陳奐仁慶祝入行15周年 10.5舉行爵士音樂會

鬼才Hanjin堅持音樂夢！

陳奐仁（Hanjin）到新城廣播接受黎莉主持的《勁爆樂勢力》錄音訪問，有鬼才之稱的Hanjin遇上玩得的黎莉，合照時玩嘢擺出鬼馬甫士，兩人仲用節目牌分別遮樣、眼、口鼻叫大家猜猜他們兩人是誰，十分搞笑。

陳奐仁到新城接受《勁爆樂勢力》節目訪問。

Hanjin將於10月5日假座東蒲胡李名靜體育館舉行《陳奐仁Raw Jazz 15周年爵士音樂會》，慶祝入行15周年，「今次音樂會中文名叫『攞着數』，大家嚟攞吓我哋啲着數，開騷前會有酒飲。」

Hanjin將於10月5日假座東蒲胡李名靜體育館舉行《陳奐仁Raw Jazz 15周年爵士音樂會》。

Hanjin百足咁多爪，同時兼備作曲家、填詞人、唱片監制、混音師、歌手、歌唱評判，不過他在訪問中，細訴於2009年推出首張《Raw Jazz》爵士碟時遇上阻滯，「一開頭唔係想做Jazz，我想做搖滾明星，去酒吧唱搖滾歌，參加搖滾比賽，攞晒啲獎，覺得自己應該有機會啦，又唱得又彈得，點知唱片公司個個都話我唔睇得，個樣同音樂好唔夾，所以嗰時搵唔到人出碟，我一句粗口，咪自己出囉，後來出錢搵朋友幫手出咗隻碟。」

成功推出唱片的Hanjin，心情卻猶如坐過山車，「Jazz碟比較冷門，賣唔好冇人怪你，好彩隻碟成績都唔錯，跟住再做其他流行碟，又開紅館騷，我又淆底，問主辦單位有咩可以再好啲，佢話『你可以紅啲』，後尾為咗想紅啲就去咗拍劇，拍完劇入咗屋就紅咗啲。」Hanjin透露當時走出街，會有不少途人跟他打招呼，去街市買菜又會有不少贈品，「幾好呀，好似我偶像周潤發話齋，佢話佢有七百萬個親戚。」

鬼才Hanjin與主持黎莉合照鬥玩嘢！

場面搞笑。

黎莉問Hanjin在他「紅咗啲」的時候可有感到開心？Hanjin坦言沒有，「我擺明唔係劉德華嘛，尤其係嗰一刻，我只係一個比較出名嘅音樂人或者唱片監製，我憑電影《李小龍》攞金像獎最佳新演員，除咗我父母好開心、我啲朋友好開心，同埋劇組好開心，我冇見到咩好大分別，啲影帝成日話一攞金像獎，你之後一兩年都唔使撈，因為你一攞獎，啲人覺得你加咗價。」

Hanjin至今仍繼續堅持他的音樂夢，但其實要搵錢有很多不同途徑，Hanjin笑稱，「我諗我唔夠貪錢，又好固執，想追個夢，我冇黃貫中咁靚仔，不過經歷咗咁多嘢都開心，拍戲有獎嘅，又喺香港搵到一個舒適嘅生活，有七百萬個親戚，所以人生好理想。」訪問將於10月1日新城知訊台《勁爆樂勢力》節目播出!

Hanjin堅持音樂夢。

詳細精彩內容，請留意10月1日，下午12:00 -13:00，新城知訊台《勁爆樂勢力》節目，收聽網址：https://www.metroradio.com.hk/MetroInfo/

歌手陳奐仁（Hanjin）日前到新城廣播接受梁兆輝主持的《One Music Corner 壹角樂》錄音訪問，Hanjin除了分享音樂路上的點滴，更罕有自爆曾寫歌給王菲卻被「退貨」，以及對梁朝偉一雙「電眼」的深刻感受，場面幽默又真摯。

陳奐仁（Hanjin）受訪自爆曾寫歌給王菲卻被以「有啲孫燕姿feel」為由拒絕。

Hanjin在節目中透露自己的音樂啟蒙源自對搖滾的狂熱，夢想成為rockstar。他坦言曾創作多首歌曲希望能被唱片公司賞識簽約，卻意外地只有歌曲被選中。《愛是懷疑》便是當年沒人要的Demo之一，最終輾轉落到陳奕迅手上。 Hanjin憶述，當時陳奕迅在車上聽了一整晚Demo，堅持要找原創者來擔任製作人，希望能還原歌曲最初的模樣，他表示：「嗰時我仲喺大學讀書，呢次係我製作生涯嘅第一個大project。」

與台上活力四射的形象不同，Hanjin在節目中坦承自己曾是抑鬱症患者。「音樂係我逃避抑鬱症嘅避難所。」他透露在17歲時因校園欺凌而情緒崩潰，母親當時難以接受兒子患病，最終帶他求醫並服用藥物穩定病情。為了尋找寄託，他將所有精力投入音樂，一做就是十幾年。他形容首張專輯選擇做爵士樂是輸得起的決定，因為爵士樂在酒吧有市場，即使賣得不好也不會心碎。

雖然被拒，Hanjin並無不悅，反而欣賞王菲的判斷。

在「快問快答」環節，Hanjin展現了幽默一面。梁兆輝問到：「你最想同邊個音樂人合作？而佢冇得say no？」Hanjin毫不猶豫回答：「王菲。」隨即自爆一段被拒絕的經歷。Hanjin透露自己曾經寫了一首歌給王菲，但對方思考過後拒絕了。他回憶王菲當時給出的理由是：「『有啲孫燕姿feel』，跟住就完咗。」 雖然被拒，但Hanjin並無不悅，反而欣賞對方的判斷：「我覺得佢做得完美。」

他更笑言，當年認識王菲的時候，曾跟好友謝霆鋒說：「佢係全世界最靚嘅女人。」他憶述一次跟王菲的難忘互動：「佢走過嚟，畀咗一嚿齋我食，我當時心諗『邊有人行咁咁靚嘅呢』！」

他笑言當年認識王菲時，曾向好友謝霆鋒說：「佢係全世界最靚嘅女人。」

梁兆輝再問他未來大計時，Hanjin竟搞笑地說：「我嘅大計就係變成下一個梁朝偉。」他解釋：「佢真係好型，同埋佢真係識得對住攝影機。」Hanjin認真分析梁朝偉的成功之道：「我覺得他又靚仔，運氣又好，因為好運係最強嘅實力。但係佢都有技巧嘅，佢嘅技巧係特別屬於自己。技巧係你只需要學識同用你自己嗰套拳。如果你係少林拳，你就唔好理武當同崑崙，你睇到有個人喺到耍，無論幾精彩都好，都與你無關。」

Hanjin透露曾患抑鬱症，靠音樂走出陰霾，《愛是懷疑》原是被嫌棄的Demo，終由陳奕迅選中。

重溫節目，請於6月6日晚上九時登入知訊台《One Music Corner 壹角樂》：https://www.metroradio.com.hk/MetroInfo/