英皇國際東半山全新豪宅項目One Jardine’s Lookout自推出以來，深受市場歡迎，鐵定於周六（9月28日）開賣，連天后祖兒都於日前由英皇集團主席楊受成博士陪同下睇樓。
英皇藝人出名團結愛公司，近日一眾藝人包括衛詩雅（Michelle）、陳家樂、海兒（Hedy）、 鄧小巧、艾妮（Elly）、伍詠薇、楊天宇（Angus）、洪助昇（Aiden）、阮雅（Bonnie）、黎峻（Kenneth）、劉若寶（Polly）、朱天、郭思（Suey）、Jonathan @SULIS及Logout@SULIS組「明升睇樓團」，在英皇娛樂CEO許佩斯（Shirley）帶領下齊撐新樓盤，並獲老闆楊博士親自接待。老闆楊博士更笑說點名家樂及Michelle即刻入票！
點擊看圖輯
英皇集團主席楊受成博士（後排右五）及英皇娛樂集團行政總裁許佩斯女士（後排右一）率一眾英皇娛樂藝人參觀公司樓盤One Jardine’s Lookout示範單位。
初為人父的陳家樂及將為人妻的衛詩雅被 老闆楊受成博士點名買樓。
（左起）海兒、郭思、鄧小巧、劉若寶、艾妮、 伍詠薇、衛詩雅、阮雅興奮睇樓，更發揮女生購物天性，向老闆楊受成博士詢問買樓折扣。
（左起）Jonathan@SULIS、洪助昇、陳家樂、 朱天、楊天宇、Logout@SULIS及黎峻， 七子做Gym癮起，即場示範使用新盤會所設備的健身器材。
英皇集團主席楊受成博士（後排右五）及英皇娛樂集團行政總裁許佩斯女士（後排右一）率一眾英皇娛樂藝人參觀公司樓盤One Jardine’s Lookout示範單位。
去年擔任公司樓盤「澄天」代言人的Michelle新婚將至，她笑言自己夢想是做少奶奶，住東半山就可以成日High Tea及shopping。雖然今次Michelle並非新樓盤代言人，但仍貫徹力sell精神，向家樂說：「BB大得好快㗎，你初為人父，咁上下時間要開始留意校網㗎啦！」
初為人父的陳家樂及將為人妻的衛詩雅被 老闆楊受成博士點名買樓。
家樂透露很多親戚叫他要睇定學校，因為真的是一門學問，「咁我不嬲都係緊張大師，公司一有新樓盤我都有特意去做research了解呢個地區，同事介紹東半山出名多小學、中學名校，都真係幾吸引。」隨後輪到家樂大爆Michelle想於鰂魚涌置業，「你咁鍾意港島樓，不如你再下一城，買One Jardine’s Lookout做投資收租啦！」
（左起）海兒、郭思、鄧小巧、劉若寶、艾妮、 伍詠薇、衛詩雅、阮雅興奮睇樓，更發揮女生購物天性，向老闆楊受成博士詢問買樓折扣。
而第一次以英皇藝人身份睇公司樓盤的Hedy表示好開心大家一齊組了一個十分有氣氛的睇樓團睇盤，大讚同事之間好有愛，還有老闆帶路，又不忘賣口乖，「當我聽到可以一齊嚟支持公司樓盤我都有舉手話要嚟，而且我仲未喺香港置業，不嬲都知道呢個係傳統豪宅區， 睇返呎價都好吸引，所以我都真係想了解多啲呢個項目。」
（左起）Jonathan@SULIS、洪助昇、陳家樂、 朱天、楊天宇、Logout@SULIS及黎峻， 七子做Gym癮起，即場示範使用新盤會所設備的健身器材。
