溫碧霞對這次拍攝的作品感到相當滿意！
溫碧霞（Irene）上周飛往美國，與電影製作人洽談新片計劃，隨後又馬不停蹄地飛往西班牙，拍攝她的最新寫真集《Life Style》。Irene身穿多套華麗長裙，穿梭於兩地的名勝之中，毫不吝惜大曬纖腰和白滑玉背，包括一輯黑白「床照」，露出修長美腿，相當美艷動人，她笑言：「給大家睇著少少先，寫真集相片更多更靚，到時再給大家仔細欣賞。」
溫碧霞（Irene）飛西班牙拍寫真集。
此次旅程中，Irene在西班牙逗留了五天，並在其中的三天進行拍攝，她對這次拍攝的作品感到相當滿意，「希望呢本寫真集能夠真實展現我對旅遊嘅熱愛，讓大家了解唔同地方嘅文化背景。呢本寫真係送畀我啲粉絲最好嘅禮物，感謝佢哋咁多年嚟對我嘅支持，無論我身在何處，佢哋總係喺我身邊，所以好多謝佢哋。」
換上多套華麗長裙。
好靚呀！
昨天（10月1日）是Irene和丈夫何祖光的結婚24周年紀念，Irene特意趕回香港與丈夫慶祝，隨後又返回北京工作，「呢個月真係好忙，每次影寫真都係我保持身材嘅好機會，最近我保持喺最fit嘅狀態47公斤，好開心！用嚟迎接我嘅新戲《謊島美人魚》上映，同埋11月嘅演唱會，返嚟會加緊練歌，暫時會喺廣東省開三場演出，之後再到內地其他城市，希望未來能夠有機會喺紅館開演唱會。」
穿梭於兩地的名勝之中。
曬纖腰！
除了拍攝靚相，Irene也懂得享受生活，與攝影團隊一起品嘗當地美食，她興奮大讚歐洲的雪糕相當美味，「我哋每晚都會搵一間靚餐廳食吓嘢，邊影相邊hea，飲吓酒，有時會去cafe飲杯咖啡，啲餐廳同露天茶座都好有味道，西班牙係一個好有藝術文化氣息嘅地方。」
黑白「床照」。
為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。
英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。
昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。
女團VIVA
溫碧霞（Irene）亦有到場感受氣氛。
經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」
VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」
何佩瑜（Jeana）
Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」
周國賢（Endy）壓軸登場。
全場瘋狂high爆！
整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。
