跨國界後製團隊攜手製作完美CG 柳應廷《月居人》MV化身異能人毁滅地球

期待多時，柳應廷Jer的最新派台歌《月居人》的MV終於面世！這次MV找來跨國界經驗豐富的CG團隊參與製作，令Jer登上月球化身月居人，而且更猶如擁有異能，令地球瞬間大爆炸！

Jer新歌《月居人》的MV終於面世！

繼《筆觸男孩憂鬱之死》及《約齊靈魂在墳墓開生日派對》後，今次《月居人》繼續以月亮作主題，Jer道：「《月居人》想帶出嘅訊息，係希望大家唔好亂咁踏入人哋嘅世界，破壞對方嘅秩序，同今年另外兩首單曲一樣，都係好想講一個月亮嘅主題，由頭到尾都係月亮惹的禍。」

今次《月居人》繼續以月亮作主題。

Jer指《月居人》想帶出的訊息是希望大家不要胡亂踏入別人的世界，破壞對方的秩序。

從過去兩支MV，以月亮wide shot，來到今次《月居人》MV中，Jer跳上了月球表面，Jer為大家介紹自己的角色：「今次我跳咗上月亮，喺MV裡面飾演一個離開咗地球，住喺月球嘅月球人，仲由地球帶咗一朵花、一隻兔仔同埋寶石上去，希望可以逃離群眾，可以喺自己世界生活。」Jer的角色留長了頭髮，他笑言：「因為喺月球住咗好耐，冇人幫我剪頭髮，所以留到好長 ！另外臉上加咗銀箔，有一種沾染咗星塵嘅感覺。」

今次《月居人》MV，Jer跳上了月球表面。

Jer由地球帶了一朵花、一隻兔仔及寶石到月亮。

Jer的妝容夜好有心思！

因為故事發生在月球上，所以今次MV製作都投放了很多資源在後期製作上，團隊中集合了來自香港、台灣、加拿大等地9位經驗豐富的視覺特效人才，是一次跨界國際合作，就連Jer都覺得自己變得厲害了！他笑道：「我好似演緊一個識超能力嘅人，郁一郁隻手，地球就已經爆炸，亦可以擋到激光，但其實我拍落，先知原來CG嘅畫面我要去演係好難嘅，例如我要望到地球大爆炸，feel到激光槍射過嚟我要擋，呢啲全部憑幻想去俾反應。」

因為故事發生在月球上，所以製作投放了很多資源在後期製作上。

團隊中集合了來自香港、台灣、加拿大等地9位經驗豐富的視覺特效人才。

這一次跨界國際合作，連Jer都覺得自己變得厲害了！

的而且確， Jer要與導演、美術設計、攝影燈光及後製團隊多次開會及溝通，並於拍攝前事先排練，才能確保走位精準，另外加上現場燈光設計，模擬月球表面的光暗位，再配合後期製作，至做出現在《月居人》MV中的完美畫面。

觀看相關影片按連結：https://youtu.be/fltY_7gFHJ0

MIRROR成員江𤒹生AK推出全新單曲《傷心萬里通》，邀得 Wyman（黃偉文）首度合作填詞，並由潘宇謙作曲、Nick Wong 編曲及陳考威監製。歌詞巧妙地以飛行里數比喻一段無法兌現的愛情關係，深刻刻畫出投入付出卻得不到回應的遺憾。

MIRROR成員江𤒹生（AK）推出新歌《傷心萬里通》。

首度與黃偉文（Wyman）合作填詞。

AK透露起初收到歌詞時感到十分驚喜，能夠首度與Wyman合作感到非常高興，亦相當佩服對方能將飛行里數概念注入情歌。他表示：「邀請到Wyman幫我填詞係非常之開心！佢對每首歌都有好獨特嘅見解。今次佢用呢個理數去比喻一段得不到嘅愛情故事，我完全諗唔到，呢個比喻方法真係好犀利。」AK亦提到自己花了些時間消化歌詞，希望能精準投入概念，演繹出這段無疾而終的情感。

拍攝時AK與守宮「波仔」對戲，自爆被嚇至大叫，要向牠道歉。

今次MV故事講述一個男仔遇上心儀女生並傾盡心思追求，可惜兩人之間未遇上最好時機，加上誤會最終無法走到一起，再次讓愛情落空。女主角方面，AK 特別找來小師妹 Day（許軼@COLLAR）擔綱，同時AK亦會為Day即將推出的新歌 MV 擔任男主角。兩首新歌 MV 採用罕見的「雙故事串聯」模式，AK 說：「兩個故事喺同一個 MV 中互相關聯係個創新嘗試。之前同佢影過一次雜誌，今次算係第一次合作拍 MV，拍攝時間比上次長，感覺好新鮮亦好特別。」

MV邀得Day（許軼@COLLAR）任女主角。

Day

除了阿Day之外，拍攝現場更邀請了一位爬蟲類特別嘉賓——守宮「波仔」同場演出，為 MV 增添不少豐富元素。雖然 AK 坦承對爬蟲類動物有點戒心，但依然放膽嘗試，拍攝期間更發生一段爆笑小插曲。AK 說：「其實我對爬蟲類真係有啲驚，但因為 MV 中講條守宮係我養，導演想我同佢多啲交流，叫我試吓將佢屋企舉起，點知佢突然郁……我唔小心大叫左，嚇親佢，我要同波哥（守宮）講聲唔好意思！」AK期待樂迷能透過《傷心萬里通》感受這份獨特的愛情共鳴，並笑言希望大家聽歌之餘，亦能投入這部充滿心思與視覺驚喜的 MV 作品。

以飛行里數比喻無法兌現的愛情。

兩首新歌MV以「雙故事串聯」模式呈現。