十七年命運週期丨廖子妤擔任「喊擔當」無難度楊樂文挑戰自製舞台棟篤笑

娛圈事

十七年命運週期丨廖子妤擔任「喊擔當」無難度楊樂文挑戰自製舞台棟篤笑

2024年09月20日 17:00 最後更新：17:02

Lokman靠尷尬製造搞笑氣氛！

ViuTV原創劇《foodpanda 10周年呈獻：十七年命運週期》由下星期一晚（23日）起，逢星期一至五晚上9時30分播出。劇集講述眾人再次面對人生好運與厄運的週期交替時的抉擇，關於成長和療癒自身的故事。

點擊看圖輯

楊樂文（Lokman）挑戰自製舞台棟篤笑，靠尷尬製造搞笑氣氛。

廖子妤（Fish）自稱大喊包，擔任「喊擔當」無難度！

Fish坦言十分喜歡今次劇集角色。

楊樂文（Lokman）挑戰自製舞台棟篤笑，靠尷尬製造搞笑氣氛。

Lokman笑言今次過足戲癮！

廖子妤（Fish）被導演羅嘉駿（Steve）選為今次劇集的「喊擔當」，她笑言自己就是一個喊包，今次真是「搵啱人」。Fish指十分喜歡今次所飾演的角色：「因為佢有好多童年創傷，原生家庭對佢嘅影響好深。佢有一個咁嘅背景令到我更加容易投入同清楚點解佢會有咁嘅性格。可能佢望落去好似無咩情緒，但其實佢係好壓抑。」

而楊樂文（Lokman@MIRROR）表示今次在劇中需要自製舞台開棟篤笑，笑言角色完全無搞笑天份：「好笑嘅位係我個人夠尷尬所以好笑。好彩現實中自己跳舞追夢嘅過程就幸運過角色少少。」他指這次合作班底都十分風趣，無聊時大家更會用不同方法去演繹已拍攝的戲份，過足戲癮！

分集大綱
第1集（9月23日星期一）
2020年，蕃茄（廖子妤飾）急忙回港探望染病父親（魯文傑飾）。下榻防疫酒店期間被壓抑的思緒所困擾，讓她憶起同樣混沌的往日。2002年，蕃茄（張可欣飾）的生命經歷翻天覆地的變故，即將遇上兩個改變她一生的新同學……

第2集（9月24日星期二）
2020年，外賣員群組正瘋傳著客人下單指定「9號茄汁」的奇怪要求，好奇的外賣員（楊樂文飾）受上天指引，決意找出這位奇怪客人。2002年，英青校內一個名為「Ketchup to Matchup」的緣份配對遊戲正式展開，浪漫風暴席捲全校。

第3集（9月25日星期三）
外賣員失望地得知酒店房客並非昔日好友，更從蕃茄口中得知到一個令人唏噓的消息；2003年，小青（陳書昕飾）的表演才華被劇社導演歐陽（黎濟銘飾）發現，蕃茄（張可欣飾）得知戲劇比賽有夢寐以求的出國機會，成了她出走的目標。

第4集（9月26日星期四）
小青發現自己會因為緊張而失語，說不了台詞影響劇社排練；眾人苦惱之際，想不到另一款茄汁遊戲，竟能幫助小青擺脫有口難言的困境，更令蕃茄發現了小青一個重要秘密……

第5集（9月27日星期五）
家家有本難唸的經，大人在金錢和感情中周旋掙扎，和孩子的期望總有落差。蕃茄和父母的互不諒解醞釀著一場更大的衝突。

往下看更多文章

MIRROR「FING小組」新歌《BRO!》 Alton化身「Dolphin Wong」激發高音潛能 Frankie興奮跳爆褲成MVP

由MIRROR四位成員AK（江𤒹生）、Alton（王智德）、Frankie（陳瑞輝）及Lokman（楊樂文）組成的「FING小組」，繼強勁舞曲《FING!》與《DUM!》後，於9月5日澳門演唱會前夕，推出第三首全新單曲《BRO!》。有別於過往勁歌熱舞的跳唱屬性，四人今次大玩懷舊抒情曲風，避開文青式的雕琢，以最地道的香港口語與細節，深度還原男人之間「不用多說、有事即到」真實兄弟情！

觀看相關影片按連結：https://youtu.be/9GfjISvA884

談到新歌構思，Lokman表示是與公司A&R同事商量出來，事關他們四人子給人的感覺同元素，好似歌曲《男子組》的感覺，說：「我哋之前兩首歌《FING!》與《DUM!》已經係跳唱歌曲，第三首歌不如玩一啲唔同啲，所以就想試依類曲風。個原故事就係我覺得我哋四個好似網上一Meme圖，男人叫啤酒唔使講嘢，個bartender望一望指一指，你同班friend再望一望點個頭就可以叫到啤酒。Oscar 聽完就寫咗份咁有畫面的詞。」AK亦透露早在小組演唱會《W.T.F.》1.0及2.0的「廚房佬唱情歌」環節已有做慢歌的念頭，Alton與Frankie則笑言希望藉此擴闊「FING小組」的屬性，展現四子貪玩又感性的一面，開發更多路線。

不過，這首帶點懷舊及R&B味的抒情慢歌，卻被AK爆料指因為「Dolphin Wong」的震撼出現，亦會令大家覺得整首歌「反其道而行」，更順勢將Alton冠上「王海豚Dolphin Wong」的封號！Alton笑說：「作為第一個進錄音室，喺冇前人提示下，唱到嗰個高音位，突然『師傅到』夾硬衝咗上去，雖然唔知點收科，但當時錄音室氣氛非常好！我第一個玩，後面第二、三、四個就跟住一齊玩，最後都希望觀眾亦一齊玩。」而「海豚音」的意外解鎖，亦令《BRO!》進一步完美呈現出「FING小組」貪玩又真摯的本性。

至於MV拍攝當日，Frankie亦意外躍升為跳舞擔當，事緣Frankie在拍攝solo演出時，懷疑過於瞓身演出跳到爆褲，右大髀罅位置爆開足足有一隻手掌般大！三位兄弟即時衝出瘋狂大笑，場面失控。Frankie事後無奈又搞笑地澄清：「其實原本唔係諗住跳舞，本來係諗住開個馬，點知太耐冇跳，興奮一開個馬，太大力就爆咗！既然爆咗咁就跳埋落去，都真係第一次跳到咁徹底。明顯我功力又上升咗，右腳力勁咗！」最後Frankie被一致公認為當日MVP，笑爆全場！

被問到四人之間最深刻感動的「Bro事」，四子默契地全數投給了小組《W.T.F.》演唱會。不論是由1.0完騷後台互攬流淚，或是到2.0出場前喺後台圍圈熱身、純粹跳舞，甚至喺紅色車仔出發前的互動，四人都非常深刻。AK說：「好多都好難忘，好似MIRROR又好，或者只係我哋四人嘅騷、綵排後返酒店嘅聚會，係好屬於我哋四個人嘅時間，四個好似一齊完咗一件事後，食飯傾偈，係好Bro同維繫感情嘅方法。」

另外，「FING小組」將於9月5日登陸澳門新濠影滙綜藝館，舉行《Manifest | W.T.F. Live Tour 2026 - Macau》演唱會，四子除即場首唱《BRO!》外，亦非常期待彼此的即場發揮，當中Alton便承諾「王海豚」屆時一定會現身！到底到時現場會出現幾多條「海豚」一齊大合唱？再加上四子將為《W.T.F.》3.0準備專屬驚喜，各位粉絲切勿錯過！