Felix林智樂推出全新國語單曲《天使披著魔鬼風衣》 邀大師級人馬易家揚老師操刀填詞

Felix獲讚聲線細膩很能說故事。

林智樂（Felix）推出全新國語單曲《天使披著魔鬼風衣》，作為早前好評之作《年輪海》的國語版，邀得大師級人馬易家揚老師操刀填詞。Felix對此感到很榮幸，特意下苦功找國語老師苦練，務求盡善盡美演繹好今次作品。Felix說：「錄音嘅時候每錄完一take就send俾老師聽下有冇唱錯字，甚至會同老師video call聽住我有冇唱錯。」

林智樂（Felix）推出全新國語單曲《天使披著魔鬼風衣》。

邀大師級人馬易家揚老師操刀填詞。

Felix分享一直很喜歡，歡迎老師的作品：「真係好開心，因為冇諗過可以邀請到易老師幫手填詞！我好鍾意由佢填詞嘅林俊傑《修煉愛情》同《黑夜問白天》，同埋容祖兒《第一百個我》，所以真係好開心，好榮幸可以同易老師合作。」

Felix特意下苦功找國語老師苦練。

易家揚老師亦大讚Felix：「林智樂演唱的聲音很細膩，而且很有態度，很能夠講故事。」他解釋今次《天使披著魔鬼風衣》的主題，存在對未知的想像，他說：「一開始聽到demo，他在裡面提到年輪海，關於對未知的想像。我立刻就想到說，給他一個主題就是一個完全不能預測的未來，用很微觀，很渺小的角度去看一個大大的世界的一個概念。」

務求盡善盡美演繹好今次作品。

易老師續說：「後來我就更想了一層，這樣的未來太不可預測，所以就像一個天使披着魔鬼的披風，在未來的前等待着每一個冒險的人，圍繞這個主題去填詞，所以我用這個概念去幫他完成作品。」Felix亦表示細微歌詞後，對這首歌有另一番理解，多了一份觸動。

易家揚老師大讚Felix聲線細膩。

Felix林智樂推出新歌《魔法情侶工作室》，是他首次嘗試輕快浪漫的曲風，MV邀請到《聲秀》師妹Jenny甄敏芳擔任女主角，二人飾演一對校園情侶，Felix形容是「可一不可再」，他笑言：「我演藝生涯可能係得一次會有咁close嘅鏡頭。」

林智樂（Felix）推出新歌《魔法情侶工作室》。

首次嘗試輕快浪漫曲風。

關於新歌為何一改風格，Felix笑言自己是「老靈魂」，他說：「之前有歌迷留言話，不如唱一啲貼近你年紀嘅歌啦，青春啲後生啲嘛。之後喺監製舒文send嚟嘅demo入面，我一聽到呢首就揀咗，因為好入腦，我聽一次就已經記得點唱。」他又分享錄音時，舒文花了整整一個session去雕琢如何唱好verse部份，拿走唱腔中他認為虢礫緙嘞的聲音。

MV邀得《聲秀》師妹甄敏芳（Jenny）任女主角，飾演校園情侶。

Felix笑言是「可一不可再」。

MV一大亮點是邀請到師妹Jenny甄敏芳擔任女主角，二人飾演校園情侶，更有近距離甜密鏡頭，整個畫面充滿粉紅泡泡。被問到要拍攝親密鏡頭時有沒有心跳的感覺，Felix笑言：「其實時時刻刻都有心跳嘅，如果冇心跳就會死㗎嘛。不過真係冇諗咁多，終於明其他人拍kiss戲、close戲嘅感受，因為現場有好多人喺現場，淨係諗住要盡早完成，冇諗咁多嘢。」Felix又說：「其實拍之前有好好溝通，有問清楚對方o唔ok，如果唔ok可以改。佢覺得唔舒服或者你邊邊面靚都可以改，最緊要係令對方感覺得舒服，安心就可以，咁就唔會尷尬。」他又提到，現在MV剪走了一些更親密的鏡頭，因為他與團隊都覺得甜蜜可以不用畫公仔畫出腸，保留想像空間給大家會更好。

他又指有歌迷留言建議唱青春啲嘅歌，故一聽demo即選中。

Jenny首次拍MV坦言緊張，事前找家人練習近距離接觸。

Jenny作為第一次拍攝MV的師妹，坦言接到任務時既興奮又緊張。她表示：「事有盡量早啲瞓，用心護膚，希望以最好狀態去拍攝。事前溫習時見故事大綱有親密接觸鏡頭，我好驚自己會忍唔住笑，又或者會怯場退縮。所以事前有搵屋企人陪我練習，預先體驗同另一個人保持極近距離嘅感覺，提前預習一下。」

對於首次與 Felix 合作，Jenny 大讚師兄貼心又幽默：「佢好直率又搞笑，而且察覺到我會尷尬，拍親密鏡頭前會一直安慰我『唔使擔心』，叫我放鬆啲，令我非常安心。休息嘅時候佢亦都會同我傾計，互相多了解，令到正式拍攝嘅畫面更加自然。」她又說：「Roll 機時可以迅速投入角色，但真係好近嘅時候確實會緊張、心跳加速，甚至唔敢呼吸！拍完之後先發覺成個人好熱、出晒汗面都紅埋！」不過她仍然很感激能夠獲得這次寶貴的演戲體驗。

Jenny大讚Felix貼心幽默，令她安心拍攝。