兩樂隊加盟英皇新廠牌 「TLO」只唱英文歌 「DIW」自詡純潔

兩樂隊加盟英皇新廠牌的樂隊分別是香港樂隊「The Lemon Ones」及來自澳門的樂隊「Daze In White」。

英皇娛樂旗下全新音樂廠牌「288 Records 」去年舉行了「起勢夾 : Band Combat」樂隊比賽，推動本地Band Sound，繼今年六月兩隊樂隊SULIS及Locksmiths正式登場及推出歌曲後，「288 Records」再宣布簽下來自澳門的樂隊「Daze In White」及香港樂隊「The Lemon Ones」加盟，日前特別舉行launch party介紹兩隊樂隊，當日商台DJ梁文禮擔任司儀，同門的曾傲棐（Arvin）、SULIS、Locksmiths、商台DJ梁子、DJ Woody、Julio@Soler及陳慧敏親身來到撐場，認真唔話得。

英皇娛樂旗下全新音樂廠牌「288 Records 」旗下四隊樂隊。

Julio@Soler（中）

梁文禮、梁子

曾傲棐

陳慧敏

Launch party當晚，先由The Lemon Ones打頭陣，成員由主音及結他手Jero、結他手Smile、Keyboard BoBo、Bass手Jacky及鼓手Brian組成。當晚The Lemon Ones共演唱三首英文歌，原來樂隊只唱英文歌，問到為何有這麼大膽的設定，主音Jero坦言原來是因為自己廣東話唔叻，「不如直接啲用番英文。其實創作時，我哋嘅音樂都係簡單、直接為主，呢樣嘢一直keep it in mind ! 希望透過我哋嘅作品，同我哋join in the party and have fun！」

至於樂隊名稱由來，原來亦是一個有趣的故事，「有一次見朋友食煙，我哋問佢食緊咩？佢話檸檬1號，當時我哋笑佢食1號不如唔好食，之後就用呢個名作為隊名。『TLO』理念係music就好似一個party，我哋係好鍾意好多人一齊玩，尤其是音樂創作係一件好開心嘅事。」

The Lemon Ones IG圖片

The Lemon Ones IG圖片

表演完畢後，由來自澳門、上月尾推出新歌《選取快樂》的「Daze In White」接力，五位成員分別是主音Felix、結他Eugene及Michael、Bass手Dennis及鼓手Dash，樂隊風格除了Rock，亦會加入Post Rock及Math Rock於編曲上，至於樂隊名稱，Felix解說：「先由後面White解讀，我哋五個大男人有一個共同點，就係好純潔，哈哈。係對待音樂好純潔，我哋五個都好簡單直接咁熱愛音樂，所以就用咗白色White代表呢份態度；而Daze就係喺呢份純潔入面保持發白日夢，不斷創作音樂，希望用我哋嘅音樂感染生命，透過我地嘅每一首歌、每一個現場可以令大家感受到有我地嘅音樂陪住大家，呢個就係『DIW』嘅音樂最想做到嘅事！」

Daze In White IG圖片

Daze In White IG圖片

YouTube Music Nights這次找來曾比特（Mike），而且更是他等足三年首個戶外音樂會！Mike除了邀來許靖韻（Angela）及樂隊Daze in White任嘉賓，於音樂會尾聲時更變身「喊包」，淚灑舞台，全場勁感動。

Mike等足三年終迎來首個戶外音樂會！

Mike還邀來許靖韻及樂隊Daze in White任嘉賓。

Mike還邀來許靖韻及樂隊Daze in White任嘉賓。

由於是Mike期待已久的戶外show，因此他整晚都十分投入及享受，但到壓軸一曲《天空沒有極限》就出事！Mike一開聲無耐，已經眼紅紅、鼻酸酸，最後真的頂不住，喊到唱不出聲！隨後他擰歪面勉強收拾心情，但當一擰番轉頭想再唱時，淚腺又再次失守，被第二波眼淚狂飆！台下fans見到偶像喊到豬頭，即刻嗌爆全場狂呼：「支持你呀！」終於，Mike抹乾眼淚深呼吸，才可順利唱完，全場即時報以雷動的歡呼聲，場面感動。

完show後，Mike分享為何突然感觸大爆發。他直言這三年一直很想跟歌迷見面開show，就算小型都好，「好想大家好好地見面、好好地唱歌俾大家聽。」捱過三年，終於等到這一天可以於戶外場地演唱自己喜歡的歌及新歌，既開心又感動。Mike續說：「冇諗過會喊，所以到呢一刻真係達成願望，情緒就湧上嚟，唱到『如果可聽見我』呢句，自己個諗法、情緒就到，跟住就開始啜泣啦，想唱都唱唔到啦！」他又鼓勵大家，如果正在等待一個目標，千萬不要放棄或者自怨自艾，「呢個世界其實好廣闊，你要相信你自己係冇Limit，唔會有極限，只要想就可以做得到！」

Mike、Angela

音樂會圓滿結束。

大合照