現時有不少公司都實行WFH (在家工作) ，但日前就有打工仔因長年累月WFH，公司竟然忘記了他的存在，因某原因數年來未安排工作給他，卻懵然不知「但人工仲照出緊」！？
資料圖片
因染新冠暫停工作休息在家
日前有打工仔在連登討論區以「WFH到被遺忘，無嘢做但人工仲照出緊」為題發文，指他在一間大公司工作，整個部門約百餘人，他平時很少和同事有溝通，初入職不久就因疫情關係被安排在家工作。當時公司安排兩組同事每兩周輪流一次WFH，避免「一中招就所有人病哂，有人中招就直接WFH多兩星期」。
期間樓主因感染了新冠肺炎而不用回公司工作，上司更允許他可以多在家休息幾天，並將他的工作交給其他同事負責。而之後又放了14天的大假，因此前後加在一起樓主約有兩個半月沒返過公司，亦沒有處理過工作。
設計圖片
驚悉上司因公司要精簡人手被炒
正當樓主差不多放完大假時，他致電上司詢問日後工作安排，驚悉上司因公司要精簡人手關係被解僱了，「佢就話公司野已經唔關佢事」叫樓主等公司通知再返工。但日復一日都未有消息，樓主於是再問前上司，「佢就話咁咪即係唔使返公司住囉，叫我唔使再搵佢，」
懷疑被公司「遺忘」但糧照出
就這樣公司差不多一個月都沒聯絡樓主，而樓主也不敢致電公司詢問，他解釋因「怕比公司話點解過咁耐都唔識返公司問返話我呃人工炒埋我」直到現在，他已徹徹底底被公司「遺忘」了，但工資卻一直照出，而且每年還有人工加，加到現時月薪約萬七元。樓主坦言「過得愈耐我就愈唔敢返公司問我既安排。」
示意圖。《愛回家》劇照
擔心被發現後公司會追討已付工資
樓主無奈地表示「大家可能覺得好爽，我一直收人工一直唔使做野，但其實我好驚」原來他現在還打緊第二份工，他心虛地問到「比佢地知會唔會告我? 」而現時這份工作的工資每月約二萬多，加上舊公司的萬七，他每月總共收入可達四萬元，不過他不禁擔心地問「過多幾十年後比公司發現會唔會追討返呢段時間既人工?」
設計圖片
網友：你有僱傭合約，佢梗係要出糧
帖文一出即時引起熱議，有網民叫樓主還是盡快向舊公司辭職 「一個人可以返兩份工，但前題係你唔可以同一時間返兩份工」、「正常office（辦公室）工份合約有寫打第二份工一定要同佢講，你冇講咪你違反僱傭合約」，並建議他「你都係畀少少錢，問吓律師意見吧喇」但亦有網民持相反意見，「你有僱傭合約，佢梗係要出糧。佢唔叫你返工係佢問題」、「到時畀人告嘅時候同佢講上司講過等通知再安排，仍然仲等緊，有咩問題？」、「其實呢啲幽靈員工外國大把」。
網民懷疑樓主作故仔
不過亦有不少網民質疑樓主作故仔，「唔怪得個post（帖文）熟口熟面」、「有正常智商嘅人都知冇可能發生啦」、「作文」，「潮文大家唔使咁認真」、「又翻炒呢段嘢」，「吹水都吹得好啲，每個月出糧條數有晒名有晒錢，HR（人事部）唔Check（檢查），你個teamhead（主管）都一定要睇，多咗個完全搵唔到／又唔知邊個嘅人，而一直出糧，係無可能唔發現的」。
一名港男近日在社交平台 Threads 上發文大吐苦水，透露家中因細佬一個驚人決定而陷入前所未有的家庭風暴。樓主表示，自己作為大哥「大半年嚟都冇搵到一份正職，老竇老母本來已經憂心到癲」，豈料細佬竟然瞞住全家，辭去一份月入高達6.5萬元的「鐵飯碗」，轉行到屋企附近做全職咖啡師，人工急跌至僅得1.5萬元。
細佬辭6.5萬鐵飯碗轉行做咖啡師遭父母鬧不孝。資料圖片
消息傳開後，老父當場氣得「拍枱開年」，痛斥細佬「讀咁多書走去做基層工，不知所謂」；阿媽更直情「喊到抽搐」，哭訴「全家嘅希望碎晒，以後都唔知點樣喺親戚面前講呢樣嘢」。面對父母排山倒海的壓力，樓主不禁迷惘發問：「細佬咁樣突然任性掉低個鐵飯碗，係咪真係好不孝？」
雖然父母「日日喺度喊苦喊忽，逼我做大哥嘅出面去勸返細佬聽話、搵返份正經工」，但本身仍未找到正職的樓主坦言「夾喺中間左右為難，真係唔知應該點處理」。他透露私底下觀察了細佬這一個月，卻發現了一個令他極度掙扎的痛心真相——這竟然是細佬「出嚟做嘢咁多年嚟，精神狀態最健康、笑得最多嘅一個月」。
細佬辭6.5萬鐵飯碗轉行做咖啡師遭父母鬧不孝。資料圖片
細佬向樓主傾訴，現在做咖啡師「唔使放工仲要 Whatsapp 覆機，唔使面對上司嘅情緒勒索」，收工時更終於能好好看一個日落，「第一次覺得自己活得似返個人」。面對「一邊係父母排山倒海嘅焦慮同安全感，一邊係親細佬好唔容易先搵返嘅條命同笑容」，樓主痛心拋出靈魂拷問：「為咗滿足父母嘅虛榮心而逼死仔女嘅精神健康，到底值唔值得？」
帖文曝光後隨即引來大批網民共鳴，紛紛為細佬抱不平。有人直指父母將壓力全壓在幼子身上極不公平，也有網民質問：「有無人關心過你細佬係咪做得唔開心？」更有人直言：「養兒唔應該係為防老，轉份低薪啲嘅工作，而唔係完全躺平已經好好。生仔嚟講，啲仔無喺出邊搞事、差人錢、問屋企拎返轉頭，已經執贏！」
細佬辭6.5萬鐵飯碗轉行做咖啡師遭父母鬧不孝。資料圖片
不少網民亦以自身「過來人」經歷大談心理健康的重要性，有人直言：「我都係讀好多書，3年前辭咗份收入不錯嘅鐵飯碗，提早廿多年退休，間中做吓低薪自由工作。照顧到自己加家用繼續有畀已 Ok。其實呢個世代放棄穩定高薪真係越來越普遍，唔係你媽咪口中咁驚世駭俗。最緊要人冇事，其他都係過眼雲煙！」
亦有過來人分享自己因壓力大而患病的慘痛教訓，勸誡大家不要等到身體出事才後悔：「我當年想裸辭，我媽話，咁咪辭囉，養返好自己身體先。最後我無辭職，3個月後因為壓力，由頭到腳生晒濕疹，睇咗半年中醫先叫好返，生濕疹嗰陣好抑鬱。所以病況，最後辭職先不藥而癒。」
除了批評自私家長的留言，亦有網民發表長篇精警回應，勸解樓主作為大哥不需要扮演「說客」去逼細佬回頭：「講真你細佬做嘅嘢需要好大勇氣。由 65,000 跌到 15,000，呢個唔係衝動，係佢深思熟慮過，寧願犧牲物質都要換返精神健康。一個人精神狀態健康、笑得出，呢啲比起份工嘅名銜同搵幾多重要好多。」
該網民續指，理解父母那一代人執著穩定和安全感，但這畢竟是細佬自己的人生，只要他能對自己的決定負責便足夠。他勸勉樓主：「你可以同父母講：『我明白你哋擔心，但佢而家精神狀態係呢幾年最好嘅。如果佢返去做份工令佢抑鬱、甚至出事，咁先係真正嘅不孝。』」
這位網民更體貼地提醒待業中、飽受家庭糾紛壓力的樓主，要先學會照顧自己：「你自己都未搵到工，壓力已經好大，唔好再攬埋所有人嘅情緒上身。每個人都要為自己嘅選擇負責，你細佬嘅勇氣，喺而家咁嘅經濟環境下，其實好值得尊重。」
細佬棄6.5萬鐵飯碗 做咖啡師
