇叭X剋星」，並在近日發布影片，稱「面對睇片開喇叭既死X街正確做法」。從影片可見，當時他坐在九巴上層前座，但當時車內有人大聲播放音樂，所以他馬上走落下層。

「九巴喇叭X剋星」聽聲即落樓。threads圖片

男子指斥播片男「樓上都聽到你把聲呀」

他斥責一名坐在車門附近的年輕男子，「喂，睇片細聲啲得唔得呀？樓上都聽到你把聲呀」，此時亦聽見司機說「電話可唔可似細聲啲呀」，該男子表示「哦，唔好意思」。當時下層有多位乘客停止用手機關注事件。

threads圖片

threads圖片

向鄰座女乘客問「駛唔駛借耳機比妳」

「巴士喇叭剋星」亦有發布另一段影片。當時他同樣坐在上層前方位置，鄰座女子則大聲播放影片。此時他拿起自己的耳機，伸出予對方稱「駛唔駛借畀妳呀」，女子感錯愕後即表示「唔好意思」，男子及後稱「係囉，咁細聲啲唔該，一係戴耳機」，該女子回應「OK」。

threads圖片

threads圖片

遇到應正面衝擊

「巴士喇叭剋星」及後稱「其實唔需要假設佢真係拎走耳機呢啲假設性問題，我想講如果見到隔離開聲睇片，其實唔駛講咁多，應該一野XX佢，唔駛話影相，要正面衝擊先係。」

示意圖

網民讚好「終於有即刻開聲唔係影相事後公審」

帖文獲大批網民回應讚好，稱「師兄好X勇敢，好多次想X人都唔夠膽X」、「我一直以為係佢隔離開盡喇叭播六字大明咒先係正確做法，You win」、「終於有即刻開聲X唔係影相事後公審，樓主好波」、「做得好！不過我覺得你都係太有禮貌了，應該可以再惡啲」、「咁後生都咁，以為係阿伯」、「錯重點，後面果阿姐部手機收都收唔切，可能以為你話佢」。