前漫畫家祈文傑下個月就60歲，但就保養得好好，毫無老態。他日前同嫩口索女友着情侶裝購物，目測兩人年齡相差一大截，但一個俊一個靚，都幾相襯。
同索女友邊行邊講的祈文傑一點都不似59歲。
祈文傑和女友銅鑼灣連卡佛買外套，他一心一意揀外套，試完又試，最後情傾黑色絨外套，不過衫袖太長要修改，由試到度位再畀埋錢，全程45分鐘，索女友一直坐埋一邊無出聲，靜靜地陪住男友試衫。之後，兩人貼住行去燈籠街的樓上食肆食晚飯。
祈文傑嘅側面都幾Sharp，一認就認到。
買完衫就行去食飯。
祈文傑1998年同黃玉郎決裂後正式離開「玉皇朝」和漫畫界，而之前他一直有收藏文物的興趣，所以自資開設畫廊「祁遇記」，寓學習工作同娛樂於一身，在他藏品中，豐子愷的作品數量最多，約有逾百幅珍藏，保守估計總值約五百萬港元。