多得導演朱祖兒「帶挈」劉俊謙蔡思韵首合體拍廣告甜到漏

娛圈事

多得導演朱祖兒「帶挈」劉俊謙蔡思韵首合體拍廣告甜到漏

2024年09月17日 15:00 最後更新：18:19

蔡思韵與劉俊謙繼即將上映的新片《武替道》之後，兩人再度合體首次同框為飲食平台拍攝廣告。

日前網上發放一條兩人演出的15秒預告短片，片中阿謙一臉不滿的在鏡頭前說：「問！問！問！」影片出街後大家對阿謙不留情的指罵，以為他欺負Ceci（蔡思韵），竟然被網民即刻留言斥「衰人」，入木三分的演出，果然打造出後果來，但卻令兩人啼笑皆非、也有留言以為是新拍的電影。其實執導這次廣告的朱祖兒或多或少將兩人溫馨甜蜜的一面，透過廣告拍出來，帶出如何「過好生活」，要過有溫度的日常！

點擊看圖輯

劉俊謙與蔡思韵首次同框為飲食平台拍攝廣告。

劉俊謙

蔡思韵

劉俊謙

導演朱祖兒對二人的演出非常滿意！

大讚二人是「好演員」！

繼上次跟阿謙以暴走族造型拍攝同一商品廣告之後，導演朱祖兒再次出手，鍥而不捨游說兩人的經理人，希望能劉、蔡能合體拍攝首支廣告。他自爆的說：「我真係半夜三更講故仔游說佢兩個經理人，俾佢地合體拍呢條好長好長嘅廣告，拍完之後我真係好鍾意，愛不釋手，一剪就八條！」

對於阿謙和Ceci的演出，朱祖兒讚不絕口：「我拍咗劉俊謙兩次，今次第一次拍Ceci ，過程中，我已經知佢（Ceci）非一般嘅好！理解力強，認真同聰明，拍之前，係冇諗真係會傾得成事，兩個合體拍電影唔奇，但拍廣告就好難得！起碼對我嚟講就係，但兩次嘅時間表都係超緊逼，近乎不可能任務，但拍攝過程中兩次都好過癮！（唔係客套說話）最終能在冇超時下，完成拍攝又趕得切出街！」

能夠完成今次他眼中「快靚正」的合作，朱祖兒感恩的說：「我會歸功於兩位演員嘅能力，如果換?係非專業演員，相信冇可能每鏡可以一兩個takes搞得掂收貨，但之後想搵啲蝦碌鏡頭就欠奉，因為無NG! 兩個已經係少有嘅超班好演員，極專業！會消化故事同人物關係，雖然只係廣告，相比電影會較輕鬆簡單，但我睇得出Ceci 好認真咁去捉摸對白嘅語氣，我特別中意佢嘅眼神，細緻入型！同上次劉謙一樣，佢一埋位就上身咁，好清楚知道要點演釋，最難得佢比出嚟嘅係超出我嘅預期中嘅更好！佢哋係『好演員』！非一般靚靚女偶像，我真係好彩，每次拍都搵到最好嘅演員！」

往下看更多文章

古天樂澳門尾場劉俊謙驚喜登場「城寨三子」合體姜濤力的表現抱起MR. COOL

古天樂一連兩場《MY FIRST SHOW》澳門站已在威尼斯人綜藝館大功告成，昨晚（8月30日）尾場請來汪明荃及MIRROR成員姜濤擔任表演嘉賓。

兩場澳門演唱會，宣萱、農夫、CY陳宗澤均輪住登場；農夫站台一口氣唱出《歡迎玩謝我》、《天下一家》，古仔形容今晚有可能是「永遠嘅尾場」，三人希望大家好好享受暫時的「終極尾場」，經古仔退場換衫，農夫再唱出《高舉隻手》。至於CY於尾場情深演繹代表作《滴滴金》，動人歌聲震懾全場。

過去三場《MY FIRST SHOW》，「城寨兩子」林峯、胡子彤偕同古老闆載歌載舞，來到最後一晚，「信一」劉俊謙終驚喜登場，當被問到何解尾場才出現，阿謙自言本身並非一位歌手，近排一直努力去聽晒古天樂的歌曲，古仔即出題叫他唱《杯麵》，阿謙先搭錯線唱出《男朋友》，古仔隨即大喝：「《杯麵》呀！」阿謙聽罷竟擰轉面給「背面」三位，古仔見狀不禁笑到踎低，更扮嬲說：「城寨你唔使睇！我睇返！」知衰的阿謙立刻下跪認錯。

輪到宣萱出場合唱《無時空之戀》，跟古仔相識多年的宣萱在尾場上卻有感性發言，她把二人的戰友關係比喻為「美國隊長」與「寒冬戰士」，套用兩角色之間的兄弟情金句「I'm with you till the end of the line.」場面感動。

姜濤亦有過大海力挺古天樂，兩人先合唱張國榮名曲《當年情》，之後姜濤透露MIRROR出道已獲得古天樂鼓勵，每次開騷見到對方嚴肅地坐在觀眾席相當緊張，但卻令他覺得要做得更加好，因為想見到古天樂另一個表情，今次在台上終於見到古仔有其他表情。對於偶像「小豬」羅志祥前一晚作狀撒嬌，要求在舞台上再被古仔「新娘抱」，姜濤向古仔提出要求，希望可以讓他抱一次，更模仿小豬擺撒嬌甫士，結果古仔被姜濤公主抱並再轉一圈。及後，姜濤再獨自唱出張國榮的《追》。