劉美娟認拍拖一日即被老公求婚 漢陽爆張崇德婚前守身如玉

雖然拍拖到結婚的過程有些短，但劉美娟與張崇德結婚20多年依然相當恩愛！

劉美娟接受新城漢陽主持的「詩歌有Guide」錄音訪問，與張崇德結婚20多年的劉美娟，在節目上分享跟崇德的相識經過，又大爆跟對方拍拖僅一天，崇德便向自己求婚，兩人在同年年尾便拉埋天窗，而漢陽則擔任伴郎，可見漢陽跟崇德和劉美娟的友誼相當深厚。

劉美娟接受漢陽訪問。

漢陽在節目上笑指當年覺得劉美娟和張崇德大欖都扯唔埋，但兩人原來相當合拍，婚後至今仍相當恩愛，劉美娟表示：「我同崇德都覺得係大欖都扯唔埋，我係演員，佢係唱歌，真係冇諗過，但好感恩，當初我有個拍拖超過十年的男朋友，分手後認識咗崇德，但唔係我主動去認識，我要視為結婚對象先會去開始，之後祈禱同神講要畀我就畀我。」

劉美娟分享與老公張崇德的相識經過。

其實崇德在劉美娟的生命中出現了多年，雙方既是「藝人之家」成員，又結伴拍攝福音節目，「有一日突然有個感覺，呢個人就係你將來結婚對象，而佢都有好強烈感覺，呢個就係你將來妻子，到佢表白，話聽到呢個聲音，我話其實我都聽到，咁大家就好開心，我哋2000年12月31日開始，佢2001年1月1日同我求婚，只係隔咗一日，佢話好似太快，我話都唔係，仲嘥咩時間，咁我哋嗰年年尾11月就結婚。」

劉美娟大爆跟張崇德拍拖僅一天，對方便向自己求婚。

二人最終於同年年尾便拉埋天窗。

期間，漢陽還踢爆崇德在婚前守身如玉，「佢係我認識嘅基督徒中最虔誠一個，佢要真係老婆先至會做結婚那件事，好乖仔。」劉美娟即謂，「時下年青人都係，唔好心急，婚姻唔係搵一個合適嘅人，而係去做一個合適嘅人，即係要付出同埋愛。」

漢陽更踢爆崇德在婚前守身如玉，好乖仔。

劉美娟於1985年參加無綫的健美小姐競選獲得季軍入行，參選期間，外界形容她是已故藝人翁美玲的翻版，「我都收到好多佢嘅影迷寫嘅信，佢哋覺我填補咗佢哋（心靈），我都好感恩嗰刻做到呢哩嘢。」

劉美娟

詳細內容，請留意10月13日，晚上9-10時，新城知訊台「詩歌有Guide」節目，網址：https://www.metroradio.com.hk/MetroInfo/

歌手張崇德日前到新城廣播接受李有毅（Ben）和兒子（Benson）李國煒主持的《Ben同Benson『Chur』到行》錄音訪問，張崇德分享了他與太太劉美娟從相識到步入婚姻的經過，這段過程被他形容為「在人不可能，但在神凡事可能」的奇妙安排。

張崇德接受李有毅與兒子李國煒節目訪問。

左起：李有毅、張崇德、李國煒

張崇德與劉美娟最初是在一個福音節目中認識，當時彼此的印記僅是知道對方是個好人，關係停留在普通朋友的階段，並未擦出愛火。張崇德在訪問中直言自己性格執著，過往的戀情都被告知很難相處，加上他非常享受個人空間與自由，曾一度決定不再拍拖結婚，「我自己一個人真係好開心，冇謂『搵嚟搞』。」

然而，人生的轉捩點發生在2000年某日，張崇德描述當時聽到「上帝的呼喚」，毫無預兆地出現「你要結婚跟劉美娟」的念頭，但他形容當時是極度抗拒，甚至感到莫名其妙，他表示：「我當時話唔好玩……完全冇嗰種感覺，所以覺得好奇怪。」這個念頭困擾了他一段時間，直至2000年12月31日迎來新轉機。

在新年派對上，張崇德將劉美娟拉到一邊，進行了一次他預料會「連朋友都冇得做」的對話，他對劉美娟說：「最近我有個好煩嘅念頭，我想話你知，我要同你一齊。」他笑稱當時已準備好會被對方認為是神經病。

李國煒13歲時與張崇基(左)、張崇德(右)合照。 (圖片由李有毅提供).

而劉美娟的反應完全出乎他的意料，張崇德回憶道：「佢好鎮定，冇鬧我……仲話『其實呢段時間我都有呢個感覺』！」原來劉美娟也在同一時期收到了同樣的「訊息」，張崇德形容當時的心情：「咁就搞掂，唔使再講落去。」

正式開始交往後，他們發現彼此在性格、價值觀、甚至喜好上都驚人地契合，更令人驚訝的是，在他們第一次正式約會，即2001年1月1日，張崇德在車上對劉美娟說的第一句話是：「喂，不如結婚？」 對此，劉美娟雖然覺得「快了一點」，但也接受了「求婚」，於是他們在同年11月正式步入禮堂，至今已攜手走過24個年頭。

張崇德