劍擊運動員蔡俊彥憶住Hall點滴 讚室友Edan夠義氣不忘本

對於蔡仔的深情發文，Edan表示：「貢sweet㗎咩」！

呂爵安（Edan）早前跟大學Hallmate兼香港劍擊運動員蔡俊彥（Ryan，蔡仔），日前難得同場出席品牌活動，事後「黑圖王」Edan將讀書時代儲起的Ryan黑圖公諸於世。

呂爵安（Edan）和蔡俊彥（Ryan）難得在品牌活動喜相逢。

Edan留言：「當年嘅大學roommate，又點會諗到有一日會喺個fashion event到碰面，So happy to see you bro，繼續一齊各自努力。附上極罕有蔡仔（同自己）黑圖 #以前個樣咩事 #搵相先發現原來我哋極少影相 #咁耐冇見竟然係喺event見。」Ryan也在Edan的IG留言，並識做地Tag歌：「漸漸我們...」。

Edan貼出和蔡仔大學時期的合照。

今日（10月1日)凌晨，蔡仔於Threads出長文給「E位朋友」，憶述和Edan住大學宿舍時期的點滴，他大讚Edan為人平易近人，夠義氣不忘本，又指Edan在他心中是個很棒的朋友。

蔡仔寫道：「關於E位朋友（指Edan），記得大學岩岩（啱啱）入住宿舍，不懂社交，不懂包裝，個個話我寸，話驚同我相處。我當時是很擔驚受怕的，感覺人人都唔會喜歡我，你係其中一位『不聽取別人意見』，願意主動同我傾計（偈）相處嘅人。」
蔡仔又踢爆Edan：「你遠望Mk男神，近望平易近人，日日朝早霸住樓廁所第一個廁格一個鐘...唔講太多了，anyways我哋兩個硬膠好快成為好朋友。麻雀鐵腳，四處R腳，水人唔好理deadline。」

還鬧着玩貼了蔡仔極罕黑圖。

Edan IG圖片

蔡仔指有很多人欣賞Edan的風趣幽默真性情，而他反而更欣賞Edan的義氣：「好多人欣賞你嘅風趣幽默真性情。但我更欣賞你嘅義氣。即使大家冇住hall，我生活上遇上煩惱，只要你知道的，你都會送上關懷，若我要求你幫忙，你更係義不容辭馬上幫忙。世間上（至少係我身邊）要搵到有義氣不忘本，會顧及別人感受嘅人，實在少之有少，你絕對是其中之一，從未令我失望。不論你有冇今日嘅成就，係我心目中你都是個很棒的朋友。」

蔡仔直言現在大家已長大，見面時感覺都變得不一樣，思考及顧慮都比以前多：「不是說大家過得不好，只是被歲月洗禮，缺少了一點天真無邪，心智成長了。（應該有啦唔好質問）我仍然好懷念我哋同其他hallmate，無憂無慮敢喺麻雀枱度癈up（廢噏）嘴炮咒人出銃。我期望呢個畫面係我地四五十歲時再出現！宜（?）家大家一齊努力追逐自己嘅夢想啦！」而對於蔡仔的深情發文，「E位朋友」留言表示：「哇，一起身見到嚇咗嚇，貢sweet㗎咩」！

蔡仔大讚Edan夠義氣不忘本。

有網民搞笑留言叫兩人結婚。

Keeta品牌大使Edan呂爵安與Ryan蔡俊彥日前再度合體，現身出席「Keeta x Cantomania Kantopop派對」，為現場逾200位粉絲帶來特別的廣東歌體驗。這對「樂壇老Best」更首度分享一起擔任Keeta代言人及拍攝宣傳的爆笑趣事，又與粉絲傾心暢談在音樂路上的點滴、組隊大玩廣東歌「估歌仔」遊戲，其後獻唱人氣代表作，完美示範「啱Kee」最高境界！

Edan與Ryan合體現身「Keeta x Cantomania Kantopop派對」，對談音樂心路歷程兼與台下逾200位粉絲近距離互動。

是次「Keeta x Cantomania Kantopop派對」反應踴躍，入場券瞬間被粉絲換購一空。活動現場內外均聚集大批粉絲圍觀應援，支持這對好朋友的首次品牌合作，場面墟冚。兩位品牌代言人於活動開始時率先向支持他們的粉絲表示感謝，讓他們有機會透過不同的合作和廣東歌詮釋這份識於微時的友情，同時希望繼續透過Keeta不同的宣傳短片，將更多正能量和快樂傳遞給粉絲。

曾是大學同房室友的Edan與Ryan默契十足，大展歌喉合唱歌曲《1206》，亦絕密透露推出歌曲至今的感受，以及各種令友情再度升溫、更加「啱Kee」的秘訣！樂壇前輩兼《1206》 MV導演Edan被問到對新演員Ryan的評價，立即大讚Ryan鏡頭前表現自然，唱歌亦非常專業。Ryan亦感謝「呂導」的親切指導，又表示在拍攝Keeta廣告時，有好兄弟在場令他發揮更為自如，相信粉絲已從短片感受到他們日常的相處模式。

二人驚喜合唱以昔日宿舍房號命名的合作新歌《1206》，台下粉絲反應熱烈，驚喜歡呼。

到了「廣東歌估歌仔」遊戲環節，二人更主動與粉絲零距離互動，令全場氣氛瞬間直線飆升！每當歌曲前奏響起，Edan即「戲精」上身，以豐富的面部表情向隊員暗示答案；而Ryan則手腦並用，以打劍時的敏捷反應與隊員交頭接耳、指手畫腳，令全場充滿歡笑聲。最終勝出的粉絲更贏取Edan和Ryan的簽名合照，場面溫馨歡樂。

其後，二人更分別獻唱人氣單曲。Ryan打頭陣深情演繹個人第二首單曲《死因不明》，隨後由Edan接力，送上浪漫單曲《壞人一個》，全場歡呼聲此起彼落，以累積多年的兄弟情與無間默契傳遞廣東歌的獨特魅力，與粉絲共度難忘的「啱Kee」音樂之夜。

自認「壞人一個」的Edan表示：「好多謝Keeta今次舉辦廣東歌活動，令我哋可以透過最喜愛嘅廣東歌答謝粉絲一路以嚟嘅支持！今日除咗有歌聽，更加有美酒同埋最正嘅Party Vibe，令美食體驗瞬間昇華。嚟緊我同Ryan會繼續送畀大家更多『啱Kee』體驗，大家拭目以待！」

港隊男子花劍運動員兼人氣男新人歌手Ryan亦表示：「今次係我以歌手身份出席嘅首個粉絲活動，有Edan同我一齊唱歌，好有當年讀緊大學嘅青春感 覺。成為Keeta代言人令我除咗打劍、唱歌之外，亦有機會喺日常生活入面陪住大家大歎極速送到嘅外賣美食。今次係一個非常難忘嘅體驗，希望可以帶到開心畀大家。」

全場大合照

Keeta以「啱Kee啱你多啲」為核心，為用戶發掘最「啱Kee」的美食驚喜，由點餐到送餐，每一環節都帶來優質體驗，讓顧客感受美食的多元魅力，引領全城「外賣新嚐態」。