食客斥屯門冰室雞翼腸仔飯要$75 網民撐餐廳： 你可以唔光顧！

日前有臉書專頁的管理員發帖，指在餐廳叫了一碟黑椒汁雞翼腸仔飯，批評「咁嘅飯75蚊，我都係留返啲錢去日本，得閒執張平飛快閃好過啦」，引來網友熱議！

FB圖片

香港，75蚊食腸仔；日本，75蚊食和牛

該位管理員在日本旅遊購物專頁連發兩帖並附上相片，相中是一碟賣相普通的黑椒汁雞翼腸仔飯，他直斥「咁嘅飯75蚊，我都係留返啲錢去日本，得閒執張平飛快閃好過啦」，更把雞翼腸仔與日本的和牛比較，指「香港，75蚊食腸仔；日本，75蚊食和牛」。

設計圖片

而眼利的網民留意到相中的碟印有餐廳的標誌，相信此碟雞翼腸仔飯應是出自屯門一間冰室，而其餐牌上的黑椒雞中翼腸仔飯，的確售價是75元。

示意圖。《愛回家》劇照

部份網民認同：香港物價真的非常過份

帖文引來網民熱議，部份網民認同管理員的看法，「監房新年加餸飯餐？」、「香港物價真的非常過份」、「?度最多20蚊成本」、「成本10元都唔使，真係慳啲錢去旅行用！貴得來唔值，食水好深」、「$7.5 就差唔多，所以?家飲食業自己趕客」等。

示意圖。《愛回家》劇照

網民撐餐廳：明碼實價，你可以唔光顧！

不過更多網民認為「奇怪，明碼實價，你可以唔光顧或者叫其他嘢食，明知又貴又頹仲要食完唱係乜玩法」、「咁你想畀乜你？ 都寫明腸仔雞翼飯，唔通畀豬扒你？」、「$50租金、$15人工，$5成本，賺你$5」、「有乜問題？又冇呃你」、「明碼實價，講明係乜野飯要幾錢，我睇到餐牌會直接起身走，點解仲要點嚟食？」。

疫情之後，外賣平台已成為不少港人醫肚的主要渠道，食肆的外賣配套亦愈做愈精緻，保溫、防漏、穩陣幾乎是基本要求。不過，近日有食客柯打一盒日式魚生飯時，打開外賣袋卻驚見隨餐附上一樽裝有三分之一的「咳藥水」，當場嚇了一跳，惟打開樽蓋嗅一嗅之後，隨即得啖笑。原來樽內盛載的並非感冒藥水，而是日本豉油。

有食客柯打一盒日式魚生飯時，打開外賣袋卻驚見隨餐附上一樽裝有三分之一的「咳藥水」，當場嚇了一跳。網上圖片

事緣平日外賣日式料理，餐廳多數只會附上細細包獨立包裝的豉油及芥末，惟這間餐廳明顯夠晒創意。雖然芥末同樣是裝在小膠杯內，但壽司豉油卻破格地盛載於藥水樽之中。加上豉油的顏色與傳統深啡色咳藥水極為相似，驟眼睇的確會令人誤以為是睇醫生後所開的咳藥水，難怪食客第一時間被嚇窒。

網上圖片

《愛回家》劇照。示意圖片

這個創意裝豉油的方法曝光後，旋即引起大批網民討論，留言區笑聲不絕。有網民抵死笑稱「有冇問佢攞張醫生紙呀」，亦有人模仿醫生處方口吻留言「一日三次，每次一格」、「用餐時服」，將咳藥水與豉油的錯位感玩到盡。

示意圖。設計圖片

不過，亦有網民將重點放在藥水樽的成本上，直指一個藥水膠樽大約港幣2元，以附餐豉油而言可謂相當落本，紛紛大讚店家「好揼本」。有人更笑言「日本有魚形豉油，香港終於都有自己既特色啦」，認為這種港式創意反而自成一格。事件亦意外令大批網民發現新大陸，紛紛表示原來可以購買藥水樽裝日常用品，有人更即時聯想到「做gym裝洗頭水ok wor」。

網上圖片