城巴去年底公布將陸續為巴士站牌換上全新面貌，然而新站牌設計卻被批「難睇」，網民甚至直言「設計倒退」！
「城巴黃」作為主色 路線號碼不同色
城巴繼續沿用「城巴黃」作為主色，站牌上方亦印上巨大城巴標誌，而路線號碼上則以不同顏色區分，例如：普通路線（黃底黑字）、特快路線（藍底白字）、通宵路線（黑底黃字）。
Threads圖片
字型縮細又「撞色」
港島部份區域如銅鑼灣希慎廣場、香港仔巴士總站、鴨脷洲邨巴士總站已換上新站牌，但有市民投訴，相比以往新巴及城巴的舊版巴士站牌注重放大巴士號碼的設計，新站牌的路綫號碼明顯縮細及出現普通路線黃格黑字與黃色牌「撞色」問題。
加上「月台」令人混淆
部分大型轉乘站或巴士總站的站牌亦設有月台編號，方便乘客分辨月台位置。不過市民似乎不太受落，指出「月台A」、「月台B」字眼令人混淆，「未見過有人會用月台形容巴士站位置，唔知仲以為係港鐵」、「字體亦比巴士號碼大，俾鬼睇咩」。
Threads圖片
Threads圖片
網民批「難睇」並要求回復舊設計
有網民亦於社交平台狠批新設計「難睇」，「個字體同顏色設計真係好差，難睇到爆」、「當你個牌係驗眼個啲海報呀？」、「乘客要知既野就整到豆咁細，公司logo就整到咁大」、「月台號碼關我咩嘢事？個Font大到咁？巴士路線號碼好似要尋寶咁」、「縮細啲字本身已經係死罪，但更大嘅死罪係黃底黑字，深色底淺色字係易睇過淺色底深色字好多。」
Threads圖片
